الرجل المناسب في المكان المناسب هل تطبق هده المعايير بأداراتنا

[لبيه]

اقتباس:  المشاركة الأصلية كتبت بواسطة منازع     اخي اتق ربك مع الأسف الشديداعتقد انك معدوم الأنسانيه والوطنيه يعني اكثر من5000 مواطن وهولاء غير صالحين انا لست موظف بالصحه لكنني احمل هم مواطن اسعى الى توطين المهنه وحل مشاكل فئه من المجتمع وتطويرها وتثقيفها بدلا من هدمها وافشاء الفساد وزعزة استقرارها والتقليل من قيمها بخلق المشاكل فيها وتسربها الى اعمال اداريه بعيده عن اهداف المهنه ارجو ان تسمو بمداخلاتك لنعالج قضايا مجتمعنا بعمق ونضع النقاط على الحروف اللنبه المسؤلين لخطر قادم الان هؤلاء هم لبنه من لبنات المجتمع يجب ان نهتم بهاونرعاها لنجني ثمارها ولهم جهد كبير في تنميه وتطير االقطاع الصحي شأنا ام ابينا وشكر لك على مداخلتك

لوقلت كل الخمسة الاف كان صح معدوم الانسانية انا ما عممت وانا مثلك احمل هم مواطن وانادي بتوطين المهنة لكن هات ناس تقدر المهنة ترى مهنة التمريض ماهي اي مهنه ومايدخلها اللي بوه ومابوه ولاتزعل من مداخلتي انا مثلك مواطن واطرح رأيي بدون بهارات اقول لك ان واقع التمريض السعودي لك عليه ويكفي انك تروح لاي مستشفى ببريدة تلقى واحد من عشره زين ويقوم بواجبه بمهنية واحترافيه والباقي ما تقدر تقول انهم تمام واسأل ادارة التمريض بطريقك الخاصه والله يجيك احباط منب قايل من السوء لكن مع الرأفة مايقومون بواجب مهنة التمريض النوعية كما يجب

وعلى فطنه تذكرت اسامي اثنين من الممرضين الي اشرت لهم بمداخلتي الاوله والي الحقيقه اعتبرهم من المتميزين بمركز غسيل الكلى بمستشفى بريدة المركزي والي يستاهلون اوسمة من امير المنطقة ومن مدير الصحة بالقصيم نظير تفانيهم واخلاصهم هالاثنين واحد شاب اسمر اسمه الفهيد نسيت اسمه الاول والثاني البليهي واعتقد اسمه صالح الله يبيض وجيههم على موقف شفتهم فيه وعيو يروحون عن بالي وادعيلهم كل ماذكرت شغلهم بالشيبان والمرضى ومتأكد ان عندنا مثلهم لكن محد شايفهم لانهم مايترززون ويحطون جل بشعورهم واخذين الاسياب سردي مردي وكل يوم بالين الادارة شكاوي وخربطه