* دائما الحياة السعيدة تتطلب منا ذاكرة ضعيفة تسقط منها إساءات اللغير لنا ..!
* العقل و الانفعال دائما لا يجتمعان أبدا في نفس اللحظة ...!
* الحب في مفهومه الحقيقي . عطاء بلا تحفظات ولا حسابات .. يقابله غالبا مماثل أن لم يزد عنه من جانب الشريك ( المحب ) ..!
* أن الأنسان هو أعظم أعجوبة في العالم وأرادته هي التي تصنع الحياة ,, وهو قادر دائما على تحقيق المعجزات حين يريد وحين يتحرر من الجمود وحين يخرج من دائرة الشكوى والأنين الى دائرة الحركة والعمل ..!
**************************************
***********************************************
.. إن الحياة لا تتوقف أبداً ... و مياه النهر لا تكف عن الجريان ..
حياة الشخص .. لا تتوقف على شئ ما ولا تتوقف على شخص معين ,, كل أنسان يعيش لنفسه .
أحيانا نصادف بحياتنا أشخاص غير أوفياء .. أو أحيانا نصادف ونتفاجأ بأن شخصا رحل عن حياتك دون سابق انذار .. فلا عليك ألا تصبر .. فأذن لا ننظر بأن الحياة سوف تتوقف .. لأن الحياة لن تكف عن الجريان .. فالحياة لك وحياتي فقط لي وحياتي تستحق لمن يستحقها فقط ...!
إيرادات الاتصالات السعودية 75 مليار ... وخمس سبعون بالمية صافي لها .. كنت أقرأ الخبر قبل كم يوم ... وأقول يالله .. وأقول كم إنسان ظلموه بزيادة فاتورته .. الحمد لله الآن لا يوجد فيه زيادة فواتير ( يعني ما فيه نهب منهم ) .. لكن راح أقولكم طريقتهم الجديدة بالنهب .. لكن راح أقولها بآخر كلامي .. طبعا في السابق أي قبل سنه ونص تقريبا .. شركة الاتصالات عملوا تحديث جديدة بأجهزتهم .. وصارت تجي فواتير العملاء مدبوله .. يعني بدلا من أن فاتورتك تكون 400 ريال .. يكون تجي فاتورتك 800 ريال وأحيانا أكثر بكثير من المبلغ .. وأنا عانيت من زيادة الفواتير بسبب أنهم غيروا برنامج كمبيوتراتهم .. كله بسبب تحديثاتهم الجديدة .. وشخص مسافر ويقول أني تفاجأت أن فاتورة وصل سعرها ( 5000 ) ريال مع أنه ما كلم كثير .. وطبعا إذا أتصلنا عليهم قالوا لنا أنه فيه تحديثات جديده بأجهزتهم وراح يرجع الوضع مثل أول .. وراح تتحل مشاكل الفواتير .. لكن للأسف بعد ما تم حل المشكلة .. ما رجعوا الزيادة اللي حطوها على الزبائن .. خلوهم يسددونهن .
