[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="double,6,gray" type=1 line=0 align=center use=ex num="0,black"]
شطحات الخيال
قال أحبك قلت له حبك خرافه = من روايات الغرام المستحيله
مثلما نسمع من ايام الخلافه =(شهريار وألف ليلة بعد ليلة)
قال ما تممت هرجه وانجرافه = بالحكي والعذر بلسانه يشيله
قلت أنا لو كان بافعالي جلافه =العذر مرفوض رح دور بديله
كان عقلي ينتخي والكل شافه = في أتون المعركه تجتال خيله
عقل ما عمره تدثر في لحافه = عقل ما عمره سكن من قل حيله
والخفوق اللي تمسك باللطافه = نهر يجري من أحاسيس نبيله
قال لي حب تمكن من شغافه = سامحي من كل أخطائه قليله
شاف عقلي قو تأثيره وخافه = قال: قلبك ليس دايم يحتمي له
قال له يكفيه عذره واعترافه = والتسامح بين خلق الله فضيله
لا تكون لعاشق الاحساس آفه = جمرةٍ حمرا لقاها (في شليله)
حبهم وان شاف في دربه كلافه = لو يشوف الدرب والرحله طويله
عاش حبٍ راس ماله هو عفافه = ما يموت العشق وانفاسه أصيله
قلت يكفي منه عذره واكتشافه = إن صدق القول هو أجمل وسيله
قال احبك فوق منظور الخرافه = فوق (شطحات الخيال المستحيله)
[/poem]
[align=center]بدر البدور[/align]
شطحات الخيال ( الشاعره : بدر البدور )
العرض العادي
