مــــــــــاذا فعلت بخطيبتي البارحـــــــــــــــــــــــــــــة

[بنت منيره]

تحمست
اول شئ عادي انه تنخطب البنت ويشوفها ولايتم بينهم شئ
سواء كان الرفض من البنت او الولد عادي نفس الشئ
اكيد ربي يبي يعوضها
وبعد يعووض العريس

الخاطب مو مجبور انه يدور اسلوب ووصل لهم الخبر يعتذر من ابو البنت بادب وبس
ثاني شئ كم بنت وبنت انفصلت عن خطيبها بعد سنين من الخطبه مو يوم وبعضهم بعد الملكه كلها ايام وتناس الخاطب ويرزقها ربي اللي ينسها
الله يرزقكم كلكم

[الــــــــهرم]

اقتباس:  المشاركة الأصلية كتبت بواسطة مشاغبة     مسكينه.. الله يصبرها..

صدقتي شعور لا يوصف

[الــــــــهرم]

اقتباس:  المشاركة الأصلية كتبت بواسطة صريح جد     اي والله انة مسكينة والله يصبرها الي طاحت في يدين ولد عم الهرم الحين موضوعك لة سنة كاملة وانتم تشاورون وتدورون لكم حل والبنت المسكينة تنتضر رد ابن عمك تبي حل عطن عنوانهم وانا اروح اخطبة لي وافككم من ها الاحراج الي انتم صنعتوة

هلا بالصريح

ننتظرك يا مُنقذ لعل ان تكون سعادتها على يديك

انا مستعد اخطبها لك ان كُنت بحق تُريد اخراجها من هذا

لكن بشرط عدم الشوفة

[الــــــــهرم]

اقتباس:  المشاركة الأصلية كتبت بواسطة صريح جد     ======================================== الحياة تعلمة هل حياتنا كلها سعادة واخبار مفرحة تمر على الانسان المصائب والمشاكل في حياتة ويتقبلها ويحزن وبعد فترة ينسا هذة المصيبة والحمدلله على نعمة النسيان

صدقت والله

[الــــــــهرم]

اقتباس:  المشاركة الأصلية كتبت بواسطة miss tala     السلام عليكم..تحيه طيبه.. ماشاء اللله تبارك الله انت وابن عمك على حرصكم على البنت ..وادراككم لحساسية الموضوع بالنسبه لها..صدقني لو وجد منكم الكثيرون كان تصير كل الزواجاات مجامله وتطييب خاطر.. ابارك لكم طيب اصلكم وكرم اخلاقكم ..وانشاء الله يرزقكم الله من اوسع ابوابه..ويباركلكم .. وبالنسبه للموضوع ..صحيح البنت ماراح يكون سهل الرد عليهاا.. بس مجرد قبولها بالنظره الشرعيه يعني اكيد عارفه الاحتمالات.. واعتقد فكرتك رائعه ولو ان فيها من الظلم لابن عمك.. الطريقه المعروفه انه يصصير بين الحريم وتنتهي على ماكتب الله نصيب وبعده مافيه كلام.. والله يكتب الللي فيه خير لكم .. .........تــــــــــــــــــــالا..........

وعليكم السلام ورحمة الله وبركاتة
مُداخلة رائعة واقتراح جميل
وشهادة اعتز بها كثيرآ

شكرآ لتواجك

[الــــــــهرم]

اقتباس:  المشاركة الأصلية كتبت بواسطة العليل     أهلا بك الهرم وموضوع جدير بالمناقشة حقيقة هي ستشعر بالحرج والجرح رغما عنها مهما كانت عاقلة أو واثقة لأنه شعور نفسي سيبغتها ! بيد أن الإيصال لابد منه ويبرر بأعذار مقنعه ويستر عما رأى ويكتمه وصدقن الحياة مودة ورحمة وكلنا لم نتزوج التي ارتحنا لها ومع مرور السنين الحمدلله حصلت المودة مع أنني أحببت قبلها أنثى بجنون 15سنة عشق وغرام لك ولقريبك التوفيق والسداد شكرا لقلمك

ما اروع اسلوبك وما اجمل مثداخلتك

اشكرك لتفهمك ما اعني

[الــــــــهرم]