أبقولكم أيش الطريقة اللي طايحين فيها شركة الاتصالات لنهب أموال المواطنين .. وهي أنه فيه رسائل يرسلونها للعملاء . عن ( مسابقة ) واللي يشارك بالمسابقة يدخل على سحب جائزة سيارة ( BMW ) .. طبعا في بداية الرسالة يقولون أجب على السؤال فقط وسوف تدخل مباشرة على مسابقة سحب الجائزة .. ثم المغلوب على أمره ( المواطن ) بعضهم ياويلي ما يدرون ايش السالفة . تلاقي المواطن يشارك بالمسابقة . وطبعا يحل السؤال المرسل أليه من قبل الاتصالات .. ثم تجيه رسالة من الاتصالات يقولون مبروووك لقد دخلت على مسابقة سحب الجائزة .. لكن لا يتوقفون على هكذا .. لانهم طماعين ثم راح يرسلون لك سؤال آخر ويكتبون مع السؤال أنه في حال أجابتك على هذا السؤال سوف يزداد ربحك بالحصول على الجائزة .. ثم تلاقي المواطن يرسل إجابة السؤال الثاني .. ثم يرسلون سؤال ثالث ويقولون مع السؤال . أنه في حال أجابتك على هذا السؤال سوف يزداد ربحك بالحصول على هذه المسابقة .. ثم أذا جاوبت على السؤال الثالث . بعدها يرسلون لك سؤال رابع وخامس وسادس .. لمين تخلص فلوس المواطن ههه .. وهكذا طريقة نهبهم لأموال المواطنين .. تكون طريقة نهبهم عن طريق المسابقات اللي يطرحونها .. طبعا قيمة الرسالة الواحدة ( 5 ) ريالات .. يعني راح تجي فاتورة جوالك بالعلالي إذا أستمريت بالإجابات على أسألت مسابقاتهم .. يعني الفلوس حقت فواتير اتصالات الناس ما كفتهم .. لانهم طمعوا بمال أكثر وأكثر .. مسابقتهم ذكرتني بقناة ( أم بي سي ) تلاقي مسابقتهم يقولون فيها . اذا أردت بالمسابقة ما عليك إلا بإرسال كلمة ( حلم ) ثم تدخل على سحب جائزة المليونين .. ثم أذا كتبت كلمة ( حلم ) وأرسلتها يجيك سؤال أخر منهم .. وهكذا .. ثم بالنهاية يكون الفائز بجائزة المليونين .. هو ( أجنبي ) طبعا بالاتفاق معه ..!
أنا عن نفسي لا أثق كثيرا بهذه المسابقات .. لكن ربما تكون مسابقات حقيقية .. لكن للي يجاوب أكثر بأسئلتهم الكثيرة اللي راح يطرحوها لك عن طريق رسائلهم ...!
****************************************
*****************************************
( أحيانا يكون بعض الناس متناقضين )
أقولكم كيف .. دائما البعض يطالب بتصحيح الخطأ عندما يقع .. ودائما البعض أذا أراد أحدا تصحيح الخطأ قبل وقوعه يتذمرون من تصحيحه ..
مثلا : أحيانا نجد في الشوارع حوادث وخاصة في أماكن التقاطعات . أو في أماكن تكون داخل الحارات .. ثم إذا صار فيه حادث . يقولون الناس ليه ما يحطون مطبات بالشارع اللي صار فيه حوادث .. وتلاقيهم يقدمون شكاوي ضد المسؤول علشان يحط لهم مطبات بالشوارع اللي فيها تقاطعات أو في الشوارع اللي داخل الأحياء ..
وفي المقابل نجد تناقضاتهم بشئ اخر .. وهو أنه لو جت الجهه المسؤولة عن وضع المطبات بالشوارع . لو جت ووضعت مطبات ببعض الشوارع اللي فيها تقاطعات .. أو بعض الشوارع اللي يمكن يحصل فيها حوادث لو ما حطوها المطبات .. ( يعني هم حطوا مطبات من أجل تفادي الحوادث ومن أجل حماية أرواح البشر ) .. طبعا لو حطوا مطبات . ثم جت سيارة مسرعة ونطت المطب . تلاقيه يلعن اللي حط المطب .. وأحيانا تلاقي البعض يطالب بازالة المطبات من الشوارع ومن التقاطعات .. لأن المطبات بنظرهم تسبب لهم متاعب كثرة الوقوف أثناء الاقتراب من المطبات .. يعني هم يبون ما يهدون أبد أذا قربوا للمطبات ..!
