اهـلابـكم بالمقـهى الرمضـاني للحـوار المفتــوح !!

[راشد الصليحان]

اقتباس:  المشاركة الأصلية كتبت بواسطة لمبة شارع     مابال اشاعة (تدبيل الراتب) تتفاقم كل يوم بشكل متزايد منذ خمسة ايام في سوريا صدر مرسوم رئاسي بداية رمضان بصرف 50 بالمائة من الراتب لهذا الشهر لجميع موظفي الدولة... وان شاء الله ابو متعب يبي (يشيل ماركت) وينسب الراتب في الثواني الاخيرة... ............................................

زي ماقلت إشاااااعة !!

انا اكره الإشاعااااات !!

[لمبة شارع]

على بال مايجي احد ..ابقعد هنا لحالي اهمق على نفسي....


امس اللي هو الخميس ...(تفاقمت) اشاعة الراتب المدبل علها اشاعة خير وبركة وعم بخيرها ارجاء الشعب..امين

قال لي احد اصدقاء السوء من (نافخي الكير )على طريقة اخينا العضو (اقلاع حتى الضياع) ... اقول قال لي انه لو سلمنا بصحة الاشاعة وتوزيع المنحة على اساس الراتب فإن تلك قسمة ضيزى!!! ... قلت : لماذا : قال ان التقسيم على اساس الرواتب مناف للعدل فالرواتب تتفاوت بشكل كبير رغم ان الناس سواسية امام الملك وحقهم في المال العام(ان كان هناك حق) حقهم متساوي .. والتقسيم على اساس رواتبهم يعني النظر على اساس وظائفهم بالدولة ولا يعني النظر على اساس سعوديتهم مواطنتهم...قلت: ان الناس كلها ستستفيد الموظف وغيره ..ولذلك في النهاية ستطال المنحة الجميع ... قال: هذا كلام فاضي (يعني كلامي وليس الاشاعة المجيدة ) لان الناس ستصل الاموال (ان شاء الله) الى جيوبهم متفاوته وفي ذلك تمييز على اساس الوظيفة والمرتبة والدرجة والكادر وهذه الفروق العنصرية التي ما انزلت المواطنة المتساوية بها من سلطان...

قلت والله صدقت يا نافخ الكير!!

قال : وهذا من نفخ الكير لعله يثور دخانه فيتقد فتصير الاشاعة نارا تضيء لنا جيوبنا المعتمة .....



.................................

[بسمة الغد]

[align=center]

مقهي للحوار المفتوح ..
أيّ لا يوجد إلتزام بشيء معين ..
وأي أنه لا يأتي أحدهم (( يخطم )) ويقول (( داخلة عرض )) ..

فـِ هو أتينا أمْ ذهبنا -- مقهى --

لذلك وددتُ إلقاء التحية ..
وصباحكم جميل ..
وصباحكم -- أنا --



[/align]

[الذاهبة]

ياهلا يا هلا ياهلا

بسمة الغد حضرت

ياسلام ياسلام


نورتي ..!







البارحة .. أول ليلة أروح أصلي بالمسجد ..

بصراحة ..

حسيت إني في مقهى راشد الصليحاني

لا والله المقهى على الأقل كله ناس كبار و فاهمة ..

حسيت إني .. إني .. في حديقة البرج

وااااااااااااااع ههههههههههه



المهم

ماهذا ..! ليش المسجد كله بزارن ليه !!!

و يتضاربون بعد !

وحدة جت مصموخة على راسها ..

ضربها ولد .. بــ خشبة ..

في المسجد يا ولد !!




غريبة و الله غريبة جهل و تخلف و غياء ولا مبالاة ,, وش هالأمهات !!


ياناس في كنائس اليهود و هم يهود .. و النصارى ..

إذا دخلوا كنائسهم أنواااااااااااااااااااع الإنصات و الهدوووووء و الإحترام

وهم يروحون يقابلون بابا أخرق .. عشان يطهرهم من ذنوبهم بزعمهم .. !


و حنا في مساجدنا بيوت الله

انواع الأكل و الهواشات و الصياح .. و اللي ساهية تفكر بالسحور ,، و اللي توها طالعة من المطبخ ريحة زحمة و بصل

وين القنوت .. وين الخشوع .. وين احترام القرآن و المسجد و الصلاة ..

وين هيبة الوقوف بين يدي الله ..



وربي إن صلاتي في بيتي أرحم !

[فور يو]

الشرهه يالذاهبه مو عليهن , الشرهه على ارجالهن الدلوخ الإمعات اللي يخلونهن يروحن للمسجد ابزارينهن

المزعجين بأكلهم وحليبهم ...

