| مشبّ المجلس |

[سلفـsilverـر]

صبحكم الله بالخير ..
طاحت عيني على الموضوع بالصفحة الرئيسية .. وشدني العنوان ..
اخذت لفه سريعة على الردود .. تبين لي انه متنفس اسبوع زمن وراح يلقى حتفه هالموضوع !

لكن مايمنع نشاركـ

بنطلع عن جو المشبات .. وتكون الشبة بالنفود

وهنا المكان من بعيـد


وهنا شبة النار من قريب


اشب ناري من مراميث ورطاه
والربع حولي والدلال المباهيـر


ونجيب زنجبيل مع دراسين لعيون ابوشهـد

[الـــفـــ@ــــد]

الفطور علي اليوم بعد اذن ديم
سمو الله يحييكم
جلوي عليه الزنجبيل

[الفتى السمنسي]

مادري ليش اليوم مشتهي قرص رمل أو قرص مله وخصوصا إذا كان مخلوط بعسل اصلي ومعه حنيني اللي قرصانه من الحنطه الأصلي ومعه سمنه وليمونه . هالثنائي مدمن عليهن بالشتاء إقلطوا الله يحييكم على قل الكلافه :




وهذا طبق الحنيني وكل عضو وعضوه يأخذ رفعه وحده من الحنيني ويغطها بالسمن ويتوكل على الله يفتح المجال لغيره :

[الفتى السمنسي]

ادعو الله إن الأمطار تكون امطار خير وبركه نافعا غير ضار ..الجو اليوم ببريده خيااااااااااااااااااال وانحرمت من نومة الظهر لأول مره ورحنا لعسيلان وبصراحة قمة الفوضى والمرور ماحولك احد والشباب تقطيع إشارات ونط ارصفه كأن فيه توزيع منح واراضي وزوجات بعسيلان .



على فكره ترى (الوسم) باقي عليه ويطلع سبعة أيام فقط من الآن ثم تدخل( المربعانية) وتجلس تسع وثلاثين يوم وبعدها يدخل (الشبط مقطع الربط) ويجلس حوالي ست وعشرين يوم ثم تدخل العقارب وهي حوالي تسع وثلاثين يوم مقسمه على ثلاث طعش يوم ...
الأول العقرب (السم) (13) يوم ثم عقرب (الدم) ثلاث طعش يوم ثم عقرب الدسم (13) يوم ثم يدخل نجم (الحميمين) وبعده يجيكم الصيف وبعده طباخ التمر واللون .
والله حاله قاعدن لحالي بالمشب واسولف على روحي وتاركن الشله واوناسه وفلة الحجاج واثر ماعندكم هنا غير الجوع والبرد

[دِيم]

اقتباس:  المشاركة الأصلية كتبت بواسطة الفتى السمنسي     ادعو الله إن الأمطار تكون امطار خير وبركه نافعا غير ضار ..الجو اليوم ببريده خيااااااااااااااااااال وانحرمت من نومة الظهر لأول مره ورحنا لعسيلان وبصراحة قمة الفوضى والمرور ماحولك احد والشباب تقطيع إشارات ونط ارصفه كأن فيه توزيع منح واراضي وزوجات بعسيلان . على فكره ترى (الوسم) باقي عليه ويطلع سبعة أيام فقط من الآن ثم تدخل( المربعانية) وتجلس تسع وثلاثين يوم وبعدها يدخل (الشبط مقطع الربط) ويجلس حوالي ست وعشرين يوم ثم تدخل العقارب وهي حوالي تسع وثلاثين يوم مقسمه على ثلاث طعش يوم ... الأول العقرب (السم) (13) يوم ثم عقرب (الدم) ثلاث طعش يوم ثم عقرب الدسم (13) يوم ثم يدخل نجم (الحميمين) وبعده يجيكم الصيف وبعده طباخ التمر واللون . والله حاله قاعدن لحالي بالمشب واسولف على روحي وتاركن الشله واوناسه وفلة الحجاج واثر ماعندكم هنا غير الجوع والبرد

مطرنا بفضل الله ورحمته ..

،


الحمدلله الذي بنعمته تتم الصالحات ..
والحمدلله اللي أمطرت قبل يطلع الوسم ..
تنتفع الأرض بهالمطر لو إنه غشنات ..

[الـــفـــ@ــــد]

اقتباس:  المشاركة الأصلية كتبت بواسطة دِيم     مطرنا بفضل الله ورحمته .. ، الحمدلله الذي بنعمته تتم الصالحات .. والحمدلله اللي أمطرت قبل يطلع الوسم .. تنتفع الأرض بهالمطر لو إنه غشنات ..

ابشرك المطر ديم يا ديم وعام من حائل شمال حتى عفيف جنوب ومن الزلفي شرق الى البتراء غرب ومو غشنات

الله يطرح البركه