اكن جرحي واتسلى مع الناس
ويجامل النظرات قلب حزيني
اخر رجا لي تاه في ظلمه الياس
وودتني اقداري لماضي سنيني
في زهر عمري بين الشيب في الراس
وصار العذاب شئ في فؤادي سجيني
وشربت مر المر كاس ورى كاس
مافاد يومي واشربه كل حيني
لا واحسافه عشت ضايع ومحتاس
ابكي الهوى وابكي مفارق ظنيني
محبوبتي زادت على كل الاجناس
اقفت بها الدنيا مع الراحليني
حبي لها مثل البحر مابينقاس
وياليتني معها طوال السنيني
اذكر هواها كل ماهب نسناس
وليا طرت لي شق صدري حنيني
لو هو بقالي ماشكا القلب هوجاس
ولا سارت العبره على رمش عيني
دام النكد والهم في القلب جلاس
شلون يادنيا الشقا تسعديني
العرض الشجري