( يالله ما تمسك لبعض الناس سالفة .. أذا صار فيه حادث بتقاطع أو بأي مكان تلاقيهم يقولون وراهم ما يحطون مطبات .. ثم أذا حطوا مطبات تفاديا للحوداث مستقبلا . تلاقيهم يقولون وراهم يحطون مطبات وتلاقيهم يقولون ليش أغلب الشوارع فيها مطبات .. ويتناسون أنهم ينقاضوا أنفسهم . ويتناسون أن أغلب شوارع بريده تكثر فيها التقاطعات )
والشئ الاخر : الذي يحكي عن تناقضات بعض الناس .. هي أنه قبل كم يوم صار فيه غبار شديد في بعض المدن .. وتأجلت رحلات الطياران . والبعض تلاقيه حاجز على طياره ثم صادفت يوم وصلوا للمطار يبي يسافرون لداخل مدن السعودية . تفاجأو أن الرحلات تأجلت بسبب الغبار الكثير على بعض مدن السعودية .. الكثير تذمر والكثير غضب من تأجيل الرحلات ,, وبعضهم يقولون ليش تأجلون الرحلات , لأن اللي يقول ليش تأجلت يبون يسافرون حتى وفيه غبار .. ما يدرون أن قرار الخطوط السعودية بتأجيل الرحلات هو ( قرار صائب ) وذلك حفاظا على أمن الناس .. لأن لو سافرت الطيارة أثناء الغبار . يمكن يحصل لهم مكروه أثناء الطياران .. لكن الغريب أن البعض اللي يطالب بعدم تأجيل الرحلات .. لو الخطوط السعودية سافرت فيهم اثناء الغبار . ثم حصل لهم مكروه أثناء الطياران تلاقيهم يعاتبون ويلومون الخطوط السعودية تلاقيهم يقولون ليش تطيرون بنا وهو فيه غبار . ههه .. يعني بعضهم يناقض نفسه ..
( دايم ننظر للشئ اللي فيه مصلحة لنا ويجب علينا أن لا نعاتب أشخاص يبحثون عن مصلحتنا ) ...
قبل عدة سنوات . كان فيه واحد طلع الصبح يبي يروح لم شغله .. وكان معه ظرف فيه ( 60 ) ألف ريال .. لما طلع لسيارته . حط الظرف اللي فيه الفلوس حطه فوق السيارة علشان يطلع مفاتيح السيارة من مخباته ( جيبه ) .. المهم طلع المفتاح من مخباته وفتح السيارة وشغلها . ومشى وراح لدوامه .. عاد وقف عند أحد المحلات من شان يشتري غرض . ولما نزل للمحل . وأخذ الأغراض ولما جا يحاسب عامل المحل . جلس يدور على الظرف اللي بمخباته . ولا لقاه . وبعدها تذكر أن الظرف كان حاطه فوق السيارة يوم يفتحها ,, وعالطول ترك الأغراض عند العامل وطلع من المحل وطار لم المكان اللي كان موجوده سيارته فيه .. ويقول كنت أقطع جميع الإشارة ,, يقول تقل صاير معي أحد بين الحياة والميت ههه ,, يقول لما قربت المكان ,, وأثاري الظرف طايح بالشارع قريب للمكان اللي كانت في سيارتي ,, عاد يقول كان موجود فيه ( عامل البلدية ) ينظف الشارع ,, وكان قريب لم الظرف , ويقول بقى أشوي ويوصل عامل البلدية لمكان الظرف ويقول الحمد لله جيت وأخذت الظرف قبل ما يوصل له ,,, يقول لو متأخر خمس دقايق ,, كانت راحت علي الفلوس ,, وكان يصير البلدي ( تاجر ) لو لقى هالفلوس ,, تخيلت راعي الفلوس لو ما لقاهن ,, ههه ..!
