أمير الكويت يأمر بصرف 1000 دينار لكل مواطن وتموين مجاني لمدة عام

[القلم الصريح]

ثوب العيره مايدفي ياكحيلان وان كان دفا مايدوم واللي مايتسنع من راتبه وعرق جبينه ماتنفعه مكرمات ودفدفه تقول ونيت متعلق بعقم سرقان اراضي .

[نجداوي]

1000 دينار = 12 الف ريال

1 دينار = 12 ريال

الحكوميه الكويتيه متوهقه بالدمغراطيه

يوميآ مد وجزر مع مجلس الامه والديوانيات والمعارضين للحكومه

وايضا عندهم سالفه اجتماعيه مسببه ربكه

الي هي العوائل داخل السور والعوائل خارج السور

الكويت سابقا كانت مسوره او محاطه بجدار على الديره

وصار فيه ناس اصيلين والعكس زي العنصريه عندنا

وكل هالامور داخليه ولاتذاع بالاخبار

يمكن علشان هالسبب دفعت الحكومه هالمعونات ك جانب تسكيت

شكرآ لك فتى

[قروي فاهم]

يستاهلون عليهم بالعافيه .

[بـنـدر]

اقتباس:  المشاركة الأصلية كتبت بواسطة صاحب الفكر     ما يقصر ابو متعب وابو خالد وعسى الله يعا فيهم ويخليهم لنا وهمهم الشاغل اسعا د المو اطنين

سيرتون لا تتو لا تت لا تتوا لا تتوقف ألا وقد حققت للأمة آمالها في الوحدة والعزة والرخاء وما ذلك على قدرة العلي القدير ثم على عزائم الرجال والمؤمنين بالعزيز والسلام عليكم ورحمة الله وبركاته ، تششششششششش << ناس يصفقون !!!

[لعيون دودي]

من عرفنا اهل الكويت وهم بعز... ماشاء الله تبارك الله
بس يرجع ابو متعب باذن الله بتشفون خير "تفاؤلوا"عاد "
مصادر لعيون دودي الاميريه المقربه قالو لها والعهده عليهم

[نواهل]

ياليت يصرف مكرمه لربات البيوت اللي البعض منهن تشحذ من زوجها وبعض الأزواج ما يعطيها وجه وإذا نزلها إلى السوق مئة وإلا مئتين وش تسوي هذه ولا شي ؟؟

[أخفي غلاتك]

يلا تستاهلون آلمكرمهـ جايتكم بالطريق ~

إجازة يوم واحد لكل الدوائر الحكوميهـ و أجحدوهاا لين 10 سنوات قدآم

تع‘َـِيش المملكهـ السع‘َـِوديهـ و تعيش العطالهـ و يعيش الخير اللي فيهاا

يع‘َـِيش يعيش يعيش

[سمر العبدالله]

يستاهلون وعقبالنا .

[الحبيبـــة]

الذيب مايهرول عبث

وبعدين شعب مدلل ومدلع مرفه,,,,
وان شاء مانصير مثلهم
مهوب مثل الشعب السعودي عصامي ولا يلتفت لها الأشياء اهم شئ سلامة حبيب الشعب ...ابو متعب

[Modern]

.




وش انتي يالكويت!
13 الف عاد !!
والله فشيله لو كنت مكان امير الكويت اقول مكرمه لكم كل واحد على 13 الف!

سمعت < ركزوا سمعت
ان الحكومه السعودية تعكف على اعداد خطه تاريخيه لضخ بضعه مليارات لحسابات الشعب السعودي

السعودية لو اعطت كل مواطن سعودي من الشرق للغرب ومن الشمال للجنوب
لو اعطت كل فرد 1000000 (مليون ريال)
راح يتبقى من فائض الميزانية الاخيرة ثمانين مليار وخمسمية مليون بس !

بس اتوقع لو حصل بيوصل سعر طبق البيض 250 ريال



888

هالكلام وجبة دسمه لأصحاب البرودكاست عالبي بي !


ممكن صحيح اللي سمعت ماندري؟








.

[الأرجوانه]

ههههههه يعني كل ذا خوف من شعبهم
خايفين يجيهم مثل ماجاء تونس وبالطريق مصر

[آبو بتال]

اقتباس:المشاركة الأصلية كتبت بواسطة الأرجوانه ههههههه يعني كل ذا خوف من شعبهم
خايفين يجيهم مثل ماجاء تونس وبالطريق مصر


أي والله
الله يستر على المسلمين

[رناالريان]

ان شاءالله جاينا الخير مع ابو متعب