بالخير يالله حيّهم بهالحر عساكم طيبين بعد صلاة الجمعة والسيّارات يموعن بالشارع يالله النّجاة من النّار الزهمة هاذي مقالطة شعرية بين ثلاثة سملّق يعني سمرمد يعني مصافيق الأول يقول يا ما تسدحنا على الطعس بالليل ................وياما نثرنا الطعس لا ضاع مفتاح وياما تحالتنا إبّاقي المعاميل ................وياما سرينا ليلنا رقص وصياح وياما خلطنا الرز والفول مع الهيل .............وياما شربنا شاهي من بعدما فاح وياما تهابدنا وطحنا مصاريع ................وياما عمود الخيمة إليا وقف طاح وياما لقينا بعشانا صواميل ................وياما أكلنا تراب مخلوط بأملاح وياما تصرقعنا وصرنا مهابيل ................وياما تهاوشنا نبي المليدا والأسياح وياما نسينا نعالنا والفناجيل ................وياما قضينا الليل بعطاس واكحاح رد علية اللي أهبل منة وقال وياما لعبنا كروة ٍ بدون تسجيل ___ من قبل نبدا كرتن احمر لنا لاح وياما طربنا واتعبتنا المواويل ___ اصوات شينه لكن الكل صداح وياما اتفقنا كلنا نسافر النيل ___ والكل هون قايلن كنت مزاح وياما وياما طالع الكل بسهيل ___ وحنّا نهوجس على صوت الأنباح وياما اتفقنا نخوف دحيّم الحليل___ ونقول شفنا تالي الليل اشباح وياما تهاوشنا و صرنا مزاعيل ___ علشان قطة كل واحد به شحّاح عاد المنتهي قوة رد وقال يا المصرقع ياما وياما غرابيل *************************وياما وياما كانت افراح واتراح ذكرتني وقتن مضى بالتساهيل *************************والوقت مايرجع على الناس لاراح الا ماتذكر يوم نبطحك بالسيل *************************وانت تجوّد بي وتصايح اصياح وتتقضبن بقوّك وادفرك بالحيل *************************الا وانا وياك بالسيل مطياح وتذكر يومنك مشتريلك درابيل *************************وتقول انا عندي مع الصبح مسراح باروح ادوّر رزقي بالمساهيل *************************واروح انا وياك لابوه من مرواح ماودي اذكر لك جميع التفاصيل *************************وتقول هذا مجنون والعالم صحاح تبي الحقيقه والله إننا مهابيل ************************وانا ما اعرفك بس رايق ومرتاح صح إلسانك وسلامتكم تراهم حطّو الغدا هذي قصايد متفرقة جمعتهن على كيفي وحطيتهن بموضوع واحد مع بعض التعديلات
المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها
كلمات البحث : منتدى بريدة | بريده | بريدة | موقع بريدة
والسيّارات يموعن بالشارع يالله النّجاة من النّار
العرض الشجري