أألگلَبِ حَتىْ و هُوَ رَمْز أألنَجَأأسَهَ فيِ ذمتيٌ عِندْ بَعضْ أألمخَأأليِقٌ يَكرمْ

[صرقعة جيل]

ادرى انى بنت عز وتميميه
.............. والثقه من فضل ربي تاج راسي

من ارض بريده شي فيــه
.............. الشموخ اللى مخليهم رواسي

وارثه من ربعى النفس الابيه
.............. والوفا من طبع ابوى وطبع ناسي

من هل الاحقاد ماوالله عليه
............... شامخة رغم التحدي ولمآسي

ما دخلت النت ادور للحمية
.............. او ادور من يحن ومن يواسي

وما ادور لاحبيــــــب ولا خويه
.............. الشرف سترى وثوبي مع لباسي

والعلوم الناقصه ماهيب ليــــه
............ كاسها من فضل ربي غير كاسي

جيت من دافع غلا نجد العذية
.............. والتراث وحبه الشي الاساسي

القناعه هى غنى النفس الغنيه
............. وكبريائى منبعه من طيب ساسي

بس ياللى تستغل انى بنيــــــــه
............ انتبــــه ماودى تطيح متــــواسي

اعرف انى غير عن هاذي وذيه
............ لو تجى بابيه عاملًي سياسي

لا تدور عندى اية نرجسيــــه
............ لو بحلم الليل من بعـــد النعاسي

ويوم اغض الطرف عن بعض الاذيه
............ في طروحاتى وفي بعض اقتباسي

مانقص منى كبير ولا شويه
........... لو حذف نزفي ولو يقلع غراسي

التزم بالصمت كله طيب نيه
............. ما ابي كثر السوالف والحســــــاسي

والا انا على قناعاتى قـــويه
........... واعرف انى صعبه وصعب ٍ مراسي

واعرف انى صح ماجبت الخطيـــه
......... واتحدى الاصمعي وابو نواسي

ما ابي منهم كثير ولا بليــــه
........ ما ابي منصب ولا موقع رئاسي

جيت من دافع غلا نجد العذية
........ والتراث وحبه الشي الاساسي

القناعه هى غنى النفس الغنيه
......... وكبريائى منبعه من طيب ساسي