قسم بالله ان اغلبنا مايخاف الله ولايرجيه ..غباء متأصل بنا .
وين الامطار ؟؟ وين البركه ؟؟ وين الامن ؟؟ وين رغد العيش ؟؟
كله من ذنوبنا ومعاصينا ليلا ونهارا .
قعدت مع شايب وجلسنا نسولف عن ايام زمان وسالته عن الامطار والخير والرخص والبركه ...قال ياوليدي منول مانعرف شيء اسمه صلاة الاستسقاء .. من اول مايدخل الشتاء والسماء محمله بالمزن والخير والامطار ...لاننا ياوليدي مانعرف ( الربا .. الزنا .. عقوق الوالدين .. التهاون بالصلاة .. الحسد .. الغيبه والنميمه )
وازيدك ياوليدي الزكاة كان الغني يدفعها بنفس سمحه وهالحين مايطلعونه اغلبهم نهائي من حبهم للمال وجمع المال .
ثم تنهد الشايب وقال : والله ياوليدي اني اخاف علينا من عذاب ينزل علينا من السماء من هاللي نسمعه ونشوفه انتهاك لحرمات الله وزنا وربا وعقوق للوالدين وحسد بين الاخوان والناس والواحد يقتل الثاني عند اتفه الاسباب .
لازم ياوليدي الناس يرجعون لربهم ويتركون هالبلاوي قبل فوات الاوان .
مااحلم ربنا علينا ...حنا ياوليدي امة التوحيد وقدوة المسلمين لكن حالنا الحين مايسر لاعدو ولاصديق .
ياناااس نبي مطر خلونا نتخلص من هالمعاصي والذنوب .
أنت يالمغزلجي اترك الزنا ..وانت يالمرابي اترك الربا وانت يالعاق بر بوالديك وانت ياصاحب الغيبه والنميمه تخلص من هالعاده اللعينه .
وانت ياشارب الخمر والمخدرات اتركها لوجه الله .
وانت يالمرتشي تب الى الله وانت ياشاهد الزور خف ربك قبل ان تلقاه .
وانت يالتاجر الخبيث خف من ربك وارحم هالضعوف المساكين .
اللهم غيثا مغيثا نافعا غير ضار . ياااارب ارحم ضعفنا وذلنا واسقنا يارب .
اللهم وخص كل انسان بذنبه ولاتعمنا معهم .
العرض الشجري