المره اللي عندها مبزره مزعجين تجلس في بيتها تصلي يمكن آجر لها من انها تروح وتزعج خلق الله ,

هذا يركض وهذا يضرب هذا وهذا يصارخ , وهذا يصيح , وهذا ما ادري وش سالفته ..

[بسمة الغد]

[align=center]

يا هلا وغلا بـِ الذاهبة ..

من ز ماااااااان ما كتبت هذا الإسم .. عاد وربي لك وحشة إنت ووجهك ..
بجد بجد أتكلم مع إني لقاءاتي الحرفية معك قليلة ..

لكنْ الحق يقال -- إنت ِ شــــيء وبس --


بسم معليش اسمحي لي ودي أضحك وبقوة على المقتبس أدناه ..

اقتباس:  المشاركة الأصلية كتبت بواسطة الذاهبة     و اللي ساهية تفكر بالسحور ,،

وربي قاعدة اتخيل المنظر ..

الله يوسع صدرك بالعافية يا شيخة .. قولي آمين ..




[/align]

[الذاهبة]

فور يو

قد يكون الرجل مشغول أو طالع أو مايدري ..

و اعتقد أن الأغلب كذا

يعني متكل على الله ثم على عقال البيت ( المره )

بس أنا مادري هي ما تتفشل من حركات بزارينها و إزعاجهم على قولتك للخلق ؟!

نفسي تشاركنا هنا بالحوار .. ( أم ) لأحد أطفال المساجد أصحاب العروض الليلية الممتعة

ودي اعرف وش وجهة نظرها بالموضوع .. و كيف تدافع عن نفسها ..



****


مرحبا بسمة الغد ..

تقولين إلتقاء حرفينا قليل جداً ..

تعرفين ليه ..؟

لأني إذا شفت ( رد ) لــ ( بسمة الغد ) .. أعتبر نفسي راده خلاص ..

طبعاً مع إختلاف الصياغة و دقة الكلمة و فصاحتها


الله يرحم حال لغتي


بس المهم .. نلتقي بقلوبنا ..

بسمة الغد أنا أحبك

أحبك لاكن ماقدر أتزوجك !!!!!

كاااااااك !

<<<<< من النوع اللي يحفظ العناوين ..




شكراً للدعوة .. و لك مثلها يا حبوبتي ..

[شمس الرياض]

هلااا بالجميع وصبحكم الله بالخير

تدرين يالذاهبه ولاهانو اخواني اللي معنا في المقهى

قبل كم يوم كنت بالمسجد وكان فيه اطفال المهم سببو ازعاج في الصلاه

وبعد مانتهينا من الصلاه الا وحده تقوم وتقول بعد اذنكم ياخواتي دقيقه من وقتكم بقول شي

والله ياهي قالت كلام ولكن كله موجه للامهات اللي معاهم اطفالهم

قالت سؤال بس هل فيه احد منكن قدر يصلي ويخشع في صلاته؟

هل فيه احد ماجاه صداع من ازعاج الاطفال؟

الا كلهم قالو صحيح كلامك والله انك صادقه

الا اللي معها اطفالها قالت ياختي هذا مو بيتك والله اذا جيناك اطردينا ويالله على الهوشه اللي صارت

تخيلي هوشه وفي مسجد

[:: ابعـاد ::]

لعب البزران والتكفخ يهون عند حركه سواها ولد اظنه ولد الذاهبه

كان الفاصل في المسجد بين الرجال والحريم شراع على سحاب

ويمسكه الولد ويمشي فيه ماوقفه الا بطرف الجدار

تخيلوا الموقف

[الذاهبة]

ماشاء الله عليها يا شمس الرياض

هذي المره جريئة .. يا حياتي اندبلت كبدها من الفوضى

قامت تهوش بــ طريقة لبقة

بس أم العيال بجيحة .. أتوقع أنها من الفشيلة قامت تلجلج

أكيد مو معترفة إنها غلطانة ..

جهل !!





يا أبعاد

إيه نعم هذا وليدي

واجينو واجينو شقي هو و قعاريطه

بس أصلا أنتن متحجبات و الجميع ( خاشع ) بالصلاة .. لا تقلقين ماحد انتبه

هه




بالمناسبة

في حريم أول ما تسلم على طوووووووووول تنزل غطاها على وجهها

ياكافي ! وش هالروعة !

ماتبي أحد يشوفها .. تخاف تنظل !

..

