البلاء من الرجال والا من الحريم !!!!!!!!!

[وميضُ البرق]

تخيلوا بيت بدون مشاكل!!
والله العظيم الحياة تصير ماصخة وشينة،وبعدين البلاء بالكل يعني الرجل كامل والا المرة!!

[..خوية نجودي..]

والله انا من رايي مانقدر نقول البلا من الرجال والا الحريم...!!
لانه مو دايم يكون الغلط ناتج من الرجل..
ولا دايم الغلط يكون ناتج من المره ..

ومن وجهة نظري ..
صعب بتلقى رجال بمعنى الكلمة بهالوقت ..!!
مع احترامي لكل الرجال ..

سي يو ..

[دلوووعة بريده]

البلا اتوقع من طبيعة الشخص نفسه بغض النظر عن تحديد الجنس !!
قد يكون من المراه وقد يكون من الرجل ....

[بيسان]

<<يوم فكرت انها تعرس هونت

[عاشق ديرتي بريده]

اقتباس:  المشاركة الأصلية كتبت بواسطة فور يو     الحلول اخوي عاشق بسيطه وسهله كالتالي : كل واحد يقوم بدوره على اكمل وجه , كل واحد يحترم الثاني ويقدر رأيه ... فرض الراي والتسلط تفسد الحياة الزوجيه ... اعذب تحيه للكل .

هلا اخوي فور يو
تدري وش المشكله !!
الرجال يقولون حنا قايمين بواجبنا على اكمل وجه بس الحريم تغثك وتخليك ماتقدر تسوي كل شي صح !!
والعكس الحريم تقول حنا قاعدين بالبيوت ونزين لهم كل شي يعني قايمين بواجبنا على اكمل وجه بس يجي الرجل حمق ويحط حرته بنا !!
يعني كل طرف يقول انا قايم بواجبي بس البلاء من الطرف الثاني !!!!!!!!!

[عاشق ديرتي بريده]

اقتباس:  المشاركة الأصلية كتبت بواسطة ولــد نعمـة     والله كلن بوه حقة (مثل عامي)

يعني نخليهم ونقول ساده خلهم بحرقتهم !!!!!

[عاشق ديرتي بريده]

اقتباس:  المشاركة الأصلية كتبت بواسطة البـــBADERـــدر B.D.Q     اخوي عاشق ودي مره اقرا موضوع تبين الصفات الايجابيه للزواج الله يهديك كله تشاؤم ومشاكل بالناسبه لللموضوعك اعتقد ان التقصير حاصل في كلا الطرفين وان يجب على كل الطرفين محاسبه نفسه ومحاسبه شريك حياته والمحاوله للوصول للقمه التفاهم والتجانس بينهم مجرد وجهه نظر اعتقد صعب تنفيذها

هلا اخوي البدر لا المره مافيه مشاكل نبي نحلهن اليوم

صح لازم كل شخص يحاسب نفسه
بس المشكله من عنده استعداد يحاسبها والا يقدر يقنع نفسه انه غلطان !!

[فور يو]

اقتباس:  المشاركة الأصلية كتبت بواسطة عاشق ديرتي بريده     هلا اخوي فور يو تدري وش المشكله !! الرجال يقولون حنا قايمين بواجبنا على اكمل وجه بس الحريم تغثك وتخليك ماتقدر تسوي كل شي صح !! والعكس الحريم تقول حنا قاعدين بالبيوت ونزين لهم كل شي يعني قايمين بواجبنا على اكمل وجه بس يجي الرجل حمق ويحط حرته بنا !! يعني كل طرف يقول انا قايم بواجبي بس البلاء من الطرف الثاني !!!!!!!!!

هلا بك عاشق

شوف اخوي , كل بيت لا يخلوا من المشاكل و اغلبها من توافه الأشياء ماتلبث اثناء احتدام النقاش ان تكبر وتكبر...!

المفترض على الزوجين ان لا يجعلا من الحبه قبه , يعني الرجال يمشي ويعدي الأمور الصغيره , كذلك المرأه ,

يا اخوان ويا اخوات كثير من حالات الطلاق بدايه الشراره مشكله بسيطه تافهه ...

اعذب تحيه للكل .

[مـــــاء]

[align=center]""

اقتباس:  المشاركة الأصلية كتبت بواسطة عاشق ديرتي بريده     [align=center] <<<< هذي نفسية الرجال بالبيت <<<< وهذي حالت الحريم بالبيوت <<<< نبي حياتنا تكون كذا[/align]

أخي عاشق ..

لماذا وضعت للرجل وجه عابس ..
وللمرأة وجه باكي ..؟!

انت حكمت بالعدل وادنت من يستحق ..!!


""[/align]

[مــنــال]

الموضوع به خلل !

إذ لا حد مـُـقر بالخطأ !

