سباكين بمسمى دكاترة في إسعاف بريدة ..حدث معي قبل قليل!

[@اسمـــراني]

[align=center]
قبل قليل إنكسرت يد أخي الاصغر ومن الطبيعي أن اقوم بإسعافة..
إحترت هل إسعفه في المركزي او التخصصي..!
لعلي وقتها تذكرت متخصص العظام الدكتور النيجري المعروف فقد يكون لايزال على رأس العمل وفعلاً توجهت للمركزي
..بعد دخولي اتجهت للإستقبال ومن ثما تم توجيهي أنا وأخي لغرفة رقم ( 3 ) ومن هنا بدأت التخبطات ..غرفة 3 يقف على بابها حارس إن لم يكن سيكورتي !
ناداني يقول :هاه ياخوي تبي الدكتور رديت أنا إيه ..


طيب تفضل تفضلت أنا وأخوي عند الدكتور على حسب طلب السكورتي المحترم لقيت بدل الدكتور دكتوران يعني دكتورين يعني 2 بدل واحد .!
قلت بيني وبين نفسي والله الدولة ماقصرت حطت بدل الدكتور الواحد إثنين!


المهم ..دخلنا ولقينا إثنين من الدكاترة عندهم مريض يسأل وهو واقف عن علاج بيدهـ يعني على الماشي..
استقبلني الدكتور الاول بكلمة لو سمحت إنتظروا برا!
.
رجعت وقلت للسكورتي والله ماتستحي كيف تسمح لي بالدخول والدكتور عنده مريض؟!


قال يااخي هم إثنين بس هذا الدكتور اللي جنب الباب يستهبل! ويحب يسيطر والا شف الدكتور اللي جنبه فاضي..


انتظرنا قليلاً وبعد ذلك تم الفسح لنا بالدخول على المراسم الملكية الا وهي غرفة
البرفسورين !


وبعد دخلوي تم غسلي دون نشر للدكتور مُدعي السيطرة ومن تسلط في غرفته براتب شهري ندفعه نحن السعوديين


بعدها تمت معاينة المريض او بالاحرى الكسير أخي <<الله يجبر كسره آمين


من السباك اللي في غرفة رقم 3


بعد ذلك من الطبيعي يتم التوجية للإشعة وعمل صورة أشعة كي يتأكد صاحبنا السباك إن كان هناك خلعً أو كسر.؟!


في الاشعة تجد طامة إخرى الا وهي رفض الممرض أن يلبس اخي الواقي للإشعة فقد كان الواقي أمامنا ومع ذلك لم يحرص أن يرتيده أخي وبعد إلحاحاً طويل تمت الموافقه وإرتداء أخي مايريد
وكأنها مرسوم أو مكرمة ملكية أتت على غفلة من الشعب !


بعد الأشعة تبدا المسرحية الدكتور الاول يرفع الصورة على لمبة السقف ويقول مافيك شي ..ومن حسن الحظ يسحبها السباك الثاني ويقول للإسطاء خويه في نفس المهنة الا يادكتور فيها كسر ..!!


أعنبو جدكم وش ذا التشخيص.؟


بالاول حسبت أخوي جوااااار بمعنى كثير الشكوى ويتشكى من كل شي وبعد تشخيص السباك وصاحبه وإختلافهم في القضية عرفت أنه مكسور..وعرفت أني بين إثنين أحسنهم بيطري ..
بختصر المتبقي وأقول إسعاف غبي دكاترة كذلك إدارة لا تعي ولا تحسن حتى الرد فعندما سألت إحدى إداري الإسعاف رد علي بالهجة العامية وقال يااخي الدكتور اللي قال أخوك ماعنده كسر إحنا ماقتنعنا فيه ..والنجف اللاصق اللي في الجدار اللي يبين الصورة خربان من فترة وإذا ارسلنا للمدير قال وش دخلك منت طبيب او هذا الشي مو من إختصاصك ..



شي غريب!


إن كان هذا تصرف المُسعفين في إسعاف سُمي بالطوارى فالعيادات الخارجية ستكون أدهى وأمر ![/align]

[عمر العايد]

واكثر السباكين في هذا الزمان
اللهم أشفي أخوك

[عاشق الخير]

غريبه الهيئة هالمره ما خربوا عليك زياره السبااااكين ....
السباكين هذولا قبل اربع سنين حرمت بماده حسن الهويمل ومثلت المرض لاحصل على العذر ..
فشخصوا حالتي على انها زائد تحتاج لاستئصال ..
وبحمد الله نجا عاشق بجلده ..

