حكم أول..... أقول جبها صن.......( هاه الاستراحة و الا زوجتك )

[فتحي الشقاقي]

سبحان الله .. استغرب من الادمان بعض الناس على الاستراحات .. هذي اعتبرها بلاده مو ادمان
واذا على الشيشه .. شيش عند زوجتك وش فيها ..

استاذ سيبويه .. انا صارلي 15 سنه بالاستراحات اتبطح ،، وللحين ما تزوجت ومابي اتزوج
بس مو معناته اني احب الاستراحه او عشان الاستراحه مابي اتزوج .. لا لا بالعكس
فكرة الزواج ماحبيتها بسبب بعض المفاهيم العائليه .. لذلك لم اتزوج ولن اتزوج ..

اما الاستراحه .. يا الاهي .. قسم بالله ياسيبويه اني اكرهها مثل كرهي لبليس
مليت من الاستراحات بشكل ما تتخيل
مليت من البلوت والجلسه عند التلفاز ..

الحين صارلي مده من شدة الملل
اجي للاستراحه واخذ العيال ونطلع رحله الى بعض القرى المجاوره لكي نتعرف على بعض التجديدات بالقرى
ونتعرف على الكثير من الاشياء من ناحية اهتمام بلدية القريه وامارتها والمواطنين الي ساكنين فيها ومدى اعجابهم بمسكنهم ،، مع اننا كثير نكرر الذهاب الى نفس القريه ولكن اهم شي مانجلس بالاستراحه
هذا اذا ما طلعنا نمشي على رجولنا .. مع ان اغلب الموجودين ملتحقين في انديه صحيه من شان التغيير

اما الاستراحه فأني مليت بشكل ماتتخيل منها .. وللحين كثير افكر في اشياء تبعدني عن الاستراحه .. مثل اعمال تجاريه او ماشابه .. .. ..
اما خويك هذا بصراحه بليييييييد .. نفسي اعرف كيف ما يمولون الاصدقاء من بعض .. كل يوم تقابل نفس الشخص ونفس الافكار ونفس السوالف .. وش ذا ؟ احس انه شي ممل جداً ..

عندنا بالاستراحه كثير نسعى الى دعوة شخص كله عشان التجديد والتغيير ..
حلو انك تسوي دعوات للاشخاص ..
واحد شيخ تستفيد منه
او واحد مجنون تضحك معه
او واحد مهم بالمجتمع يفيدك من ناحية عمله او مجاله الذي رسم له الاهميه
او واحد حديث الاستقرار بعد سفر للدراسه او السياحه تدردش معه
او واحد مو من الديره تاخذ علومه ..

اما كل يوم مع نفس الوجيه .. اعتقد هذا شي خطاء وممل وما اتحمله ابد ..

مع هذا كله ،، معنا بالاستراحه ناس متزوجين وماشاءالله .. والله كويس اننا نشوفه كل يومين او ثلاثه .. ما الاحض انهم مهتمين بالاستراحه بالشكل المسرف الي قلت عليه ..
بالعكس احيانن يتحفوننا في طبخات زوجاتهم ..
صاير عندنا بعض الاحيان منافسات ،،
زوجة عبدالرحمن الصراحه عليها حلى غير طبيعي .. دايم تتحفنا بالهريسه وانواع الحلى ..

اما زوجة عبدالله يوووووووه عليها مقلوبه تحفه بصراحه ..
ياحلوهم وانت تشوفهم بعد العشاء وزوجته تدق عليه تقول هاه بشر عسى العيال عجبهم الاكل ؟؟؟
بعدها شوف كيف التوصيات على المواعين والقدور ههههه يضفها ويطير عند زوجتة زي العصفور ..

ما اشوف التقصير الي قلت عليه .. هذا العيب في صديقك مو في الاستراحات والشله