أيهما أجمل .. قعدة المنتديات أما قعدة المجالس ؟

[القلم الصريح]

سلام عليكم

تدرون ان المنتديات خير صديق ولا تقارن بجلسات المجالس وقوم الغيبة والحش والصراخ والمصارح وضحكات المصالح والمطالح .
هي كلها اوقات ضايعة تخر من قربة مشقوقة سواء عربان المجالس او عربان المنتديات فعقارب الساعة تدورلا لهم ولا لقصراهم الا ماشاء الله .


شوفوا الفرق مختلف ..

تجد المنتديات أقل شيء انك تطلع سالم من الغيبة ومشاكل الناس هذا غير ان فيها المراعي الخضراء تلقى فيها كل خير بسباس وعراجين وربلة ونصي وعنصل ولما يضيق صدرك وتبي تجدد علوم وجو تشد لجام الفرس يم غدير الماء ومتع عمرك بسوالف غزلان الريم لكن من غير ( اسكيني شربة ماء يالمستورة )



اما المجالس فاكبر شيء انك تحرك منها بحمولة تريلة من الغيبة واللمز والهمس هذا غير انها لا ربلة ولا بسباس ولا حتى بساس تشوفهم قدام عينك سوالفهم بالكورة تقول ااكبر همنا نور وحسين وذباح النمور مدري النعاج وصرح بالجريدة عبيد وصرح بالقناة زيد ولا حركوا بطريق ثاني فاما يكون باحسن مطعم ولا احسن رسالة او مقطع فيديو هذا غير شوفتهم بعينك هذا غاز بوزه مترين جاي وجايب هموم بيته معه وهذاك لجة على دجه تقول بالع رادو وسوالفه مثل ركض المهبول وهذاك يجدع كلام ماتدري وش مقاصده هي نقية ولا خبيثة وهذاك مشعول بشوفة نفسه وتضبيط القعدة تقول تحته داحوس ياما شرق وياما غرب وهذا مشغول بالتشخيص 24 ساعة ياما قلب الشماغ يمين ياما قلبه شمال وماعلى الدنيا مستريح هذا غير ازعاج الجولات بالتناوب يادفع البلاء وهذاك به وهذاك مابه الا ماشاء الله .

ان شاء الله تكون المقارنة عجبتكم ومع الف سلامة .