السلام عليكم
لي أزود من الثلاثين سنه وأنا أقوم كل صبح من أولى إبتدائي إلى ماأنا عليه من عمل
تعبنا وملّينا ، ياخي لو تخلوننا ننام مثل الناس ولانفزفز أذكر مرة من المرات إني غفيت الساعه ست ونص بين عشاوين وافز من نومتي ثمان واقوم والبس ثيابي وانا مرتبش وحالتي حاله وعيالي قاعدين يناظروني منخرشين وش جاوه وأهوشهم وراكم مارحتوا لمدارسكم ووراكم ماصحيتوني تأخرت عن دوامي ياللي بكم ومابكم صدق إنكم تحبون النوم والغياب وهم ساكتين من الصدمه !! أو هم يبون يشوفون تالي هالمقطع .
أبي الله يخليك تكلمهم تخليهم الله يعدي عنك ويجزاك الجنه البارده أبيهم يقاعدوني ويعطوني راتبي كامل
هماهـ الله يعدي عنك ويجزاك خير لاتنسى تقولهم
وقلهم ترى هو مل من توديت العيال للمدارس كل يوم أمر بهالطريق وكل يوم تمر علي زحمة هالصبح وكل يوم ألاقي ناس تتهاوش وكلن يبي هو يمشي الاول واللي يدرعم تسنه ماشافك يعني أوقف غصب ، مابي أسوق الصبح ياخي الواحد توه قايم ويروح يسوق ومابي ملييييت أشوف زملائي كل صبح وكل يوم أسلم عليهم لوتقول أرسم وجيههم كان رسمتهم صم
ملينا يناس كل يوم نقوم الصبح نروح الدوام خلاص مانبي مهوب بتله هي لو هو حلا كان طلع من جنوبنا كل يوم نقوم الصبح حتى الواحد مايتهنى بالنوم كل شوي فاز يشوف الساعة كم هل هي وصلت الى محاري الدوام قسم ياخي مرضنا من كثر الفزفزه طلعتبي حزات بنص وجهي اليمين والنص الثاني طلعت بي ثعلبه 
أقول قولي هذا وأستغفرالله لي ولزملائي بالدوام ولكم
وصلى الله وسلم على نبينا محمد.
[hr]#e3dada[/hr]
سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
العرض الشجري