السوريات وقمة الوفاء والتضحية .

[عـــــســـــولــي]

اقتباس:  المشاركة الأصلية كتبت بواسطة يكفيني حنانك     الى عسولي مع التحيه انت قصدك تستفزالمراة وتشوف وش ردة فعله والا ماهمتك السوريه ولا دريت عنه ،،وكل الرجال ،،مثلك،،صح؟؟ طيب نرجع لموضوعنا الرجال اللي يستاهل،،اظمن وفاه واخلاصه مدى الحياة ،،اعطيه روحي لو يبي موبس قطعه من كبدي،، بس وين القاه ذا،،، صدق دنيا حقيره

يابنت الناس والله مو قصدي استفز البنات ولا هذا من طبعي .
هالسوريه ليش تبرعت لزوجها بقطعه من كبدها والكبد من أغلى أجزاء الجسم مو زي الكليه او قرنية العين مثلا . العملية بحد ذاتها خطيره ومميته .
السوريه تبرعت لزوجها لأن علاقتهم العاطفية قوية جدا وبينهم ذكريات جميلة من الصعب نكرانها ,لكن عندنا العلاقات العاطفية بين الزوجين تكون شبه معدومه والتربية الأسرية لها دور في ذلك علاقات عاطفية جامده وحياتهم قائمة بس على الأكل والشرب والنوم واللبس .
تذكرت البنت اللي أعرست وقال لها زوجها : ترى الليله نبغاها رومانسيه ..البنت ماتعرف معنى (رومانسيه) وراحت تسأل أمها . يمه زوجي يقول الليله نبغاها رومانسيه ,قالت الأم : والله يابنيتي ماعرف وش معنى رومانسيه .بس أنتي طلعي (لحمه) من الثلاجه إحتياط .خخخخخخخخخخخخخخخ .
القصد أن الحب والحنان والرومانسيه بين الزوجين هو الوقود الحقيقي للتضحية والإخلاص . فهمتي قصدي .

[يكفيني حنانك]

اقتباس:  المشاركة الأصلية كتبت بواسطة عـــــســـــولــي     يابنت الناس والله مو قصدي استفز البنات ولا هذا من طبعي . هالسوريه ليش تبرعت لزوجها بقطعه من كبدها والكبد من أغلى أجزاء الجسم مو زي الكليه او قرنية العين مثلا . العملية بحد ذاتها خطيره ومميته . السوريه تبرعت لزوجها لأن علاقتهم العاطفية قوية جدا وبينهم ذكريات جميلة من الصعب نكرانها ,لكن عندنا العلاقات العاطفية بين الزوجين تكون شبه معدومه والتربية الأسرية لها دور في ذلك علاقات عاطفية جامده وحياتهم قائمة بس على الأكل والشرب والنوم واللبس . تذكرت البنت اللي أعرست وقال لها زوجها : ترى الليله نبغاها رومانسيه ..البنت ماتعرف معنى (رومانسيه) وراحت تسأل أمها . يمه زوجي يقول الليله نبغاها رومانسيه ,قالت الأم : والله يابنيتي ماعرف وش معنى رومانسيه .بس أنتي طلعي (لحمه) من الثلاجه إحتياط .خخخخخخخخخخخخخخخ . القصد أن الحب والحنان والرومانسيه بين الزوجين هو الوقود الحقيقي للتضحية والإخلاص . فهمتي قصدي .

وش دراك انه تبرعت علشان العلاقه العاطفيه والذكريات الجميله،،،هذي اشياء موجوده بحياة
كل زوجين،،او اغلبهم،،لا ،،المساْله اكيد زوجه مضحي له بشي،،ومخلص وفي،،
وتبي ترد الجميل،،مو مساْلة عاطفيه،، وذكريات

[سمر العبدالله]

التضحية بين الزوجين لها أسباب وأهمها (الحب) الطاهر اللي مو ملوث بالمصالح .
لكن انت أخطيت بالتعميم لأن فيه سعوديات قمة في العطاء والإخلاص بس مشكلتهن مالقن (رجال) يقدرون هالتضحيات بالعربي (لدينا أزمة في وجود رجال) . تقبل مروري

[Šiļểηţ ● «]

اقتباس:  المشاركة الأصلية كتبت بواسطة يكفيني حنانك     مافيه انسان كامل ياهذه على رسلك،،،حلوه هذي بس الرجال وين الوفي فيهم طول العمر،،يا يتزوج،يا يخون ،،لو بنظرات العيون اقتنعتي،، والا نتوسع بالشرح

أنا مع كلامك

توسعي بالشرح مع غيري ..