وعلى طاري الفلوس .. .. فيه حاجة البعض يتساهل فيها .. ولا يدري أنه أحيانا يكبر الشئ لأكبر من كذا ,,, أحيانا الواحد يتساهل بربع أو بنص ريال .. يعني الواحد أحيانا يعطيه شخص فلوس ويقوله أبيك تشتري لي كذا وكذا .. ثم أذا أشترا له هذا الشئ .. أحيانا يبقى معه للشخص أحيانا يبقى معه باقي من الفلوس ريال أو ريالين أو أحيانا نص ريال .. ثم يقول بينه وبين نفسه .. لا لا ما راح أرجع له الباقي من الفلوس لأن ذولي ما يسوون ,, لأنهن ريال أو نص ريال أو ريالين .. وما يدري أن هذا الأمر خطير ,, صحيح أن الفلوس ذولي ما يسوون لكن تظل ليست من حقه ,, ومن الأفضل أنه لو بقى معه نص ريال أو بقى معه ريال أو ريالين أو عشرة ريالات ,, من الأفضل أنها يرجعها لصاحب المال ,, وذلك أبراء للذمة ,, متأكد أنه لو بقى معه للشخص نص ريال أو ريال ,,,, متأكد أن صاحب المال راح يقول ليش ترجعهم لي ,, لأنهن ما يسوون ,, لكن نقول لهذا الشخص ,, أحنا رجعنا المبلغ لأن الفلوس هي ملك لك ,, ولازم نرجع لك فلوسك حتى لو نص ريال ,, ( الصحيح هو أننا نخبرك بأنه باقي من مبلغك كذا وكذا ) ,,,
طبعا أنا عن نفسي هذا الشئ داااائما أسويه ,, لو بقى معي لو نص ريال أو غيره , عالطول أخبر صاحب المبلغ , أنه باقي له من مبلغه نص ريال أو عشرة ريال أو أي مبلغ يبقى له ,,! وذلك أبراء للذمة ... لأني ملاحظ بعض الناس يتساهل بهذا الشئ .. ولا يعرفوا مدى خطورة هذا الشئ ... خذوها مني قاعده . وهو أن أي شئ ليس ملك لك عالطول رجعه لصاحبه حتى لو حاجة بسيطة .. علشان إذا مات الواحد ما يكون عليه أشياء لغيره ..
لأن الله عزوجل أذا أراد يغفر للأنسان ذنوبه .. لكن حقوق اللغير لا تغفر للأنسان حتى يتم أخذها يوم القيامة من هذا الشخص ..!
****************************************
أغار عليك
من تفكيري وأحلامي واشتياقي
ومن دقات قلبي ...
أغار عليك
من لحظه.. قد تبعدك بأفكارك عني ..
أغار عليك
من صوت .. قد يبعد عينيك عن عيوني ..
أغار عليك
من كل كلمة . لا أكون أن حرفا من حروفها ..
أغار عليك
من أيدي الناس .. إذا ألتقت أيديهم بيديك ..
أغار عليك
من أفكار ومن أحلام لا أكون أنا فيها ..
أغار عليك
من شخص ما .. قد أبعدك عني .. أو قد يبعدك عني ..!
ولا تتوقف على شخص معين ,, كل أنسان يعيش لنفسه . 
