الــمجــلس الإجتـمــاعـي /// لـ النقاش والحـوار الهادف !!

[لمبة شارع]

الزين نجدي ...الاميرة قوت...مرحبا بتشريفكما بإمكانكما الالتحاق من الموضوع الحالي...هنا حديث حول هروب الشغالات من المنازل !!

بإمكانكما التداخل حول القضية او اقتراح ماتريان من امور تستحق الحديث...

[إشراقة حرف]

هروب الخدمات


يمكن يكون من المعامله الغير منصفه من الاهل كا التعامل معها بقسوه
او تقييد الزوجه لها والشك بتحركاتها داخل المنزل وذلك من غيرتها على زوجها
او تعرضها لضرب من ابناء او اطفال او الكفيل
او ان تكون قد اعتادت على نظام معين اذا كانت قد سبق لها العمل في المنزل اخر ...

الخدم جيبتهم هم و وجودهم هم و سفرهم هم على هم

..

[قصمنجيه]

يا الله....... و اللهِ قلق , أدخل النت و حتى في عالمنا الواقعي , الحديث يتصاعد حول ( مشاكل ) الخدم ,
كنا أمس نتحدث عن مشاكل الخدم , و بيننا موظفات , هن بقلق دائمًا , خصوصًا أنهن يتركنهن مع أطفالهن
أحداهن تقول : والله أني أداري شغالتي أكثر من ( أبونا) ...!!! و ( الأبو) لغير الناطقين بالهجةالقصيمية
هو الزوج ......... _ أحد جاب طاري منـال _
.

[اسمر ومملوح]

[align=center]صباح الخير .. لكل من مر من هنا ..


العزيزه شمس الرياض .. تمنياتي لك بالشفاء العاجل .. طهور بإذن الله ..



حقيقه ظاهرة هروب الخدم .. بدأت بالتوسع في هذا الوقت بالتحديد .. لاأعلم ماهي الدوافع .. ولكن لدينا مشاهد كثيره في حياتنا اليوميه .. تجعلنا .. لانلومهم كثيراً .. نعلم ان لكل أنسان طاقه معينه و لكل انسان كرامته .. ومانشاهده من احداث من قبل بعض الأسر .. يجعلنا لانلقي بكامل اللوم والمسؤليه على اولائك الخدم .. تجد ان الخادمه في المنزل .. الكل ( يهينها ) بدأ من الأم وحتى اصغر طفل ..!! تصل الأمور في بعض الأحيان لمرحلة الضرب والإيذاء الجسدي .. سواء بالضرب او التحرش الجنسي من قبل رب الأسره او احد ابنائها ..

ليس مااعنيه فقط هو وقوع الخطأ من قبل الأسره .. بل ايضاً الخدم لهم اخطائهم الكثيره .. وكما اشار اخي راشد .. بإن هناك عصابات منظمه .. تقوم بإيواء تلك الخادمات .. والإستفاده منهن بطرق عده .. سواء بالتأجير .. او استخدامهن كمومسات .. او ناشرات للرذيله ..



بالنسبه للحديث عن المتخالفين لنظام الإقامه والعمل والذين يقطنون في ضواحي مكه وجده والمدينه والطائف ( الحجاز عموماً ) ..

اعتقد انه حان الوقت لترحيلهم من ديارنا بالقوه .. فلقد سئمنا من مانسمع من قصص وايذائهم للمواطنين .. يقول احد الزملاء الذين يعملون في السلك العسكري ..

حدث في يوم انه كان هناك مداهمات لعدة احياء في المنطقه الغربيه .. يقصد جده بالتحديد .. يقول : اتجهنا انا ومجموعه من الزملاء لأحد الأحياء اللتي يقطنها هؤلاء الفئه المتطفله .. واثناء مداهمتنا للحي ومحاولة ايقافهم .. تعرضنا للضرب بشكل مزري .. والحقو بنا اضرار جسديه وماديه .. ولاذو بالفرار ... وبعد ذلك تمت السيطره عليهم ..


ارأيتم وصل بهم الأمر للإعتداء على رجال الأمن ..!!

وايضاً هؤلاء الفئه .. اصبحو مرتعاً خصباً لإنتشار الرذيله في مجتمعنا .. حيث اصبحت اوكارهم بيوت للدعاره وترويج المخدرات .. !!


