عاااااجل مضاربه عنيفه وبآلات حاده بملاهي الحكير الترفيهيه

[Zizoo]

اقتباس:  المشاركة الأصلية كتبت بواسطة أبـو فـيـصــل     هلا اخوي بندر مشكور على الخبر انا شاهدت الحدث من الوهله الأولى وحتى قرب نهاية السالفة تحملوني شوي ابقرق عليكم باللغة البريداوية كنت واقف انتظر عيالي يطلعون امام بوابة الحكير وفجأة مر من قدام سيارتي شباب يركضون يرتدون تكميلات تقريباً 3 شباب ووراهم اثنين من رجال الهيئة نفس الشيء يركضون << على بالي يلعبون مليحق قطعو الشارع اللي امام بوابة الحكير الى المواقف وهم وراهم فيه واحد من رجال الهيئة كان يمشي امام بوابة الحكير بسيارة باترول انا كنت شايف هذا الشخص وهو ينزل من سيارة الهيئة ويركب سيارته الشخصية بالمواقف قبل حدوث هذا الموقف بـ5 دقائق الرجال لما شاف خواياه اللي كان راكب معهم قبل شوي يركضون ورى شباب طمر الرصيف متجه للمواقف وكان فيه عائلة بالمواقف يركبون سيارتهم وحاطين عفشهم بالرصيف الرجال طمر الرصيف ودهس الزمزميات ووكسّر البيالات والفناجيل وحاس الدعوى راعي السيارة (ابوالعائلة) كان يحمل (القش) ضرب على سيارة رجل الهيئة يقول وقف ( قشّنا تحتك) وراعي الباترول ولاهو معبّره ستر الله على الأطفال كان فيه 3 اطفال سحبهم ابوهم كانوا واقفين عند العفش الرجال اللي دهس عفشة قبست معه << من حقة الصراحة اما راعي الباترول ( فحط على وجهه وحط رجله ) يبي يطارد مع خواياه بعد ما رجع رجال الهيئة الاثنين من مطاردتهم مسكهم أبو العائلة وقال ماخليكم لما تجيبون خويكم راعي الباترول قالو مانعرفه واتصل بالشرطة وجت للموقع وبدأ النقاش يحتد حتى وصل إلى اشتباك خفيف بصراحة رجال الهيئة ماقصروا في مطاردة الشباب المتسكعين ويكفي انهم يحمون محارمنا لكن أن يكون ذلك على حساب حياة الآخرين وخاصة الأطفال الذين أنجاهم الله من دهس راعي الباترول فهذا شيء ما ينسكت عليه ابداً واحد من الموجودين قام بتصوير حافظة الشاهي والقهوة وعليها آثار كفرات الجيب الرجال اللي يطالب براعي الجيب يشكر رجال الهيئة على مطاردة مثل هؤلاء الشباب ولكن يقول ليس على حساب أرواح الناس والأطفال والمطاردات بهذا الشكل ليست حل وبأي حق يطمر الرصيف ويدهس من أمامه بحجة أنه يطارد واحد متسكع حتى رجال الأمن ممنوعين من مثل هذه المطاردات انا مشيت وهو يقول ماراح اخليه لو على موتي << من حقه اما رجال الهيئة الأثنين ساءني ماقالة أحدهم كان يحلف بالله انه لايعرف راعي الجيب وانا شايفهم امام عيني ينزلونه لسيارته انا مسكت واحد منهم وقلت ترى الرجال يقصد خويكم اللي منزلينه قبل شوي وقلت نفس الكلام لراعي السيارة بما اني شفت كل شي اشهد بما شاهدته امامي وما أدري وش انتهت السالفة عليه لكن يبدو أنها انتهت بالصلح ( كل واحد يصلح سيارته ) هذا ماحصل امام عيني فقط اقسم بالله كنت على بالي وناوي اتصل بك عشان تصور الموقف بس ما الله اراد

من رأي سوء تعاملهم مع الناس لا يستغرب مثل هذا التصرف الأخرق
فهم أبطال إساءة استغلال السلطة

[متسلل]

اقتباس:  المشاركة الأصلية كتبت بواسطة Zizoo     من رأي سوء تعاملهم مع الناس لا يستغرب مثل هذا التصرف الأخرق فهم أبطال إساءة استغلال السلطة

Zizoo

[align=center]عندما تتكلم على رجال الهيئه بهذه الطريقه فأعتقد أن الجميع لن يسمح لك هنا بأختيار مثل هذه الألفاظ البذيئه والتي لاتخرج من رجل يحب الخير لهذا البلد عندما نعمم بكلمة ( تصرف أخرق ) فأعتقد يازيزو لابد وأن هناك خلل في شخصكم الكريم أو نعره تم تعديله من قبل هؤلاء الأبطال الأشاوس ان قاموا ببتز وأستئصال هذا الخلل أو النعره من جسدك .
عندما تتكلم عن رجال الحسبه يجب أن لاتعمم وأن تحترم نفسك في أختيار الألفاظ 0
لايسب أو يكره رجال الهيئه إلا هؤلاء المتسكعين أصحاب الجو الصحي والذين يريدون أن تكون لهم الأموار كما يريده ولكن هيهات سيبقون غصه في حلقك وفي نحر منهم على شاكلتك 0

قال أخرق !![/align]!

[أبوفالح]

[align=center]

والله مشكلة سالفة النت .. تجيك أخباربالكوم .. لكن ما تقدر تقطع بصحتها أو كذبها أو مبالغتها

عموماً .. إذا كانت تفاصيل السالفة كما وردت من أنامل أخي ( أبو فيصل ) .. فوجه نظري هي :

- صاحب الباترل الفزّاع أحمق من الدرجة الأولى .. هو في نهر البارد يسوي كذا << متأثر في الأخبار

- لا يحسب بتاتاً صاحب الباترل على رجال الهيئة وحماة الفضيلة .. وياما دخل في العود من حطب .

- الهيئة مثلها مثل أي قطاع فيها الخطأ ومجانبة الصواب وقد يكون في تفاصيل الحادثة شي من ذلك ..

لكن هو نزر وتطيش به كفه العمل الإيجابي

الله يحمانا ويعافينا ويرزق أعيالنا وبناتنا الركادة والبصيرة وترك التسكع والمغازل [/align]

[Zizoo]

اقتباس:  المشاركة الأصلية كتبت بواسطة متسلل     Zizoo [align=center]عندما تتكلم على رجال الهيئه بهذه الطريقه فأعتقد أن الجميع لن يسمح لك هنا بأختيار مثل هذه الألفاظ البذيئه والتي لاتخرج من رجل يحب الخير لهذا البلد عندما نعمم بكلمة ( تصرف أخرق ) فأعتقد يازيزو لابد وأن هناك خلل في شخصكم الكريم أو نعره تم تعديله من قبل هؤلاء الأبطال الأشاوس ان قاموا ببتز وأستئصال هذا الخلل أو النعره من جسدك . عندما تتكلم عن رجال الحسبه يجب أن لاتعمم وأن تحترم نفسك في أختيار الألفاظ 0 لايسب أو يكره رجال الهيئه إلا هؤلاء المتسكعين أصحاب الجو الصحي والذين يريدون أن تكون لهم الأموار كما يريده ولكن هيهات سيبقون غصه في حلقك وفي نحر منهم على شاكلتك 0 قال أخرق !![/align]!

هههههههههههههههه
صراحة لا تعليق
تحياتي لجميع طلاب المرحلة الابتدائية
ومدرسيهم