اقتباس:  المشاركة الأصلية كتبت بواسطة engel     لعل البنت هي من وفق للخير باستخارة صديقك وتراجعه أقولها ليس لشيء لكن بسبب ضيق الدائرة التي ينظر منها معظم الشباب وأنا لا أقصد زميلك لكن للجميع ياليت يفكر كل شاب مالذي يريده من الزواج ، ستجد همومهم لا تتعدى أنوفهم ، نظره محدوده ضيقه . لو فكر أن هالبنت ستنصفه إذا الزمن ضامه ، وبتصبر على ضيق ذات اليد إذا ضيقت الدنيا عليه ، وبتطلع له ولد يخليه يعيش عمره مرتين عمره الفعلي ، وعمره بدعاء ولده فيأسس له بناء صالح يوصله للجنة . لكن للأسف تخيل هذا يرفضها لأنها كذا وكذا مع أنها ممن وفق للخير وأعرف رجل فيما يقال ملتزم وحقا تزوج وما اقتنع وطلق ، مع ان زوجته هذي أنجبت له ولد حفظ الكثير من الآيات القصار في سن سنة ونصف وحفظ في سن السنتين السور القصار فأجزم لو أنه أبقاها لحصل له خير كثير ، لكن ما وفق للخير وتزوج امرأة لم تنجب له . ياليت الرجل يفكر جيدا بمنظور الآخرة والجمع بينه وبين متاع الدنيا . ياليت زميلك يستخير مرة أخرى .. فوالله إنه لاستفزاز شيطان . أو عدم ثقة بأنه كفء لمثلها . أو أنها حقا لا تنفع . وكبر هو في وصفها بأكثر مما تستحق .. فليعد النظر للمعايير ز

الله لم يُشرع الطلاق إلا لحكمة هو يعلمها

لذا جعل الطلاق حل من الحلول
كذلك الاتفاق والراحة النفسية للخاطب هل كُل من خطب اُعطي او كُل من خُطبت تزوجت هناك موانع لها اسباب
ايماننا بالقسمة والنصيب من الدين
والتوكل امر الهي
وفعل الاسباب مطلب

اشكر تواجدك

[الــــــــهرم]

اقتباس:  المشاركة الأصلية كتبت بواسطة river of dreams     هذي هي المشكلة ,, التردد لو كان صاحبه صادق مع نفسه لما أقدم على هذه الخطوة أبدا ,, بشكل عام , الشخصية النرجسية التي ترى أنها غير ,, تجدها شخصية مترددة ,, ولايعني هذا الأمر أنها شخصية غير جادة بالعكس هي شخصية جادة لكنها تحتاج لشخصية أخرى أكثر منها نرجسية وكبر وإعجاب بالنفس فتتقزم أمام الضد وتعرف حجمها الحقيقي عندها ربما الاقدام على خطوة الزواج والارتباط الجدي بالنسبة له يصبح مقبول نفسيا ,, وإلا كيف تنتفي كل الأسباب ثم يتراجع بالنهاية وكأنها على قولة المصريين , لعب عياال الهرم صاحبك يحتاج لامرأة مشهورة وليس شرطا انها تكون جميلة , لأن (المغرور) لايرتاح مع من يتفوق عليه بالوسامة ولكنه قد يسمح لغيره أن يتفوق عليه بالشهرة لأن ارتباطه مع المشهور قد يرفع من قدره أكثر وأكثر حسب اعتقاده فيما يشبه التسلق على أكتاف الناجحين .. موفق ياحلو

غريب هذا التفكير
كيف حكمت علية بالغرور هل عاشرتة
او قيمُمتة من فعلة النبيل والذي من المفترض ان يكون الكحم عكس هذا

عجبآ الف

[ثمن الساعة]

الاخ الهرم

أنت تعرف ابن عمك وابن عمك يعرف نفسه أكثر منك وانا أتكلم بصفه عامه عن

شخصيه قد يكون ابن عمك منها فرضا وليس تأكيد

والتردد لا يكون الشخصية المهزوزة فقط بل حتى الشخصية المغرورة والمتكبرة والمتعالية

والتي مشكلتها أنها لا ترى خطاها وتري أنها كاملة ولا تسمع النصح من الغير لأنه يرى أنهم دون منها

وهي الأعلى فهو لا يتعلم إلا من غلطه وهذه الشخصية لا تناسبها إلا شخصيه مثلها مغرورة ومتكبرة

ونرجسيه

قد يكون ابن عمك منهم وليس تأكيد لذلك يجب أن يطور من ذاته

وأنت تقول يكفي انه حاس في الفتاة لكي نقول انه شخص أحسن التصرف

وهل يكفي الأسف بعد الجرح مشاعر وهل يكفي الدواء عن الوقاية

بل تصلح الأساس والمشكلة الأولى

وأنا لا أرى انه يصلح لهذه الفتاة كزوج أبدا لذلك أنا أتكلم عن الشاب والمشكلة فقط وليس اقول انه يجب عليه ان يتزوجها لاني ارى لا يناسب


شكرا دمتم بخير

.

[سَـاكنة القـلب]

[align=right]
أخي الكريم .. ابتهجت كثيراً لما رأيت حرصك الشديد على مشآعر الفتاة .. هذا ولست بالخآطب .. فلله سمو خلقك .


بدايةً .. انصدمت حيل من ردود بعض الاخوان الله يهديهم !!
من قال ان المسألة سهلة !!
أعوذ بالله من موت القلب !
صح قسمة ونصيب لكن هذا مايعني إنا نواجه البنت بالخبر بكل برودة مشاعر !
أرجوك أخوي تسمع مني والله تعرضت لمواقف جرح تذبح القلب لدرجة الحين اكره الزواج وطاريه !
فحآسه ألف مره بموقف البنيه .