حمى الله بلادي من كل سوء .. تحيه وتقدير للجميع ..


اسمر ومملوح[/align]

[رتاج]

مره بعد ما رحنا الدوام قام سواقنا هرب شغاله ونحنا ما نعرف الا الساعة ثلاثة في الظهر
ورجال ما نعرفه يدق علينا الباب يبغى ابوية ويقول ان سواقنا هرب شغالته ولما نادى ابوية السواق انكر وبعد ما قال رايح اوديك الشرطة لان اصحابة علموا عليه اعترف وقال هربها
عند ناس بالحوية

نحنا لما نشتكي من كثرة هروب الشغالات والعمالة اللي من غير اقامة نحنا السبب اللي خليناهم يكثروا نوفر لهم العمل والسكن و لا اذا اشتغلوا يكون راتبهم عالي وعلى كده نرضى
معروف راتب الشغالة 600 ريال لكن اذا هربت يكون راتبها 1000 ريال يحق لها انها تهرب
نتيجة الطمع يبغوا يحصلوا على رواتب عالية
واذا حست انها خلاص شبعت سلمت نفسها للجوازات وتسافر من غير عقوبة وتكرر نفس الموال

[مــنــال]

[align=center]أنت ِ جني ياقصمنجيه شكلك صرت أخاف منكم من يوم ماصارت المشاركات تختفي خخخخ
[/align]

[§¤~^~¤§ شوكلاته مالحه§¤~^~¤§]

هروب الشغالات له اسبابه اتوقع منها مايكون تحميل الشغاله فوق طاقته !!



هنا ارحم بعض الشغالات بصراحه مادري بعضهم وشلون يستحملون يجلسون عند بعض العوايل يعني



الحين بالكويت والامارات ناااادرا ماتلاقون بيت الاوفيه ثلاث اربع الخ شغالات بعضهم تكون مربيه لا ورقم 2


بيبي ستر يعني وبعضهم مشرفه والثاله طباخه هنا اللهم لك الحمد كل الاشياء هذي تقوم فيهن شغاله وحده



وبعضهم اذا ما اعجبها الجو عند الناس يا انها ماتشتغل زين علشان يسفرونه او في اسوأ الاحوال تهرب اذكر وحده


من شغالتنا عطيناها أختي وكانت عندنا ماشيه تشتغل عادي فلما راحت عند اختي انقلبت وبدت ما تشتغل لحد ما راحت



بس ماهربت >مؤدبه هه

[شمس الرياض]

الف شكر لكم جميعا لاخلا ولاعدم منكم

ويارب يتم عليكم الصحة والعافيه ولايوريكم مكروة

.. قولو اامين..

حبايبي موضوع هروب الشغالات الملفت والمنتشر وفي السنوات الاخيرة يترك اكثر من علامة استفهام ؟؟


الاسباب التي ذكرها الجميع واقعية جدا واتفق معكم انها من اسباب هروبهم

الله يكون بالعون والله الحين الشغالة ماتسبب الا الخسارة

الاف تدفع وفلوس تضيع وفي الاخير فص ملح وداب


كنت في نقاش مع احدى صديقاتي في هذا الموضوع شغالتها هربت من اسبوع

ولم تعمل لديهم الا شهرين فقط

وطبعا هي موظفه ولديها طفل صغير عمرة ثلاث سنوات طبعا انحاست ماتدري وش تسوي

وقالوا لها ان فيه وحدة عندها شغالات للايجار راتب كل وحدة 1500 وتروح وتجيبها والحين تعمل

لديها وقلت لها ليه ماتبلغين عنها اكيد هاربة من كفيلها قالت لاااا

والله انا ماصدقت على الله الاقي وحدة تمسك ولدي واروح لدوامي

واكيد هالشغالة هاربة من كفيلها وهكذا..... والعمالة تهرب والحسابة تحسب ونحن السبب في ذلك .....!!

الاكيد ان هناك عصابات تقوم باغراء الشغالات وتقوم بتاْجيرها ونحن نساعدهم على ذلك لو كل وحدة

تجيب لها شغالة بالايجار وتقوم بالابلاغ عنها وعن من يقوم بتاْجيرها

بكل تاْكيد سيكون هناك رادع وسيكون هناك خوف وسنحد من انتشارها ولكن الجميع ساكت

[لمبة شارع]

يظهر ان الشغالات يكتسبن معلومات ومهارات الهروب وفرص التشغيل الغير مشروعة قبل ان يصلن الى المملكة...

