أمانه يالسحاب اللي توجه للمنتدى عصير
..................... تركّد واحمل الأشواق معك لسيد خلاني
وإذا جيت لطرف مدونتي تهلل وانهطل بالخير
................. وعانق ضيوفي بأشواق الغلا يوم الغلا جاني
وعطهم نبذة اخباري وعطهم موجز التقرير
.................. وعطهم سالفة حب سكن في وسط وجداني
انا ماأقدر على وصفة وخانت روعة التصوير
.................... دخوله انعش فؤادي مثل همال الأمزاني
بنا له عرش واستوطن ونفّذ خطت التهجير
.................... وهجّر من سكن قبله بلا رحمه وتحناني
عقب ماكانت ظلوعي تشكّى من العطش للبير
..................... تروّت من غلا حبه وفاضت كل كيساني
وانا ماني بطايع في هواها عاذلي ومشير
...................... أبعطيعها الغلا اللي ماعطيته واحد ثاني
وبكتب في سماء الصفحة وأعبّر للهوى تعبير
................ وبشطب من جَرَح قلبي وبنسى كامل أحزاني
حياتي قبلها كانت بداية مرحلة تطوير
.................... وبعد ماحلت بقلبي ثبت اسمي وعنواني
أمانه يالسحاب للي توجه للمنتدى عصير
.................... تركد واحمل الأشواق معك لسيد خلاني
العرض الشجري