يالربع القهوه والمه أقلطوااااا......للجميع...

[راعي العنود]

بسم الله الرحمن الرحيم

اخواني واخواتي :........................... السلام عليكم ورحمة الله وبركاته.وبعد..

انا من العصر وانا احاول الدخول للمنتدى ماقدرت ,,قلت وراء مااوصلهم قريبين.. لكن السياره ماكانت موجوده ..ولقيناها عذر,,,


مشاركتي اليوم غير وابيكم تشاهدون وتشهدون بيني أنا والشقردي وتراني
بذمتكم لا يحذف يوزري اقعد به ...

انا لي يومين وانا ناويه عقب قصيدته التاليه ضحّك على الشباب وانا أمطط أفمي قدامهم قلت والله مااخليها لك يالشقردي ..إن ماينفعك مجمع اللغه العربيه ولا العبيطيه ...

هذي قصيده جمعت الجماعه كلهم وكل واحد منهم جاب بيت بسم الله الرحمن الرحيم.


طبعا القصيده من 11 بيت طين كل بيت يبدأ بحرف هذا الحرف لازم يتكرر بنهاية

البيت مرتين بكلمه وحده. الحرف ثم حرف ميم ثم نفس الحرف ثم الميم وبعده الهاء

وتتضح مع كتابتها ... الله يعينني لا أغلط ,,خلكم حولي يالربع على شان تعلمونن وايضا ونهاية الشطر الاول من نفس سياق الكلمه والحرف اللي تبدا به لازم يكون طاغي على باقي حروف البيت..


استلم يابوسلطان..

زينة اللمه على زين اللزوم ### تلزم المعلوق زي الزمزمه

كلما كفكفت دمعي بالكموم ### كيف كوية المكنون اكمكمه

عمري العاجز عليه من العموم### عــلّـته عـلــّة عليلن عمعمه

شفتها شبه الضباشوف ٍيشوم###شـبت الأشواق شاقه شمشمه

سحرها سمسم ولادست سموم###يكفي السمسم طعم بالسمسمه

دامها داي اودواءقلبي يدوم ### د مـد موا قـلبي عليـها دمدمه

نمـهل النـايم الين انه ينوم ### ناوين قــبل المـنايا نمـــنمه

لامـها لا يم ولا له من يلوم### لا تلــومــون الغــلا لـو لمـلــمه

غبت غادي بين همي والغموم### غرغرت روحي قبل مااغمغمه

همــها هـد ا لهواوي بالهموم ### هامت هموم الهواوي هـمهمه

تمّــت التـوليـفه تارد بالتـموم ### والتمــام اللي يجيبه متمتمه


وسلامتكم ...

11 بيت بيت ينطح بيت ...أي كلمه من هالكلمات اللي انهيت بهن صدر البيت او عجزه تاطا عليهن يعني تجيبهن أحش رجلك ذولي لي لحالي



والمجال مفتوح للجميع ليس محصورا على الشقردي ...وتسلمون..أنتظرك يابعدي



مع تحيا1111111111تي ,,