[align=center]بسم الله الرحمن الرحيم
السلام عليكم ورحمة الله وبركاته
في البدايه انا اخترت راي البنات في موضوعي هذا لان سالفتي عن بنوته مثلكم !!!
انا بقولكم السالفه وابغاء رايكم بصدق عن المكتوب ؟
بختصر السالفه وبحاول اعطيكم الزبده /
انا كنت عايش مع اهلي وبين خواتي الاربع ، المهم اني اضطريت اطلع عن اهلي وهذا بسبب انه جاني عمل في الرياض ، انقطعت عن خواتي او بالاصح صرت ما اجي لهم الا كل شهر وحيانن كل اسبوعين وعلى حسب الضروف الي انا فيها ، مع اني كنت في اتصال دائم معهم واخذ اخبارهم ، عندي اخت اسمها ساره ،
هذي اختي ساره الحين هي نجحت لثالث متوسط ، اختي ساره هذي كانت تدق علي كثير وانا كثير اتجاهلها بسبب انها صغيره وما تعودت اني اسولف معها كثير ، مع اني مو مخليها محتاجه شي ومشتريلها جوال من يوم هي صغيره ابغها تحس انها مدلعه ، المهم انا جاني نقل ورجعت عند اهلي ولما صرت اجلس مع خواتي بعد غيبه دامت سنه ونص او سنتين من الاهمال ،
مره وانا جالس في غرفتي وجاي البيت متأخر ... واذا بأختي ساره تطق الباب علي بالغرفه مع انها مو من عادتها ، قمت وفتحت الباب وقالتلي ممكن اجلس معك بقولك كلام !!!
انا بصراحه استغربت وحقرت الموقف بصفتي متعود انها بنت صغيره وتوها على هالحركات ،
دخلتها وقلت وش عندك !!!
قالت انت ليش مو معطيني وجه ؟
وليش ماقد جلست معي وحاولت تعرف افكاري ؟
ليش ما تحاول تفهم انا وش احب وش اكره وش محتاجه وش اتمنى ؟؟؟؟
ياربي انا قلت في نفسي وش علمها ذي البزره هالكلام غير المسلسلات الكويتيه ...
انا على طول قلتلها وبصيغت هواش انا ما قصرت معك في شي ومدلعك من وانتي صغيره واي شي تبينه اشتريه دون تردد .. يكفي اني واثق فيك ومعطيك جوال مع ان الي في عمرك ما معهم شي ..
قالت طيب تدري اني انا اكتب ((( خواطر ))) ؟!؟
قلت لا والله مدري وشي الخواطر ابشرك !
قالت ليش ما فكرت تقراء خواطري وتقولي رايك فيها ... قلت انا ما احب كذا وبعدين انتي من مته تكتبين ؟
قالت من فتره بسيطه ... قلت طيب بحاول اقراها اذا فضيت والحين لو سمحتي قومي نامي .
المهم اني اخذت الدفتر الي فيه بعض من خواطرها على قولها ولما قريتها انقهرت شوي من المكتوب لانه كلام غريب وبعضه يضحك والي قهرني صدق ان المكتوب اغلبه حزن وبعضه ما فهمته لاني ما اعرف في هالاشياء !
انا بنقلكم نص المكتوب بالدفتر ولو سمحتو عطوني رايكم وملاحظاتكم ونصايحكم عشان ابي اعرف هل اوقفها عن هالاشياء في هالعمر او ادعمها واشجعها او ....... الخ ؟
اليكم احبتي ما كتب في دفتر ساره ، بس على فكره بعض الكلام في اخطاء بالاملاء عشان كذا بنقلكم نص المكتوب وانتم عليكم القراءه والتركيب .
مكتوب في اول صفحه من الدفتر :
الخط لم يكن جميل لانه تعبير طلقه ، ولا استطيع ارتبه من السرعه
بعدين الصفحه الثانيه :
وقفه في عالمي عالم الحزن والالم وقفت في عالمي يسمى عالم العشق وقفه في عشق لانهايه له نهايه كاذبه واهاته جارحه وفي كلماته العذبه ثم انهيتها عشق فاشل لا اشعر فيها بحس العالم الذي امامي قد كنت خلفهم وقفت في كذبه وهاهي قصتي ... !!
قصتي ....؟!!
بعدين في الصفحه الثالثه :
أخ علي من يكون يتمياً لقد عذبته الايام ونحرته الاحلام من يداوي جروحه ومن يسمع اهاته ومن يقراء عبراته ومن يسمع دموعه وهذه مشاعره تجاه الاخرين لقد عاش ايام كان لايذكر معنا لان قوته لاتعزمه على عزمه ليسمعا ويتذكرها لقد مرت عليه ذكريات جميله ومفاجأه عديده ومشاعر جارحه يا الاهي كم حاله تجرح قلوبنا
يتيمكم ....؟!!
