عشق التحريم

[أمل حياتي]

اقتباس:  المشاركة الأصلية كتبت بواسطة سمر العبدالله     لاحول ولاقوة إلا بالله . ومن قالك إن جوالات الكاميرا حلال ؟ في ضل إستخدامها الحالي فهي حرام وجزا الله الشيخ سلمان عندما حاول منعها من خلال مخاطبة المسؤولين لأنه عارف أن الفساد سينتشر عبر هذه الجوالات . إبتزاز وتصوير بالقوة وخراب بيوت وجايه ياسموذات تضربين لنا (مثل) . الله يهديك بس. وأنت يالعقلاني إستغل ماحباك الله به من علم لخدمة أمة محمد صلى الله عليه وسلم وإترك عنك هالخرابيط.

انتي عن جد تتكلمي من عقلك
وشو اللي تقولي ان الجوالات حرام . عيب تقولي اللام هذا ومنهو اللي افتالك وقالك ان جوالات ابوكاميرا حرام
ياسمر . جوال ابوكاميرا يكون حرام اذا استخدمناه لشئ سئ . لكن الواحد اذا استخدمه لشئ غير سئ يكون حلال .
وابسألك ياسمر . جوالك انتي ابوكاميرا او لا
ولا تنسي ان بعض الفتاوي اللي عشناها قبل هي يوم يطلع الانترنت عالطول حرموه ثم بعدين قالوا اللي بيستخدمه لشئ سئ يكون حرام عليه واللي بيستخدمه لشئ طيب يكون حلال .. ولاتنسي انك استخدمتي الانترنت مع العلم فيه مفاسد كثيره اكثر من جوال ابوكاميرا اللي تقولي عنه انه حرام
ياسمر ابقولتس شئ .. لا عمرك تحللي وتحرمي .. وابعطيس قاعده مهمه : وهي أي شئ تستخدميه لشئ سئ يكون حرام عليتس حتى لو انتي جلستي تسولفي مع صديقاتس وفاتتس الصلاة يكون سوالفك معهن محرم . لانك تركتي صلاتس مع انه السوالف حلال . وابقولتس بعد ان جوال ابوكاميرا اذا استدمتيه لشئ طيب يكون حلال عليتس وأذا استخدمتيه لشئ سئ يكون حرام عليتس . والانترنت بعد كذا اذا استخدمتيه لشئ سئ يكون حرام عليتس واذا استخدمتيه لفوائد يكون حلال عليتس
لأن الشئ على حسب الاستخدام
وياليت تبعدين صورة الطفل العريان المقززه اللي انتي حاطتها . بما انك حرمتي جوالات التصوير .. وشو التناقض اللي تعيشيه انتي