متى تنتهي هذه الظاهرة في بريدة

[خالد التويجري]

بارك الله فيك اخوي البرو وشكرن لك على هالطرح الجميل
(احرقت علي ورقه كنت اعدها لانزالها بالمنتدى) حلال عليك السبق .
الحقيقه ظاهره ممقوته وسيئه ولا يمكن ننسبها لملتزم لانها ليست من اخلاق الاسلام .
في احد المرات و بالصدفه شاهدت احد الشباب يطمس وجه صوره في لوحه اعلانيه (قلت لنفسي جاك يامهنا ماتمنى) مسكت الشاب وبقوه حاول انه يهرب لكن الحمد لله ماقدر وطمنته وقلت له ابناقشك عن هالموضوع واخليك تروح اهلك.
الحقيقه يأخوان كان رده ابيخ من فعله (مجازاً) قال فاضي ماعندي شغل وقاعد ادور في الشوارع و اطمس على الصور .
قلت له ليش ماتطمس الا الصور ليش ماتطمس الاعلان حتى لما يكون بدون صور .
قال على شان يحسبون الناس اللي مسوي كذا المطاوعه و لا احد يشك بي .
قلت له حرام يأخي ليش تورط غيرك .
قال مادري .(النقاش كان طويل معه لكن هذي الزبده )
اخذته لبيتهم ولا تركته الا بعد ماتكلمت مع ابوه بالموضوع وشرحت له اللي صار . (رضي ان يأخذني للبيت بعدما هددته بالشرطه ).