.. كنت أقرأ الخبر قبل كم يوم ... وأقول يالله .. وأقول كم إنسان ظلموه بزيادة فاتورته .. الحمد لله الآن لا يوجد فيه زيادة فواتير ( يعني ما فيه نهب منهم ) .. لكن راح أقولكم طريقتهم الجديدة بالنهب .. لكن راح أقولها بآخر كلامي .. طبعا في السابق أي قبل سنه ونص تقريبا .. شركة الاتصالات عملوا تحديث جديدة بأجهزتهم .. وصارت تجي فواتير العملاء مدبوله 
.. وطبعا إذا أتصلنا عليهم قالوا لنا أنه فيه تحديثات جديده بأجهزتهم وراح يرجع الوضع مثل أول .. وراح تتحل مشاكل الفواتير .. لكن للأسف بعد ما تم حل المشكلة .. ما رجعوا الزيادة اللي حطوها على الزبائن .. خلوهم يسددونهن
.. وهي أنه فيه رسائل يرسلونها للعملاء . عن ( مسابقة ) واللي يشارك بالمسابقة يدخل على سحب جائزة سيارة ( BMW ) .. طبعا في بداية الرسالة يقولون أجب على السؤال فقط وسوف تدخل مباشرة على مسابقة سحب الجائزة .. ثم المغلوب على أمره ( المواطن ) بعضهم ياويلي ما يدرون ايش السالفة . تلاقي المواطن يشارك بالمسابقة . وطبعا يحل السؤال المرسل أليه من قبل الاتصالات .. ثم تجيه رسالة من الاتصالات يقولون مبروووك لقد دخلت على مسابقة سحب الجائزة 
.. لكن لا يتوقفون على هكذا .. لانهم طماعين ثم راح يرسلون لك سؤال آخر ويكتبون مع السؤال أنه في حال أجابتك على هذا السؤال سوف يزداد ربحك بالحصول على الجائزة .. ثم تلاقي المواطن يرسل إجابة السؤال الثاني .. ثم يرسلون سؤال ثالث ويقولون مع السؤال . أنه في حال أجابتك على هذا السؤال سوف يزداد ربحك بالحصول على هذه المسابقة .. ثم أذا جاوبت على السؤال الثالث . بعدها يرسلون لك سؤال رابع وخامس وسادس 
.. لمين تخلص فلوس المواطن ههه 
.. يعني الفلوس حقت فواتير اتصالات الناس ما كفتهم .. لانهم طمعوا بمال أكثر وأكثر .. مسابقتهم ذكرتني بقناة ( أم بي سي ) تلاقي مسابقتهم يقولون فيها . اذا أردت بالمسابقة ما عليك إلا بإرسال كلمة ( حلم ) ثم تدخل على سحب جائزة المليونين .. ثم أذا كتبت كلمة ( حلم ) وأرسلتها يجيك سؤال أخر منهم .. وهكذا .. ثم بالنهاية يكون الفائز بجائزة المليونين .. هو ( أجنبي ) طبعا بالاتفاق معه ..! 
.. 
.. وكان معه ظرف فيه ( 60 ) ألف ريال .. لما طلع لسيارته . حط الظرف اللي فيه الفلوس حطه فوق السيارة علشان يطلع مفاتيح السيارة من مخباته ( جيبه ) .. المهم طلع المفتاح من مخباته وفتح السيارة وشغلها . ومشى وراح لدوامه .. عاد وقف عند أحد المحلات من شان يشتري غرض . ولما نزل للمحل 
. وأخذ الأغراض ولما جا يحاسب عامل المحل . جلس يدور على الظرف اللي بمخباته . ولا لقاه . وبعدها تذكر أن الظرف كان حاطه فوق السيارة يوم يفتحها ,, وعالطول ترك الأغراض عند العامل وطلع من المحل وطار لم المكان اللي كان موجوده سيارته فيه 
ويقول الحمد لله جيت وأخذت الظرف قبل ما يوصل له ,,, يقول لو متأخر خمس دقايق ,, كانت راحت علي الفلوس ,, وكان يصير البلدي ( تاجر ) لو لقى هالفلوس ,, تخيلت راعي الفلوس لو ما لقاهن ,, ههه ..! 
,, من الأفضل أنها يرجعها لصاحب المال ,, وذلك أبراء للذمة ,, متأكد أنه لو بقى معه للشخص نص ريال أو ريال ,,,, متأكد أن صاحب المال راح يقول ليش ترجعهم لي ,, لأنهن ما يسوون ,, لكن نقول لهذا الشخص ,, أحنا رجعنا المبلغ لأن الفلوس هي ملك لك ,, ولازم نرجع لك فلوسك حتى لو نص ريال ,, ( الصحيح هو أننا نخبرك بأنه باقي من مبلغك كذا وكذا ) ,,,
.. 
..!
العرض الشجري