مساء الخيرات وان طال البطا يا منزل المهجور
ترى ما ابطى بي الا حالة مثلك يقدرها
اذا عندك عتب لا مانع من عاتب المذكور
واذا عز الرضا تفداك الاعذار ومقابرها
انا الي جيت لك والريح تعوي والشتا مسعور
ولا به من دفا المربعانيه وبواخرها
تغير وانبطح دربك بريح المسك والكافور
وهذي رعشة كفوفي ولا به من يدثرها
بعد ما كنت اجي بابك بدستور وبلا دستور
ولا ادري الا وذيك الدرفه اليمنى الى اخرها
طموحي الي عارضته معاها كل شي يبور
وجاء كسر الطموح اهون على من كسر خاطرها
سنه ما قبل نذير الشيب كانت باول الطابور
وكانت احلامها وذيك السنه واول سرايرها
لقت قدامها فوضى وقلب شاعر وجمهور
وجات ورتبتني من جديد وصرت شاعرها
بقيت اسري لها لا همني وحشه ولا ديجور
اشيل احلامنا تحت النجوم وهي تفسرها
سقا الله يوم جابت لي قبل يومين عشاور
من هذاك العسجد اللي جابه الله من عشايرها
غلاها كان تحويشة عمر بعشور فوق عشور
الين اكتظت الاشواق والهاني تكاثرها
ربت ماهي تحت ريشة نعام وفي ربلاط صور
ولكن لا ترف له قيمه الا تحت اومرها
يحملن امهات بيض تسع شهور تسع شهور
على رجوا بشايرها ولا حت بشايرها
تقول بدر ولا بيات بدر تقول بدر بدور
ولا بيات بدر بدور..يعني منت خابرها
لو استقصوك عنها محتاج لشهادة زور
تحت سقفك سحايب ملحها وامواج سكرها
ما ارق المتحف الي من ورا ضلوعك فدك الور
ما افوى نظر مافيه بعد غياب ناظرها
حديقة بيت اهلها..سورها العالي..حمام السور
زخارف بابها..شباك غرفتها..ستايرها
ورق جدرانها..سجادها..تقسيمة الديكور
خزاينها..هداياها..رسايلها..خواطرها
تحفها..مزهريتها..قصصها.. شعرها المكسور
صورها..مكتبت اقلامها..لمت دفاترها
زمام السيف..شال اليل..حنا الكف..كحل الحور
حلقها..عطرها..فستانها الابيض..جواهرها
مرياتها..فصوص الساعه البيضا ام خمس سيور
خواتمها..قلايد جيدها..نقشات ساورها
ملابسها..بروقالوانها..دولابها الممطور
من ازرقها الى احمرها الى اخضرها الى اصفرها
نسانيس الهوا اللي يرتشف يشمومها المنثور
صخيفات المناديل الي احتضنت عبايرها
مصابيح المكان اللي اخذت منه النهار النور
سنون امشاطها الي ما نست عشرة ضفايرها
بطاقات يطرزها صغار يحملون زهور
رحيل الدبله الي ماتهنت في خناصرها
زواياكنها بلور في بلور في بلور
مسا رزنامه غاب الحرير اللي يغيرها
وش اقول ليتاماها الكثير الممتلين كسور
وانا اشياها تحاصرني واحسب اني محاصرها
بكيت وصارت الدنيا قفص واستاحش العصفور
ضحكت وملت شبوك القفص من كذب طايرها
عرفت شلون الارض تدور وايام الزمان تدور
والاعيان ان صفت كيف كيف ومتى تذبح محاجرها
ومتى تصير القبور بيوت وتصير البيوت قبور
وكيف الذكرياتيذوب ماضيها بحاضرها
علىالله..وانت ابيك المتحف الي للعرب معذور
الى جتك عيون وصدت ابوابك نواضرها
وتمر اجيال وتصدر سواليف وتعيش عصور
وتروي سالفة عمري من اولها الى اخرها
______________________________________________
تقبلو تحياتي بقايا قلب
العرض الشجري