للاحاطه : مادري منهو علي الي تقصد بس ترا ابوي اسمه علي الظاهر انها تقصده وانتم ابخص لانه مافي غيرهالصفحه الرابعه :
قد ذكرنا مثال هو الصداقه مشوار العمر ولقد عزمت على عنواني ان يكون الصداقه ان الصداقه كنز لا يفنى ان الصداقه اجمل شي عاشرته في حياتي ولقد كتب قلمي اجمل مافي حياتي عن صداقتي بين الطالبات والاشخاص لان صداقتي عديل روحي وسر سعادتي
الصداقه ...؟!!
الصفحه الخامسه :
كم جميل تعلم العلم وكم جميل قلم بالعالم وتشجعوا على العلم وتنافسوا عليه فالعلم مفتاح الكتاب تعلمت كثيراً من العلوم والمعارف والفن كل شي اشرق في حياتنا العلم وغرب منه الجيل والاحساس غريب ومشاعر جميله فتحت علمي واحببت قلمي وكتابي ...؟!!
علمي .....؟!!
الصفحه السادسه :
هاهي الحياه تمر من زواج ومن ولاده ومن طلاق وهاهي تشرف علينا في كل الايام نبدأ باليوم ونسهي بعده ثم تمر ايامنا واوقات جميله لاتنسى واحياناً يظهر الهم والحزن ولكن مفتاح الحياه الصبر انا الله مع الصابرين حياتنا لقد هديت لنا هديه جميله حياة دمعه جميله وفرحه كبيره تمسح منها الدمعه ويكبر الفرح بها كم جميل ان نصارع حياتنا ونتعا نفسها بحب وسلام واخا ومحبه وصداقه واربطه واجتماع ونهايتها رويايتنا الجيله
حياتنا ....؟!!
الصفحه السابعه :
بداة صفحتي وفتحت قلمي واخذت اكتب عن نفسي وحياتي وغيرها لقد عشت مع اهلي بجميع عناصر السعاده وجميع دمعات الفرح لقد اسكن في قلوبهم واسكن في افراحهم اعيادهم لقد عشت معهم بأجمل مشاعر جميله لقد يفرحني لو نجحت ويذعون في سعادتي وتوفقي لقد عشت في المدرسه ايام جميله ولكن لم اجتهد في دروسي كثيراً ولاكن كنت اعلم لقد كانت امي حنونه علي وابي يسعى لفرحتي وراحتي لقد عشت معهم فافهمت السعاده وفهمت الفرح احببت اجتماعات اهلي واقاربي وغيرهم ولكف المهم اني سعيده ولكن احياناً لابد من الهموم والغموم والفرح والسعاده لقد لايمكنني شرحها في دفتري من قمت السعاده ولكن اكتبها في قلمي لقد شميت الازهاراً ريحتها غريبه ومن قمة السعاده وقطعنها الاعيش احلامي الجميله واهاتي الجارحه ولكني لم ازل اشرح سعادتي ولكن لا استطيع اكتب من مافي قلبي من قمة السعاده التي اعيشها
احبكم اهلي ...؟!!
الصفحه الثامنه :
بدأت احكي والقلب ملهوف من كثر الحزن والهم صرنا انا والحزن اخوان صرت والهم اصحاب قلبي تعب من كثر صبري وعذابي تعب قلبي وانا صابره واقول اليوم يتغير وهذا انا تعبت من كثر احزاني وصار القلب ثقيل من كثر الحزن والهم حرت على روحي ومشاعري تعبت من الاهات والاحزان لكن هذي الدنيا على كل حالي الحزن دايم والفرح بس لحظات
احكي ....؟!!
الصفحه التاسعه والاخيره والغريبه :
مرت علينا ايام جميله حياة غريبه تجرها الافكار وهانا اكتب عن مشاعري واحساسي في دفتري لقد شجعتني موهبتي على الكتابه وارابط الكلامات وتمعنى ساعة هدؤ لاكتب عن حياتنا الجميله عالم غريب عالم متكامل لقد كتب عن اجمل حكايات صارعتها في حياتي واجمل دمعات نزلت على خدودي واجمل ضحكات في حياتي لقد شجعني في موهبتي لأحد غيرها معي عناوين كثيره ومشاعر غريبه احببتها من كل جانب وانوار هادئه من كل ظلم نتعلم عن حياتنا وتشرق حياه جديده لا مفتاح ولاباب لها نبدأ يومنا وننتهي يومنا اخر وانا اصارع واكتب صفحاتي واطوي صفحه اخرى وابدا بالصفحه واطوي اخرى وانا اكتب عن حياتي واحساسي ان قلبي لا يجرني وافكاري تذهبي الى عالمي عالم المشاعر مسكت قلمي ......
الكلام في الصفحات المقبله
انتها دفتر اختي ساره
عاد بالله عليكم وربي ما فهمت شي من المكتوب وما ادري وش نوع المكتوب او اافكار الي تدور حوله ؟
مافي وحده قد مرة في هالاشياء ..... اب رايكم وش ذا ؟
فــــــــــــ الميدان ــــــــــارس[/align]
[/align]
[/align]
العرض العادي
