( قصتي مع فراخة الحمام والثلاجة )
رن جوالي , المتصل هو عمي اللي في الرياض ,,
ألو : هلا عادل .. أبيك تروح لمحل الطيور اللي قريب لم بيتكم . وأبيك تخذ منه ( 12 ) جوز فراخة حمام , أدخل لمه وقله فيه واحد حجز فراخة حمام بأسم ( فلان ) .. ضروري رح لمه اليوم خذهن .. وقلت بيني وبين نفسي أكيد عمي عنده طلعه الليله وعازمن ناس على فرخة الحمام ..
ولم تمر ساعتين ألا وأنا رايح للمحل , أخذت الفراخه من المحل وطلع الحساب بـ ( 215 ) وحاسبته ..
طلعت من المحل وعالطول حطيتهم بثلاجة البيت , وأنتظرت أتصاله في الليل وما أتصل علي . ويوم جاء وقت نومي . أخذت الفراخه من الثلاجة وحطيته بثلاجة الفريزر . ويوم صار بكرا ما أتصل علي علشان ياخذهم .. ومر أسبوع وهو ما أتصل .. أستغربت قلت شكله ناسيهن ..
وفي أحدى المرات . فتحت الفريزر أباخذ غرض . ويوم فتحت الباب .. أووووووف هاجمتني ريحة كريهه . ريحة قووووه تموتك بمكانك . وأنا بغيت أموت من شدة الريحة الكريهه ,, وأثاري سلك الكهرب حق الثلاجه متحرك وطافيه الثلاجه لها كم يوم . وخاسن الفراخه جوا الثلاجه .. وأبشيلهم علشان أرميهم . عجزت أتحمل من شدة الريحة .. وأجيب قطة قماش وحطيتها بيدي علشان أشيل كيس الفراخة , ورميتهم بالبرحه اللي حول البيت .
وقلت بنفسي يلزمني أني أشتري فراخه , علشان أذا أتصل علي عمي أي وقت يكونوا موجودات .. ورحت للمحل وأشتريت ( 12 ) جوز فراخة حمام ودفعت له ( 215 ) ريال .. وعالطول أخذتهم وحطيتهم بالثلاجة . ومرت أيام ولم يتصل علي عمي ..
وفي أحدى المرات رحت للثلاجه أباخذ غرض وتفاجأة أن سلك الكهرب حق الثلاجه متحرك وطافيه ثلاجة الفريز . وأفتح الثلاجة , يعععععع .. رايحه كريهه .. مره ثانيه خربن فراخة الحمام وصارت ريحتهن مخيسات بالثلاجة . وعالطول أخذتهم ورميتهم برا البيت لجل تكون وجبة لذيذة للكلاب والقطاوه هههه ..
أنا حمقت من ذا الحظ السئ . ومرت عدة أيام وبالمصادفة كلمني عمي ع الجوال على شئ معين . وجي أقوله يا عم , فراخة الحمام اللي طلبتهم من تراه عندي الى اللحين وراك ما أخذتهم ...
قالي : هذولي طالبهن لك أنت ..
أنا طارت عيوني قلت بيني وبين نفسي كل المده حاطهن بالثلاجه ولا أدري أن عمي طالبهن لي هههه .. يعني بالعربي . أشتريتهم أول مره ودفع لي الحساب عمي عالطول . ويوم خربن الحمام أشتريتهم مره ثانيه من حسابي كتعويض عن اللي قبل .. وبالأخير ما أستفدت لا من فراخة الحمام اللي أشتريتهم أول . وما أستفدت يوم أشتريتهم أنا مره ثانيه ههههه . وما أستفدت من أكلهم ههه .. حظي شين .. يعني لو حسبنا 12 جوز و 12 جوز .. يطلع عددهم اللي خربن هو ( 48 ) فرخة حمام هههه ..!
وبالنسبه للثلاجه بقت ريحة خياس الفراخه . وغسلتها بجميع المنظفات وما راحت ريحة خياس فراخة الحمام . وراح أسبوعين أو أكثر وأثر الريحة موجوده بالثلاجة , وبالأخير حطيت أشياء اخرى تشيل الريحة , والحمد لله راحت الريحة بعد عناء وبعد موقف مضحك ههه ..!
********************************
لو تأملنا في الحياة , لوجدنا أنه توجد أشياء كثيرة لا تشترى أبدا بالمال , ولا تعوضها جميع ثروات الأرض , كالسعادة والصحة .. والعشرة الجميلة .. والصداقة المخلصة .. والأطمئنان النفسي .. وراحة القلب والضمير ..
كم أنسان يمتلك ثروات الأرض لكن يتمنى الصحة والسعادة , تجد أنه توجد فيه أمراض ويتمنى أن يشتري الصحة لكي يتخلص من الأمراض
والصداقة المخلصة , والعشرة الجميع لا تعوض ولا تشترى بثمن . لأنها تعتبر كنز كبير , ومحظوظ من كان بينه وبين الأخرين صداقة مخلصة ..
وهكذا أطمئنان النفس وراحة القلب والضمير .. عندما يمتلك الأنسان هذه الصفة تجده من أسعد الناس , لأنه مرتاح ضميره . وينام كل يوم بهناء ..!
*******************************
عطني من دنياك حبك
وأترك الباقي لهم ..
ياللي أنفاسك دفايه
ولمسة أيدينك شفايه
يكفي بس تبقى معايه
منهو من بعدك مهم ؟
ياخذون اللي يبونه
كل هالعالم وكونه
ألا قلبك يتركونه ..!
العرض الشجري