ذكرتيني ياشهوده في قصه قد رواها ابوي الله يحفظه لنا
كان يا ما كان في قديم الزمان وسالف العصر والاوان
كان فيه واحد يحب البر والصيد و الشغل السنع
طبعاً كان شخص حالته عاديه معة البندقيه حقته
ويروح للبر ويصيد وكذا ...
المهم
راح ذاك اليوم للبر واثناء ما هو يصيد ضرب رصاصه بالغلط في جناح صقر اثناء ما كان يحلّق في ارجاء السماء الفسيحه
لما طاح الصقر وركض على باله قميري والا غرنوق والا شيّن من هالقبيل
الا ويتفاجئ بهالطير الحُر
شههقق آآهه ياللهول ما هااذاااا
اخذه على طووول وطاربه للبيطري حق الطيور وعالج البيطري جناحه وعطاه بعض العلاجاتت والمراهم وكذااا ...
المهم
رجع فيه للبيت وهو فرح باللحيل وبدا يعالجه لين طاب جناح الصقر الحُر
وفي يووم من الايااام >> صوت رياااح
جا احد اخويا هالنشمي وقاله اني اعرف ناس من فئة الڤي آي بي يشرون صقور بمبالغ حليله ماودك نروح لهم !!
قااال شميناااا
ولما راح لهم واذ به مزاد صقور وكلن عارضن طيره ومن يسوووم ومن يسوووم
المهم جا دور هالنشمي وطيره الحُر الابي
وبدو يسومون قال واحد بميه قال هو لااا انا متكلف على علاجه ومدري وشو ومن هالهرج
وبدوو يسوموون قال واحد بخمس ميه قااال لأ انا متكلف عليه اكثر قال الثاني بثمان ميه قال لا حقه اكثر قال الثاني بتسع ميه قاال لأ حقه اكثر قال واحدن ثاني خلاااص بمليون مع هالسياره !!!
هو نطتتت عيونه ويوم كان يقول لا مكلف علي اكثر على باله مية ريال مايدري انه مية الف
المهم فرح النشمي وابتهج واخذ السياره والمليون وعطاهم الصقر اللي ماكلف عليه الا حوالي خمس ميه او ازود او اقل ......
يعني المسأله شهره ومزاد ورزة خشش
هذا والله اعلم
العرض الشجري