عودنا العقل الجمعي لبريدة بالثورة ضد الجديد بشكل مبالغ فيه خصوصاً اول يوم لكن عاشر يوم يرتخي ويشارك
كما تلقينا في مدارسنا ان مشاركة الكفار اعيادهم حرام وان ماعندنا الا عيدين ومحرم علينا ادخال السرور على الكفار بتهنئتهم
شوي شوي يصير الامر عادي
هالسنه افتى سلمان العوده بمبادلة التهاني ومنعوا حفلة راس السنه
السنه الجايه راح تكون هناك اعادة نظر في فتوى تحريم مشاركة الذميين الافراح والليالي الملاح ويغض الطرف عن حفلات موفنبيك القادمه
السنه اللي بعدها حلويات السلمان والارياف اخر يوم بالسنه ان ماجيت بدري تحجز كيكه فدبر نفسك قبلها بكم يوم ولا تنسى الشموع والبالونات وحمودي وعبودي طاقين بدلات بابا نويل وتقوم الصبح تلقى ام العيال ولا حدا خواتك حاطه كليجا بشرابه معلقتها على سريرك واذا مافيه سرير بطرف الفروه
على فكره الاحتفالات براس السنه منتشرة انتشار النار بالهشيم بالشقق والاستراحات اتوقع الاحتفال ماهو عقدي اكثر من انه من قل الوناسه يتعلقون باقرب فرحه حتى يصير الواحد منهم مثل اصقه الكلاب يشوف الكلاب اتثاوب وينبح مع الاعتذار منهم على هذا التشبيه لكن هذي الحقيقة الاحتفالية لاتحمل معاني عقدية اكثر من معاني وناسه وفلة
الايام بيننا
العرض الشجري