[align=center]بسم الله الرحمن الرحيم
صباح الخيرات والمسرات كيفكم وشخباركم ان شاء الله بخير وعافيه اليوم جايب لكم موضوع وهو عبارة عن مواقف مع الكمبيوتر
عزيزي الزائر هذي شلقة مواقف حقيقة كلها عن الكمبيوتر والانترنت اتمنى انها تعجبك رغم ما تحويه من طرافة مبكي
واحد من الشباب سمع صوت في وسط جهاز الكمبيوتر حقه ومسكة معه الا لازم يعرف وين هالصوت فيه ويسكته الين فك جهازه وقرب من الصوت ولقاه حول احد الضفائر ويجيك خوينا بالمقص وينتف ابو هالضفيرة يبي الصوت ياقف وعينك ما تشوف الا الجهاز اللي قبس في وجهه وليتنا من صوتنا سالمين
هذا واحد كتب له في الوورد مقال طويل حوالي خمسين سطر وجلس ينقحه ويعدله ويصحح اخطاءة الإملائية المهم قص الموضوع يبي يسوي له تجارب في الفرونت بيج ويوم خلص من الفرونت بيج سكره وراح وسكر الوورد وطبعا طلب منه الوورد حفظ التغييرات وضغط على نعم وهو عجل ويوم رجع لملفه لقاه بياض ناصع اوي
واحد مع خويه في الآي سي كيو يتكلمون وأرسل له خويه ملف صغير وراح الثاني وفتحه بشكل سريع على انه هدية من زميله ويوم فتحه والا يوم طفى جهازه ؟ وعبثا حاول ( وش رايكم في عبثا )) تشغيل جهازه وماطاع وشوي ويتصل خويه عليه ويقوله : عسى مافتحت الملف قاله الا خميته وطفى جهازه قاله اللي مرسل الملف يوووووووووه هذا ملف يتلف النظام وانا كنت ناويه لواحد غيرك طالبه مني وجاك بالغلط ؟؟؟
احيانا الجهاز يشتغل الحاله تلقائيا اذا ماكان مفصول عنه الكهرب وهذا واحد طفى جهازه وراح وكان المودم شغال وفيه خاصية الاتصال التلقائي هذا غير بعض البرامج اللي تعمل مع بدء التشغيل وتتطلب الاتصال المهم بعد ساعة تقريبا اشتغل جهازه وحمل البرامج واتصل وهو برا البيت ويوم رجع لقى ابو الشباب (( الكمبيوتر )) يسربت الحاله في المواقع وشابك له اكثر من ساعتين ؟؟؟؟؟
واحد خرب جهازة وراح به لقريب له عشان يفرمته ويصلحه ومن الطفاقه وطا سلك الجهاز وطاح منه في الدرجة وعينه تناظره بكل حسرة والم وهو يتدربى على هاك الدرج وقال في وقتها من القهر : اصلا انا ناوي اشتري واحد جديد احسن منه
منقول للتسليه
ان شاء الله يعجبكم [/align]