سلالالالالالالالالالالالالالام
أنا عندي لكم موقف صار لي . بس قبل لا تقرونه
أقطعوا الإتصال وبعد ماتقرونهم . أكتبوا تعليقكم :
** مره بنت خالتي كلمتني وقالت تعالي
عندنا أستانسي معانا وقالت لي إن ماعندنا
أحد بلا أنا وأختي وتقول إن أخوها وأبوها
معزومين عند ناس من الظهر في طلعة بر
لأنها دايم إذا قالت إن أبوها وأخوها ناصر
موجودين ماأروح لهم ( أستحي ).لأني توني
متغطيه من أبوها وأخوها . لي سنتين .
وما بعد تعودت أروح لهم وأنا متغطيه ..
المهم : انا ماصدقت على الله . لأني كان لي
فتره وأنا أبي أروح لهم وكل ماقدني بروح
إلا أبوها وأخوها في البيت ( مسمرين )
فا قلت لأخوي ودني لبيت خالتي وبعد ماطلع
عيوني وافق … ورحت لهم ………..
وأنا عند باب الشارع حقهم شفت سيارة
ناصر وأبوه وأعود وأركب السياره وأقول
لفيصل ( أخوي ) . أجل ناصر وأبوه موجودين
قال : فيصل يعني وين تبينهم يروحون وقلت لا
مدامهم موجودين . رجعني لبيتنا . وقام يصايح علي
مكلف بتس أنا جبني ودني … الله ياخذتس …
… إنزلي بس إقلبي وجهتس …
وراي شغل .. المهم : وأحول من السياره وأنا ضايقه
علشان بنت خالتي لعبت علي وعلشان هالي عصب علي
في السياره كأني أصغر عياله … وتفتح الباب لي خالتي
وبعد ماسلمت عليها قالت : ترى ناصر وأبوه في الصاله
والبنات فوق سلمي وأرقي فوق . قلت كيف أسلم قالت:
قولي ( سلام يابو ناصر ) وأطلعي فوق . قلت وكيف بتجرئ وأكلمه . المهم : هي مشت قدامي وقالت : بلا دلع بنات وقلت لنفسي الأمر سهل يابنت مري عليهم وقولي بالخير يابو ناصر أو سلام يابوناصر وأرقي على طول. دخلت الصاله الدرج الي يطلع على فوق قدامي وعلى يميني ناصر وأبوه جالسين ألتفت عليهم وحصلتهم معطيني ظهورهم ومتنحين عند التلفزيون قلت فرصه خل أجمح ( أركض ) يم الدرج وأرقى وهم ساهين عندالتلفزيون وأحط رجلي أركض يم الدرج بعباتي وشنطتي تقولون مهبوله والدرج الي يطلع على فوق قدامي وأنا أمشي يمه وأعاين يمين أبي أشوفهم لا ألتفتوا علي والا قدامي مركا ( تكايه ) وعثرتني وأدبج على قلتي . دبجه مهيب صاحيه . وإلي زاد الطين بله الأرض رخام …
لا ومحافظة على نفسي . نقابي ماخليته يطيح من راسي ……… أما عباتي . في وادي وأنا في وادي .
ويا فشيلتي يوم طحت . ويجي زوج خالتي فزاعه ( بسم الله عليتس . بسم الله عليتس )
والبعير الثاني تكبرين وتنسين ………..
ودي إني معطتهم مخمس ( لأنهم السبه بطيحتي كنت مستحيه منهم ) ……….
وأرقى فوق . وأنا مكسررره وأبرد كبدي في الثنتين الي فوق أساس المشكله كلها.وأهاوشهم ..ووش سبب كذبتهم
يقولون : لو إنا قلنا لتس إن أبونا هينا وأخونا كان ماجيتي
وأنا نبي نستانس معتس . قلت : أمحق من وناسه …….
وقلت : لو أنكم نظفين صالتكم كان ماطحت ( أجل تكايه تنحط بوسط الصاله ) تعثر للي رايح والي جاي …
وحلفت إني ماعاد أطب بيتهم إلا إذا فيه سبب ضروري
.. وخالتي مير قطعت راسها تحسبونها يوم طحت
جاتني تسمي علي لا .. قاعده تسوي عشى شايبها ……
ويوم عودت للبيت قعدت أصيح عند أمي وساقي إنتفخ
ويدي أنعفصت . وأقول لأمي : شفتي بيت أختس ذا
ماعاد أطبه وولدتس يتدلع علي في السياره .. من كثر
طلعاتي ..والي يسمعه وهو مهاوشني في السياره قال إني معذبته أنا بالمساييير .. كل يوم وعباتي على راسي …
مرررره وحده طلعت نغص علي .. قالت أمي . إيه حطيها في فيصل رايحه تجامحين في بيت الناس وتقولين فيصل السبه . ويوم جا فيصل تحسبوني نطقت . شكيت . تكلمت
سكت . ( جبانه ) مع إن مافيه فرق سن بيني وبينه إلا ساعات .. ………………
……………………………
بااااااااااااااااااااااااياااااااااااااااااااات
وآسفه على الطوووووووووووالة
بس حبيت تعيشون معي الموقف
كلـــــــــــــــــــــــــــــــــــــــــــــه .
…………………………
تحياتي : فتاة الشرقية .
:1: :1: :1: :1: :1: :1: :1: :1:
العرض الشجري