ردي كان تعقيب لقولتك دنيا حقيره فقط ..
سبق ورديت و قلت رأيي
يمدحون الركاده و أنا أختك
.

فهمتيني غلط
.

[كااااجو]

الوفاء والتضحية موجود بالسعودية والسورية والسودانية والمصرية ووووو....الخ حتى البهايم
مواضيع مستهلكة حتى الثمالة ....

[أبواحمد]

اقتباس:  المشاركة الأصلية كتبت بواسطة "غرك غلاك"     السوريات التعميم لغة خاطئة دوما لا يجيدها إلا من لا يعرف الاستفتاء أنت تتكلم عن شيء نادر ويعتبر مفاجأة غير متوقعة سورية تقدم لزوجها جزء من جسدها لا بد أن تكتب هذه التضحية بماء من ذهب لندرته , سمعنا عن زوجات سوريات جاءت ولدت ابناء فهربت وتركتهم يواجهون مصير الضياع بعد رحيلها . من النادر أن تجد زوجة شامية تقدم الأخلاص لرجل خليجي .اللهم كثر أمثالها من أجل أن نتقدم خطوة لبني جنسها .

فعلاً هاذا اللي حاصل وقليل جدا من هاذا النوع لا وبل ناااااادر الله يكثر من امثالها

[عـــــســـــولــي]

الى عاشق الخير والخالدي .. جيل البنات الحالي .
قصة ترويها المرشده الطلابية (نوال المرشدي) :
جائتني بسررررعه ودخلت غرفة الارشاد وهي تبكي
:استاذه ممكن ادخل ؟
قلت:خير ان شاء الله استأذنتي من معلمتكم ؟
قالت:استاذه تكفين خليني ادخل .....ثم انهارت بالبكاء
قلت :تفضلي خير يا..........خير تعبانه ؟فيكي شي؟
قالت بالحرف الواحد:حسبي الله على بعض الشباب!!!
قلت:نعم؟استغفر الله وش السالفه يا..............تراك خوفتيني
قالت:حسبي الله على كل ام وابو واخو غافل عن اخته!!!
انا ضعت يااستاذه ضعت!!
وانهارت بالبكاء ثم مسحت دموعها وقالت :استاذه اهلي وثقوا فيني ثقه عمياء وفروا لي كل شي دش اقلب فيه القنوات علىكيفي لاب توب واخيرا بلاك بيري وهذي النتيجه!!!
الشيطان شاطر وانا يااستاذه عجزت اقاوم ماقدرت ....ماقدرت
زميلاتي هنا بالمدرسه اذا انتي ماتكلمين او مالك علاقه مع واحد فأنتي متخلفه معقده مسكينه ويبعدون عني!
حتى بنات خوالي وعماني كل وحده معها البلاك بيري وتراسل خويها او خوي فلانه وعلانه!!!
اهلي يحسبون اني عاقله ورزينه وقدامهم وش حليلي يحسبون اطهر الارض اللي امشي عليها
ومايدرون اني لي علاقه مع.......وانهارت وبكت
وبعدين قالت لي علاقه مع 5 شباب!!!
اكيد بتنصدمين يااستاذه مني بس بقولك شي ترا الشكل والرزانه اللي من الظاهر مو دليل
والله العظيم ان ثلاثة ارباع المدرسه اللي عندهم لاب توب وبلاك بيري يكلمون
تلقين الام تثق ببنتها والاب يوافق من الحاح الام ويعتمد على الام والام اصلا همها المظاهر وتوفير كل شي لبنتها عشان ماتكون اقل من غيرها !!!وهذي نهاية الثقه!!
تعرفين يااستاذه بنت فلان وفلان اللي ابوهم مطوع تراها تكلم وعندي الدليل!!
شوفوا لنا حل!!
المشكله واحد قاعد يهددني بصوري يااستاذه تكفين وش اسوي!!
وبعدييييين سكتت وقعدت تبكي وقالت: امانه يااستاذه لاتعلمين احد عن اسمائنا !!قلت مستحيل !!
قالت ترا زميلتي فلانه تطلع مع شباب اذا ناموا اهلها واحيانا تقول لاهلها بروح لزميلتي او بنت خالتي بذاكر عندها او اي كذبه من هالكذبات وتروح شوي وتواعد خويها هناك يمرها وياخذ فيها كم لفه يدور بها على الحاره والله العالم وش يصير بالسياره يااستاذه!!!
وابحاول اقنعها تنزل عندك لانها متورطه معاه بورطه وخااااايفه مررره
قلت طيب اللحين انتي كيف تكلمين وين اهلك عنك؟
قالت اسجل اسمه باسم بنت عشان اذا دق الجوال يحسبون انه زميلتي واكلمها على اساس انها بنت
او اذا رحنا عزايم والا لبنات خالي اطلع شريحتي الثانيه واكلم
ياابلا ترا فيه الف طريقه وطريقه وين عايشه انتي؟؟؟<<<<<عجبتني بكلمتها فعلا فتحت عيوني على اشياء ماكنت ادري عنها
قلت لها شوفي لازم تستغفرين وتتوبين وتصدقين بتوبتك وان شاء الله ربي بيساعدك ويستر عليكي وانا بحاول اساعدك
ثانيا:اذا الولد يهددكي بصورك وعارفه اسمه وكل شي اختصري الطريق ودقي على الهيئه وبلغيهم هم يتصرفون
قالت:بس اخاف يفضحوني قلت:لا تخافين الهيئه همهم اكبر من كذا وراح يساعدونك ويفكونك منه والولد راح ياخذ عقابه!!
قلت لها طيب انقلي اذا انتي منتي مرتاحه هنا!!
قالت والله يااستاذه انك ماتدرين عن شي!!
قلت وشو؟
قالت انا لي بنات خالات وخوال وعمات وش كثرهن ماشاء الله والله اغلبهن يكلمن ويتفاخرن بهاالشي وكل وحده معاها بلاك بيري ولاب توب ادهى وامر!!!
حتى بنت عمي اللي داخله بتحفيظ القران تكلم شباب!!
قلت :بس لاتكملين
قالت:اسفه يااستاذه بس والله هذا الواقع شوفوا لنا حل حنا نضيع بسبب الدشوش واللاب توب والسهر وطلعاتنا لبنات خالاتنا واعمامنا وبسبب البلاك بيري والام والاب والاخو اللي يشد فيه الظهر كللللللهم غافلين عنا ولا رقيب ولا حسيب
هي كلمه بقولها
الله المستعان راح زمن الاخو اللي تخاف منه اخته وتسمع كلمته وتسوي له الف حساااااب!!!
الا من رحم ربي!!!
من جد بديت اخاف من هالزمن!!!!
فأنا أقول لكل أب ومسؤول عن عائلة: إتق الله في بناتك وأخواتك راقبهن وناصحهن وحذرهن قبل أن يكثر الفساد في المجتمع فأنت مسؤول عن عائلتك.
وأقول لكل بنت: إتق الله لاتخوني أهلك وقاطعي جميع هؤلاء الذئاب فأهم شي عند البنت الشرف والعرض فحافظي على عفتك وأتركي الحديث مع الشباب الذين لايحلون لك فأنا والله لك ناصح .
بالله عليكم هل هؤلاء هن أمهات المستقبل ؟؟ هل ينشد فيهن الظهر؟؟ خيانات في خيانات وماضي اسود (بكره لماتتزوج يبي يلاحقها صديقها ويبي يمارس الجنس معها بالغصب مو بالطيب ,,كيف تبي تجيب اطفال ؟؟ .
يابنات اصحن من غفلتكن .ترى موت الفجأه كاثر هاليومين لو وحده ماتت وهي على هالحال بالله كيف ستقابل خالقها ؟؟؟