الظاهر صرنا ملطشة في اندنوسيا كمانحن ملطشة في اماكن شتى حول العالم...

[شمس الرياض]

مصيبة يالمبة اذا صرنا ملطشة ومصيبة اكبر اذا احنا عارفين انا ملطشة وساكتين !!

طيب الحل ؟؟

[السعلوووه]

تدرون ليش الشغالات يهجن

لانهم امنو العقوبه ...من يوم وهي بديرته وهي متفقه انه تجلس 3 اشهر وتهج مع الى مخططه معه ... ومن النحاسه تنتظر انه تتم 3 شهور عشان مايجيب المكتب بداله للكفيل ,,,

على فكر ماقريتو قصة سندريلا الاندونسيه شي مايصدق خربت بيوت وب8 شهور انتقلت لا4 بيوت والله اعلم وش سوت بكل بيت ..

[فاطمة الوليعي]

مرحبااااا ..

ماعندي .. شيء أضيفه .. حول هروب الخادمات .. لأني الحمدالله ..

ما عانيت .. من هذه المشكلة .. كما .. لا أراها منتشرة .. عندنا ببريدة ..

" الله يستر " إن ما هجت شغالتي !!!




المهم .. أناااااا .. دخلت .. علشان اسلم عليك شموس ..

ألف الحمدالله على سلامتك .. وما تشوفين شر ان شالله ..

أجر وعافية .. حبيبتي ,,

[@ ابتسام @]

الحمد لله لا انا ولا جميع من يحيطون بي نعاني من هروب الخادمات

لاااا تذكرت احدى قريباتي تقول ان خادمتها كانت تترجاهم ؛ تتمنى تشوف الحرم وحين جاءت الاجازة ذهبوا كعادتهم للعمره وكانوا فرحين انهم سيكونون السبب في زيارة تلك الخادمه للحرم لاول مرة ؛ المهم وعلى اعتاب الحرم فقدوها ااااااااا وبحثوا عنها دون جدوى

رغم ان كل ما يخصها معهم ؛ علموا فيما بعد انها ذهبت لكفيل سابق لها في جده ؛ والغريب انها كانت معززة مكرمه؛
ربما كما قيل للناس فيما يعشقون مذاهب ُ !!!

[شمس الرياض]

اقتباس: تدرون ليش الشغالات يهجن لانهم امنو العقوبه ...من يوم وهي بديرته وهي متفقه انه تجلس 3 اشهر وتهج مع الى مخططه معه ... ومن النحاسه تنتظر انه تتم 3 شهور عشان مايجيب المكتب بداله للكفيل ,,,

السعلووه...مرحبا

اتفق معك مليون بالمية سبب قوي جدا بالفعل عمل مخطط له وعمل متفق عليه

المشكلة ان مافيه رادع لهم !!

السعلوه وش حكاية السندريلا لا ومن زين الطبيايع مسمية نفسها سندريلا!!

[شمس الرياض]

اقتباس: مرحبااااا .. ماعندي .. شيء أضيفه .. حول هروب الخادمات .. لأني الحمدالله .. ما عانيت .. من هذه المشكلة .. كما .. لا أراها منتشرة .. عندنا ببريدة .. " الله يستر " إن ما هجت شغالتي !!!

هلااا وغلااا بالغاليه فاطمة الوليعي

والله يافاطمة اهالمشكله منتشره بالرياض بشكل لا يصدق

والكل يعاني من هذه المشكلة ومن كل الجنسيات

الله يستر عليكم ببيريد لاينتشر عندكم فايروس هروب االشغالات

اقتباس: المهم .. أناااااا .. دخلت .. علشان اسلم عليك شموس .. ألف الحمدالله على سلامتك .. وما تشوفين شر ان شالله ..

أجر وعافية .. حبيبتي ,,

ياحبيلك ياستاذة الذووق

الله لايحرمنا من مستشارتنا الاجتماعية وتواجدها معنا

و مشكورة يالغلا