الإهداء ... لكل من له قلب ابيض ...

[فهد الفوزان]

بكل ألوان الود والمحبه .. أهديكم هذه القصيدة المتواضعة ..

وهي أول مشاركة لي في هذا الصرح .. وآخر ما نزف به جرحي ..

اعذروني عن التقصير ولكم مني وعدا بطرح الأجمل مستقبلا ..

****** *****

يا قلب .. ما كل الكلام ... اللي يجيك اتصدقه
........... بعض السوالف غلطة السان .. وعمى عين وظمير
أكثر أحاديث العذارى .... بهالزمان ... ملفقه
........... ولا تنخدع .... باعذب حكايات الصبايا ... يا كبـير
ما كل حلم ٍ .. داعب أفكارك ... أكيد اتحققه
......... وما كل سرب ٍ .... يفرد اجناح الأماني .. له تطيــر
وما كل شخص ٍ يضحك بوجهك بتعطيه الثقة
.......... ولا كل مـن يبكي على فرقاك ... بدروبك يـسيـر
وما كل ليل ٍ تقتفي ظلماه ... شمس ٍ مشرقه
.......... بعض الليالي صمتها ... يجرح مســافات الحـريــر
كل المراكب تختزن ... غـدر البحور المغرقه
........ وبعض القلوب .. اتموت عطشانه وهي جنب الغدير
الدمع ما احد ٍ يا خفوقي بإختياره يعشقه
........ والبرد ... مــا يرحم دمـوع الجـوع ... بعيون الفقيـر
إلى متى والورد يذبل في يدين ٍ تخنقه ؟؟
......... وإلى متى .. وأجمل بنات الحي ... يا خذها ضرير ؟
وإلى متى وأحلام روحي تايهه ومتفرقه ؟
........ وإلى متى بابقى على عرش الفرح ( اتعس أمير ) ؟؟



ارجو ان تكون القصيدة عند حسن ظنكم ..

وسامحوني ...

اخوكم /

فهد