بسألك و ابغى جوابك بـ اعتراف
,,,,,,,,,,,,,,,,,,,,,,,,,,,,,,, يالعنيد اللي أخذ شكل الوديع
وش يبل القلب لا صابه جفاف؟
,,,,,,,,,,,,,,,,,,,,,,,,,,,,,,, وش يعيد الورد لا راح الربيع؟!
ذاك حالي بـ آخر اوقات ٍ عجاف
,,,,,,,,,,,,,,,,,,,,,,,,,,,,,,, يوم تتبع كبرك الطاغي وْ تطيع !
كنت قربي حاير ٍ حول الضفاف
,,,,,,,,,,,,,,,,,,,,,,,,,,,,,,, كنت آحسك كون ٍ لْـ قلبي وسيع
يا نسيم ٍ هب بـ اغصون ٍ نحاف
,,,,,,,,,,,,,,,,,,,,,,,,,,,,,,, يا رفيق الحلم في برد الضجيع
كان حكيك حب ! و امزوح ٍ لطاف
,,,,,,,,,,,,,,,,,,,,,,,,,,,,,,, كنت طب الجرح في قلب ٍ وجيع
كنت راع (الحِلْمِ) في كل اختلاف
,,,,,,,,,,,,,,,,,,,,,,,,,,,,,,, لكن اصبح فرق بْـ اطباعك جميع
صرت غلظْ و بـ أول أعتَابك يشاف
,,,,,,,,,,,,,,,,,,,,,,,,,,,,,,, سورك اللي طوّقه حصن ٍ منيع
صرت آجيك وْ أرجع اعتَابي و أخاف
,,,,,,,,,,,,,,,,,,,,,,,,,,,,,,, كن شي(ن) في مرابيعك يريع
لكن اسمع ما سرى بين الشغاف
,,,,,,,,,,,,,,,,,,,,,,,,,,,,,,, يوم قلبي من نواحيها يذيع
عن حنين ٍ قد نفض عنه اللحاف
,,,,,,,,,,,,,,,,,,,,,,,,,,,,,,, يبتغي خافيه ينسل و يشيع
يخبرك عن كل ما صابه و شاف
,,,,,,,,,,,,,,,,,,,,,,,,,,,,,,, يالغرام اللي بـ مأساتي ضليع !
يا ونين ٍ النبض بـ ضْلوع ٍ سخاف
,,,,,,,,,,,,,,,,,,,,,,,,,,,,,,, يا فجيع الحلم و اسهاد الهجيع !
طال بعدك وابتدى وقت القطاف
,,,,,,,,,,,,,,,,,,,,,,,,,,,,,,, للفعال اللي لها طعم ٍ يجيع
بسألك و ابغى جوابك بـ اعتراف
,,,,,,,,,,,,,,,,,,,,,,,,,,,,,,, يالعنيد اللي أخذ شكل الوديع
و لا تصنفني من اصناف الخفاف
,,,,,,,,,,,,,,,,,,,,,,,,,,,,,,, اللي لْــ / عزّ الكرامه لك تبيع !
لي شموخ ٍ يكره الذل و يعاف
,,,,,,,,,,,,,,,,,,,,,,,,,,,,, طول عمري راسي بْـ عزه رفيع !
ذا سؤال ٍ يشرح اسباب الخلاف
,,,,,,,,,,,,,,,,,,,,,,,,,,,,,, و ليت ردّك يلجم الحزن الوضيع !
وش يبل القلب لا صابه جفاف؟
,,,,,,,,,,,,,,,,,,,,,,,,,,,,,,, وش يعيد الورد لا راح الربيع؟!
||| العنيد اللي أخذ شكل الوديع |||
العرض الشجري