أبي شورك - راشد & ابوخالد
راشد
ابي شورك دخيل الله يابوخالد
ترى هالدنيا ضاقت بي وانا مليت
بلاني حب من خلى الفكر شارد
زعل مني واذا ماردلي جنيت
عبد الكريم
على هونك وقول شفيك ياراشد
عيوني لك وعنك عيوني مارديت
صديقك عدني او حسبت الوالد
مناللي صد عنك وانت ماصديت
راشد
انا حبيته والله عالم وشاهد
ويمكن دون ما اقصد عليه اخطيت
تعذرت وتعبت اقول موقاصد
ولا عبرني (ماتسوى ) علي حبيت
عبد الكريم
اذا اخطيت اكيد ان الخطا وارد
واذا صدك لانه يحبك وزليت
اهي فتره و مهما يروح ويباعد
بيرجع مثل ما يرجع حمام البيت
راشد
ياشين الوقت من دونه وأنا قاعد
ذبحني الشوق له من كثر ماحنيت
أنا الغلطان وما أنكرولا أعاند
وأظن يكفيهم أني بغلطتي حسيت
عبدالكريم
تزاعلتو ولوكان الزعل كايد
يظل ملح الهوى ويا الذي أغليت
بدونه تشعر أن الحب شي بارد
وش أحلا من الزعل لوبعده تراضيت
العرض الشجري