وهذه مشكلة ، فلن نعرف " البلا " إذا لم يكن هناك من يرغب و يسعى للتصحيح و يقر بالخطأ .

[خالد التويجري]

البلاء من قلّة الثقافه الشرعيه عند الطرفين فيما يتعلق بحقوق كلاً منهما ..,
البلاء من إنعدام التوجيه الاجتماعي الصحيح للتعامل مع المحن و المواقف الحرجه ..,
البلاء من غزو ثقافة الاخر لنا و بالتالي طموح "القصّر" للتقليد الأعمى ..,
البلاء من عدم وجود دورات تدريبيه و تأهيليه للزوجين قبل الدخول ببعضهما ..,

البلاء عدم ألأخذ بنصيحة المصطفى عليه الصلاة و السلام "فيما معنى قوله" (المرأه خلقت من ضلع أعوج و إن اعوج مافي الضلع اعلاه فإن حاولت تقيمه كسرته ....................) .


تحياتي .,’

[قهورررري]

لأنهم فقدوا أحد هذه الأشياء أو نقول أغلبها تقريبآ ..
- الكلام العاطفي الصريح
- الدعابة والابتسامة الحانية
- الغزل والعلاقة الحميمة
- الهدايا المناسبة: لأن الهدية (( مفتاح القلوب ))
- إحترام أهل شريك الحياة
- ليعجب أحدكما بالآخر : مهما أمتدت أيام الخطوبة وبدايات الزواج
- الغيرة ولكن بصفتها المحمودة
- الإهتمامات المشتركة بينهم
- فن التغافل : غض الطرف عن بعض الهفوات اللفظية أو الفعلية لشريك الحياة مطلب أساس في استقرار الأسرة
- التودد لشريك الحياة ...!!

[عاشق ديرتي بريده]

اقتباس:  المشاركة الأصلية كتبت بواسطة ام ارجوان     والله البلا اعتقد منكم مو منا لانكم انتم بس تبطح بهالاستراحات ولا جلسه على النت واكل وشرب لكن حنا بيت وطبخ وكرف وجلسه على النت وعيال وتربيه وكل شي علينا همن اكيد اننا بننفجر ونحمق وتصير النفس شينه والله يجزاك خير جت المدارس ابد طلع مواضيع عنه وشلون نستقبله ومن هالحكي لاتخرب على العزابيه تخليهم مايعرسووون ترى العرس زين اعرسوا ولا اقول خلك على هالموضيع هاللحين جاين لي بكرا بموضوع عن العرس بمراه ثانيه ومن هالخرابيط ولاتجيبون طاري هالسوريات بس سادتكم يقولون ان مسؤول عندهم او هو رئيسهم يقول ان السعوديه بس بلد زايد على الاسلام والمسلميين والعرب وشباب السعوديه مافيهم اي فائده وسبكم سب موب طبيعي بس مالي خلق اقول وش قااال بس استانست قلت خله تنفعهم سوريا هاللي هقونا به ودمتم بود

يالله شوفو ذي تقول البلاء من الرجال !
سؤال ياام ارجوان وش خلا الرجال يهجون من البيوت ويتبطحون بالاستراحات !!!

والا مواضيع المدارس خلي بس يطن موضوع براسي واحطه والله اني ارحم الطالب اللي معه شنطه وزنها طن وكل يوم يحطها على يعلقها على كتوفه !!!

والا موضوع الزواج من السوريات انا ضد الزواج من غير بنت ديرتي بريده !

[عاشق ديرتي بريده]

اقتباس:  المشاركة الأصلية كتبت بواسطة عبدالله الحلوه     كذا يخرب الموضوع

هلا عبيد
<< بدا يمون على المدير
لا ليش يخرب الذاهبه لها وجهة نظر وحطتها وفيه من يعارضها وفيه من يؤيدها

[عاشق ديرتي بريده]

اقتباس:  المشاركة الأصلية كتبت بواسطة الأمواج الباردة     أخي الكريم عاشق ،، فيه طرف ثالث أنت ما شبكته معهما ،، أقلك وش الطرف الثالث ( التأثيرات الخارجيه ) من العولمه ـ ضجيج المدينه ـ وزحمه البشر ـ وعالم الألكترونيات ـ والأضواء الساطعه ـ والأعمال الخارجيه والداخليه ـ والأصدقاء ـ والأقرباء ـ ......ألخ يأخي أصبح الآخر لا يطيق الآخر ولا يستحمل رؤيته قبل محادثته ،، بل لا يطيق مشاهدة نفسه ومحادثتها أمام بعض المرايا العاكسه ،، أصبحت البشر كقطع البراكين الحارقه ،، الله المستعان ،،، وشكراً ،،

الامواج البارده فعلا كل الاشياء هذي لها تأثيرات
وتأثيرتها سلبيه على كل الاطراف
مشكور على الاضافه النيره