مدونتي{.للتسسسذب عنوان هوع

[انعم عربجية]

أعرفكم عني شوي يالغوالي

هوياتي ../ القراءة , وسماع الموسيقه , النذالة على خلق الله ,
في هواية غريبة عندي بس لا تأخذون عني فكره شينه
أقولها ..؟
امسك أي بزر من البزران واضربه حتى تنزل دموعه
وبعدين اضمه و اسكته {في حنان اكثر من كذا ..لا حنونة هالبنت }
مدينتي ../ بعد روحي وقلبي ..{ القـــــصـيـم } ياحبي لكم وه بث
أحب .../
التــاريخ لا انا أعشقه
حتى أحياناً أحس اني راح اكون من علماء التاريخ << مو صاحيه هالبنت عادي لا تعلقون
خليكم معاي وراح أزيد من معلوماتكم وثقافتكم << لا مصدقه عمرها
وأحب البحر مكان شاعري << رومانسيه فديت قلبي
المغامرة << مافي شي ماحستة في هالدنيا
وأحب ريحت الدخان نفس أجربها << اغسلوا أيدكم من هالبنت


وأحب اقرأ الروايات والأشعار << لا بنت الحين بسم الله عليك
وبعد أحب الشطة والبيبسي اوي << جالسه تشرب بيبسي
ويتم منعها من وقت للآخر من البيت ..بس عمليات التهريب جاريه
وذلك بتعاون مع شركه اصغر اخواني ويتم الاستيراد دون أن تحس الرقابة بشيء
ويتم تحت التخطيط والتنفيذ العسكري المحكم <<وه على أفكاري
{يعني وش تتوقعون من عالمه تاريخ وعندها دراية بالمعارك والحروب }
أكره ../
اكره ساهر <<مشاركه وجدانيه مع إخواني يالبى قلوبهم بس
اكره المعكرونة , , والسمك , << ومن سألك {لا بس خيتي جالسه تأكل }
يععع عليك يالشغاله <<ارحمينا يالحلوه
اكره الشاعر نــــاصر الفرااعنه

أكره الطبخ مره وكل أشغال البيت << وينك ياستينا
أكره الروتين اليومي في الحياة << لو تشوفوني مسويه شي مو زين
لا تستغربون كل شيء مجنون أحبه << اوب صاحيه هالبنت
خلاص الحين هذا يكفي وبعدين تتعرفون عليّ أكثر
ايه ترى كثيره قرقره هالبنت << يعني لاتعطونها وجه واجد