(( الواسطة )) في مجتمعنا لها دور )))

[سلطانة الغيد]

الواسطة في مجتمعنا لها دور
ياكبر بلواها وياعظم دوره




تقطع وتاصل ويلتغي كل محظور
حتى أصبحت تعرف بحكم الضرورة




دامه معك وأنته عزيز ومنصور
تسلك بها دروب الوعر والخطوره




بمفعولها ياكنها وعد بلفور
بمقياس ريختر مجربه ومخبوره




به تختصر جهد ومسافات ودهور
وتصعد بها القانون لو طال سوره




ومن لا تسلح به مقيد ومثبور
يبقى أسير لين يأتيه دوره




تكفون يأهل العرف والرأي والشور
الواسطة الواسطة زاد جوره




الناس به آمر ومنهي ومأمور
عاش الوطن وعاشت رجال غيوره




قلته وأنا ماني مكلف ومجبور
مواطن عبر بها عن شعوره




شاعر ولآني بالقنوات مشهور
لاشك تعرف بالصراحة سطوره




أبختصرها وآخر الهرج مشكور
عساك بالعز يالديار معموره







الشاعر فهـــــــد المبلع




سلطانة الغيـــــــد