ܔْށ ܔْށܔْށ جــداريـــات Qassimyܔْށܔْށܔْށ

[Qassimy]

,
,

العــطر واحد
بس الأذواق أشكال!!
:
لا ارغب التعدد في العطور أحب حاجة تميزني وتخصني عن غيري
في الدوام كانوا يعرفوني من ريحة عطري أثناء هروبي من المدرسة
ومن ثم استقلت من الدوام.. فعطري يفضحني كثيرا ..
.
أذكر مرة دخلت الإستراحة بتابع مباراة مافيه أحد ..جلست شوي أنتظر ماجاء أحد من الشلة
وبحكم أن الوقت متأخر أخذت الكرت معاي للبيت عشان أشاهد بقيت المباراة..
وبعد ربع ساعة اتصل علي راكان من الإستراحة قال وينك
قلت بالبيت ويني يعني ..ماتشوف الوقت متأخر وين بكون بالبيت..!!
قال طيب وين الكرت بلحق على الشوط الثاني قلت أي كرت..
أصلا ماجيت للإستراحة نهائيا..
قال : اعقل ودورغيرها ريحة عطرك للحين منتشرة وتفاوح
.
أكره ما أشوف واحد يسألني عن اسم عطري يعني أهون علي لو يسألني
عن راتبي رصيدي عمري اسم امي ولا اسم جدتي ياسمين
لكن يسألني عن عطري ما أحب أجاوبه نهائيا..
صحيح تنبسط إن أحد معجب بعطرك وبذوقك..لكن ماتحب أحد يشاركك في رائحته..
.
أذكر مرة طالع مشوار وقفت أصلي على الطريق ..
طلعت من المسجد وركبت السيارة وإذا اللي صاف بجنبي بالصلاة لاحقني ويطق القزازة
فتحت له السلام رديت السلام عليه... قال والله إني مستحي منك..
قلت ليش متعطل تبيني أوصلك تفضل وش أبركها من ساعة..
قال لا والله ماتقصر بس حاب أسألك عن اسم عطرك
استحيت منه وعطيته العلبة وماتبقى فيها من العطر..
قلت بنفسي مافيه مشكلة مو من محيطي ومجتمعي يعني ماراح ينافسني على ريحته
.
مرة أنا وصديقي بجدة وحنا بالسكن ما غير يلاحقني أقوم يقوم أجلس يجلس أروح للمطبخ يلحقني
أقوم أغسل ووراي مابقى الا يدخل معي بـ Bathroom
يقول ياليت تعطيني اسم هالعطر وربي ذا العطر اللي فيك يخليني أفقد السيطرة على نفسي ..
ضياع لا يقاوم أبداً.. يعني بالعربي يبعثر الأفكار ويسبب الإنفجار..
قلت عسى الله يفجر كرشتك قل امين..
أقول والله لو أشوفك بسكرات الموت ماعلمتك اسمه..
لكن اسمع عطني سجادتك أعطرها عشان تقوم تروكع وتتهجد
كل الليل وأكسب فيه ثواب.. بدل ماتلاحقني
:
:
فاهتموا بالريحة الجميلة الطيبة أثناء شرائك للعطور
ولاتهتم كثير بالجديد والا القديم