علبه واحده كيك جاهز اي نكهه شوكلت او فراوله او فانيلا اللي يعجبك ..
-كريمة الجبن او اي كريمه
-400ج شوكلت خاص بالطبخ (نوعيه جيده )
-اعواد المصاص او اعواد الباربيكيو ( الاستغناء عن العود)
-حبات سباركلز للزينه
مقادير كريمة الجبنة:
-50 غرام زبده ( مايعادل نصف اصبع واحد فقط) بدرجة حرارة الغرفه
-نص كوب جبنة فيلادلفيا او كيري (7 حبات ) بدرجة حرارة الغرفه
-2 كاس سكر ناعم
-ملعقه صغيره فانيلا
الطريقه:
اخبزي الكيك بنفس الطريقه الموضحه على العلبه ..
في اثناء ماتكون الكيكه في الفرن حضري الكريمه
( بخفق الزبده والجبن والفانيلا واخر شي السكر الباودر بالتدريج )
اتركي الكريمه على جنب
وبعد ماتبرد الكيكه
فتتيها باليد او بمكينة الفود بروسسر
بالتدريج ضيفي الكريمه على الكيك وحركي بالشوكه
(--- بالتدريج؟----)
اعجني باليد علي خفيف لين ماتتشكل عندك مثل العجينه
ومتماسكه
-مرات نحتاج نبرد العجينه ..فنخليها نص ساعه فالثلاجه-
كوري العجينه كور بالحجم الوسط
( تقريبا اصغر من كرة تنس الطاوله)
بتكفي العجينه تقريبآ ل 50 حبه ..
ثبتي عليهم العيدان ..
( تقدرين تستغنين عن العود ووقت التغميس ترفعين كل كوره فقط بالشوكه )
حطيهم في صينيه فيها ورق زبده ..
وخليهم فالفريزر ثلث ساعه تقريبا
طلعي الصينيه من الفريزر
ذوبي الشوكلت المكسر ( ابيض او بني ) في المايكروييف
لمدة 50 ثانية على قوه متوسطه
اغمسي كل حبه بالشوكلت ..
( اهم شي مايكون الكيك مثلج او باااارد زياده عن اللزوم )
ولو نسيتيه في الفريزر طلعيه وقت التغميس وانتظري لحد ماتكون برودته معتدله... هذا سر من اسرار التغليف الجيد..
واذا جمد وانتي تغمسين حطي نقطة زيت عادي للشوكلت وبيرجع طبيعي ،،
إنتبهي بدل الزيت تضيفين مــاء؟ خطأ كبير وبيخترب عندك الشوكلت هذا سر ثاني؟
ارجعي حطي الحبه المغلفه في ورق زبده
ورشي السباركلز من فوق قبل لا ينشف الشوكلت
في نوعين ..
نوع بالشوكلت من داخل ونوع بالفانيلا من داخل
العرض الشجري