[لمبة شارع]

وجدت المقهى متراجعا الى اخر الشارع العام فدخلت لارفعه الى الصدارة ...هكذا !! بكل جرأة....

وبمناسبة التراويح والحديث عن ازعاج الاطفال ذوي الجينات القردية ابشركم انه تم اليوم افتتاح موسم الطرطعان الجديد في شارعنا هذا اليوم الجمعة ....

[نجم النعايم]

اقتباس:  المشاركة الأصلية كتبت بواسطة لمبة شارع     وجدت المقهى متراجعا الى اخر الشارع العام فدخلت لارفعه الى الصدارة ...هكذا !! بكل جرأة.... وبمناسبة التراويح والحديث عن ازعاج الاطفال ذوي الجينات القردية ابشركم انه تم اليوم افتتاح موسم الطرطعان الجديد في شارعنا هذا اليوم الجمعة ....

الله يرفع قدرك .........

حلوة ا"الاطفال ذوي الجينات القردية" .......... الله يغيننا على الطرطعان..... العام الماضي انحرق ثوبي من الطرطعان.... الله يستر هالسنة عاد شف وش بيحترق!!!!!!

وسلامتكم,,,,,,,,,

[السعودي]

[align=center][/align][align=center][/align]
[align=center]مشكلة الأطفال والازعاج الصراحة موسمية
وإن كنا فيما سبق أحد أبطالها ولكن ليس بالشكل الموجود الآن

فهم مزعجون داخل المسجد بكثرة تزلجهم قبل موسم البرد و سقوط الجليد
وكثرة أصواتهم وهتفاتهم بدون هدف حتى ولو كان تسللاً
وكثرة رمي القذائف المتفجرة " طرطعان " قريباً من ساحة المسجد
و ديدن جماعة المسجد .. انتبه فأنت على موعد مع " الفزة " فترقبها في أي " حزة "

فأذكر في العام الماضي ونظراً لكثرة أطفال الحي الذين يفوقون جماعة المسجد
فقد تم وضع حراس أمن على أبواب المسجد وداخله بلابس مميز وكأنه سيكيورتي

وفعلاً استتب الآمن والهدوء واستطعنا الصلاة بشكل هادي

فمثل هؤلاء الأطفال إن لم يخافوا من رادع فإنهم سيتمروا على إزعاجهم وإيذائهم للمصلين

فلذلك لو تم تعيين عرفاء من هؤلاء الأطفال يكتبون أسماء كل أحد يزعج في ورقة وتسليمها لإمام المسجد
ليتدبر الأمر بعد ذلك ولو اضطر لا ستدعاء أولياء أمورهم للحد من إزعاجهم

كذلك ممكن أن يكون للمدرسة دور ... فالأغلب أن هؤلاء الأطفال المزعجين هم طلاب ابتدائي
فيقوم مدير أو وكيل أو مرشد المدرسة بالتنبيه في الطابور الصباحي لهذا الأمر
وأنه تم تعيين طلاب من المدرسة سيقوم بإخبار الإدارة المدرسية عن أي تصرف
يؤذي المصلين من طلاب الحي وكل من سيصدر منه الإيذاء سوف يلقى الجزاء الرادع من الإدارة والتشهير به في الطابور الصباحي إن تكرر منه ذلك الأمر . [/align]

[الذاهبة]

ماشاء الله

(( السعودي ))

حضر !!

أهلا و سهلا


استاذ السعودي ..

العريف وراهم وراهم ..

ياويلي يتعقدون البزارين بعدين ..








ياراشد الصليحاني

وينك فشلتنا ..

مقهاك فاضي !!


هيا .. ابتدع لنا همقة نقزقز فيها ..

[بسمة الغد]

[align=center]

اقتباس:  المشاركة الأصلية كتبت بواسطة الذاهبة     مرحبا بسمة الغد .. تقولين إلتقاء حرفينا قليل جداً .. تعرفين ليه ..؟ لأني إذا شفت ( رد ) لــ ( بسمة الغد ) .. أعتبر نفسي راده خلاص ..

أموووت أنا بهالدبلوماسية الحلوة ..
الله يجعل مثواك في الجنة يا شيخة ..

اقتباس: بس المهم .. نلتقي بقلوبنا .. بسمة الغد أنا أحبك أحبك لاكن ماقدر أتزوجك !!!!! كاااااااك ! <<<<< من النوع اللي يحفظ العناوين ..

الله يقطع شرك ..

وربي ضحكت بصوت مع أني مالي نفس وربي .. زين محد حولي ..



[/align]