.

[روعة الكون]

[align=center]لاحظو قمة الوفـآء بس !
أجل اشوى آنك علمتنآ آقوم اتبرع بكليتي خخ
اغدين آصير بقمة الوفـآء .

اقتباس: تذكرت البنت اللي أعرست وقال لها زوجها : ترى الليله نبغاها رومانسيه ..البنت ماتعرف معنى (رومانسيه) وراحت تسأل أمها . يمه زوجي يقول الليله نبغاها رومانسيه ,قالت الأم : والله يابنيتي ماعرف وش معنى رومانسيه .بس أنتي طلعي (لحمه) من الثلاجه إحتياط .خخخخخخخخخخخخخخخ . القصد أن الحب والحنان والرومانسيه بين الزوجين هو الوقود الحقيقي للتضحية والإخلاص . فهمتي قصدي .

هههههههههه
مب تسنه قويه شوي ؟ [/align]

[عاشق الترحال]

مساكم فل لجميع الاعضاء واقول لا فض فوك اخوي ابوريما الخالدي اختصرت الرد عني تحياتي

[عاشق الترحال]

اخوي عسولي قصصك المأساوية عن البنات في المدارس وحالهن السئ احرق قلبي والله انك لمست

الجرح وما خفي كان اعظم يا اباء ويا امهات كفااااااية غافلين عن بناتكم واولادكم؟؟؟؟؟؟؟؟؟؟

[عمري انت]

لا تعمم الله يعافيك احسك دايخ على اي سعودية تعطيك وجه