[@اسمـــراني]

اقتباس:  المشاركة الأصلية كتبت بواسطة الشبح الأسود     واكثر السباكين في هذا الزمان اللهم أشفي أخوك

لنا الله بس

[@اسمـــراني]

اقتباس:  المشاركة الأصلية كتبت بواسطة عاشق الخير     غريبه الهيئة هالمره ما خربوا عليك زياره السبااااكين .... السباكين هذولا قبل اربع سنين حرمت بماده حسن الهويمل ومثلت المرض لاحصل على العذر .. فشخصوا حالتي على انها زائد تحتاج لاستئصال .. وبحمد الله نجا عاشق بجلده ..

هلا عاشق تصدق ياعاشق أحسك كنت معشوق ..الموضوع واقع حاصل فلا تريقة وبلا خبال

[الوساااام]

قصدك الميكانيكين ..

الله يعينك ويشفي أخيك بس ..

كان جبرت كسر أخيك بالبيت أحسن من البيطرة ..!

حسبي الله عليهم وعلى المدير الي مايخاف الله ..

[@اسمـــراني]

اقتباس:  المشاركة الأصلية كتبت بواسطة الوساااام     قصدك الميكانيكين .. الله يعينك ويشفي أخيك بس .. كان جبرت كسر أخيك بالبيت أحسن من البيطرة ..! حسبي الله عليهم وعلى المدير الي مايخاف الله ..

وربي حتى المدير ياوساااام ماخليته بس مسكين مثل اللي يمد يدهـ قدامك ويقول ماقدرت كل ماشكيت قالوا وش دخلك ؟<<طبعاً المدير ذا كان مناوب يمكن لو لقيت اللي عليه العلم كانت عجبتك,,ووعدهم بكرا لا تخاف بسوي اللي أقدر عليه ..!

[الوساااام]

الله يقويك يابوسمراء .. لا تخليهم ..

[فرٍآشهہَ خجوٍلهہَ]

من زمان وحنا غاسلين ايديننا منهم

اجل وحده تقرب لي سسوآ له قسطره للقلب وهي به حساسيه بس

وستشفيات الرياض اي دكتور يخطي عندهم يقولون نرسله للقصيم عقاب

يعني اردآء الدكاتره عندنا

بس خله ع ربك خيوو

تقبل شخمطتي

./~

[احمد الس]

حسبي الله ونعم الوكيل

[شـــــادن]

أنا أولهم أروح وأصيح من الكلى وتناظرن ذيك الدكتورة وتشخص حالتي ساعة
وقرق مدري وشو وآخرته تقول عندك قولون أعطيك إبره ومضاد وإن شاء الله يخف الألم ,,
وماعطيتهم وجه رحت للحبيب وآخرته يقولون المسالك عندك تعبانه ,,
أكره ماأشوف الإسعاف يخوفون اللي مايخاف ,,

الله يشفي أخوك وجميع مرضى المسلمين ,,

[ابو سعود 55]

المركزي كله بكبره عباره عن ........
لا وانت داخله تحس انك في بومباي بالهنـد

لا والامر من هذا وذاك كلن شايف روحه وزير والمدير المستشفى براسه اتحدا اذا احد دخل عليه

وش ترجي منهم وهم سلموا جثه خاطئه وقبوره وتوهم يتذكرون خطاهم
باختصار الوضع هناك مزرري
ياليت من كنس هالمدراء هناك وجاب ناس تشتغل بامانه واخلااص

[مخاوي القايله]

الله يشفي اخوك ،، مايشوف شرر

والمستشفى يحتاج لـ اهتمام ورعايه من قبل المسؤؤلين ،،

تحياتي ،،

[بروتين]

شفى الله أخاك

ولكن الغريب في موضوعك اقحامك الاطباء البيطريين في الموضوع وتصغيرك وتحقيرك لهم !!!

فحبذا أخي العزيز لو قرأت عن الطب البيطري وعن دوره وأهميته قبل أن تنتقصهم ...

بارك الله فيك أخونا أسمراني

[ولد ابوظبي]

[align=center]الله يكون بعونكم وبعون اخيكـ ،،،

والكل عاارف ان الاطباء الموجودين لدينا في هذه المنطقه من اسوى الاطباء او بالاصح لا يسمون بأطباء بل ببقايا اطباء ...

مالنا الا نقول ((( لا حول ولا قوة الا بالله )))[/align]