ياحيف عشرة خاين الود ياحيف
لااا وخساره مامضى من سنيني
سكنته بقلبي واصبحت انا الضيف
ازعلت من شانه خلايق تبيني
قررت ابي انهي عشرة كلها زيف
دامه يصدق هرج الانذال فيني
كان يتمنى شوفتي لو هي بطيف
يدفع حياته لو اجيه ويجيني
واليوم اشوف بجيته صار تكليف
يجلس واحس بنظرته مايبيني
هذا جزا اللي ماتشيله على الكيف
يعطيه من زود الغلا والحنيني
خله يجرب من زمانه صواديف
ويندم على اللي كان بينه وبيني
مسكين يرجع من صداقه ملاقيف
ويبكي حنان ماعطيته حنيني
خله يعرف ان الخلايق تصاديف
وان عزتي تسبق مصافح يميني
العرض الشجري