|()()|يا رَجل لا تنقل نبا كل نقال |()()|

[سلطانة الغيد]

يا رَجل لا تنقل نبا كل نقال
به ناس حتى الميت مايتركونه


والقيل عندي له مفاتيح واقفال
معناي ماكل العرب يفهمونه


ولا أقول أنا زايد على كل رَجْال
كم واحدٍ مايقصر العرف دونه


خص الرَّجال اللي يجيدون الأمثال
البيت عن معناه ما ينقصونه


أخص لي ناسٍ يحوسون الأقوال
البيت لو هو معتدل يكسرونه


لو هم كبار أعمار بالعرف جهال
ومن عمي قلبه ماتفيده عيونه


وان شفت لي شخص خيالي وخيال
ما اشفق عليه ولا تدخل بشونه


ينبيه عن حظه تواريخ الأجيال
يجهل خبر والناس مايجهلونه


يشوف نفسه وين ما مثله امثال
ترميه باحضان الجهاله ظنونه


والناس تعرف بالطبايع والافعال
واللي تعزه سمعته يمدحونه


والماء يجيبه عذب ويجيبه احثال
والكون به من كل كاين نمونه

****************



للشاعر الكبير
بدر الحويفي



اتمنى ان ترتقي لذوقكم

لكم شكري ووردي




سلطانة الغيد