أول خاطب استقبلناه كان عن طريق رفيق أبوي .. وسألنا عنه طلع كفو .. جآ يشوف .. جلس يسألني .. وطلع أبوي شوي عشآن مآينحرج ويشوف زين ويسأل على راحته .. وأنا بموت من الخوف وعلى أعصابي ومستحيه وكلش

المهم رد عقب وقآل انه موافق .. بس بقى رآي أهله !!!!
أنا شوي واموت من الهم والضيق .. أنا باخذه ولاباخذ اهله بس استسلمنا لهم لأن الفاس طاح بالراس على قولتهم ..
وصارت هالشوفه عقب حوسه بنجيكم لا نجتمع بمكان لامدري شنو !!

المهم قالت أمه .. مااعجبني لون شعرها !!!!!!!

وانا اللي كنت أحلام وردية ومذكرات ومافيه ورقه بالبيت إلا اسمي واسمه ومعد صرت أفتح إلا المواقع الزوجيه وخلاص حسبالي ان الموضوع تم !
هذا غير أنه تفرج علي وسولف معاي وآخرتهآ ولاشي !!


ويجي الرفض بهالطريقة اللي مدري شقول عنها !!!!
وقسم بالله جاتني ضيقه الله وحده أعلم فيها .. غير نظرات الأهل وشفقتهم

المهم .. والله إن الأسلوب والطريقة الحلوة تهون كثير ، والمرء يحب لأخيه مايحب لنفسه .

وذكرت سالفة ولد عمتي اللي كلش فيه تبارك الرحمن وخطب بنية وردته .. وربي جلس مده على بال ماراحت حرته هذا وهو جميل وتاجر وكل الزين فيه .. وغير كذا شاب وألف بنت تتمناه ..

فـ وش نقول عن بنية مالها الا تجلس بالبيت تنتظر النصيب .. ويمكن مستوى جمالها عادي .. أو حتى لو كانت ملكة جمال والله بتشك في نفسها وبتحس بالنقص لما أحد يردها ..


وأظن الجرح بيصير جرحين لو كان رد الخاطب أنها حلوة واخلاق وانتوا تشترون بس ماارتحت !!!
لأن معروف إن هذي عبارات مجاملة وتقال حق الكل .
وشعور قاسي لما تحس إن كلمتين حلوة تقال لك شفقه عليك مما سيأتي بعدها !!


اسمح لي أخوي أنبه لشيء كبير -من وجهة نظري- وهو أن الخطأ خطأ الخاطب !!
ليه وصلت لمرحلة الشوفة وانت بعدك مو مقتنع !!!!!
الشوفه مفروض تكون تحصيل حاصل ..
إذا فيه شروط معينه مفروض تتأكد منها قبل تشوف !

لكن حصل خير .. وأجمل رد قرأته هو اللي عن التحاليل لأن فعلا صارت مع قريبه لي وكانوا موافقين كلهم لكن سبحان الله بعد الشوفه تمشكل معهم أبو الخاطب .. قاموا أهلها وقالوا لها عن التحاليل .. ومشت عليها وتكدرت شهر لأنها تعلقت فيه .. والله يعين اللي هو بيردها !!
قد ايش بتنجرح !!

الله يكثر أمثآلكم .. ويرزقكم ماتتمنون ..
ويخلف عليه وعليها .

السموحة على طول الرد .
[/align]

[الــــــــهرم]

اقتباس:  المشاركة الأصلية كتبت بواسطة ثمن الساعة     الاخ الهرم أنت تعرف ابن عمك وابن عمك يعرف نفسه أكثر منك وانا أتكلم بصفه عامه عن شخصيه قد يكون ابن عمك منها فرضا وليس تأكيد جميل إذا اجعلي خطابك للعموم ولا تخصية بهذا والتردد لا يكون الشخصية المهزوزة فقط بل حتى الشخصية المغرورة والمتكبرة والمتعالية والتي مشكلتها أنها لا ترى خطاها وتري أنها كاملة ولا تسمع النصح من الغير لأنه يرى أنهم دون منها وهي الأعلى فهو لا يتعلم إلا من غلطه وهذه الشخصية لا تناسبها إلا شخصيه مثلها مغرورة ومتكبرة ونرجسيه قد يكون ابن عمك منهم وليس تأكيد لذلك يجب أن يطور من ذاته عًدتي تتهيمينة ثانية بإوصاف لا يقبلها وليست فية من خلال اني الاقرب لة منك بقولك يجب ان يُطور من ذاتة والوجوب معناه وقوع الاوصاف علية وأنت تقول يكفي انه حاس في الفتاة لكي نقول انه شخص أحسن التصرف وهل يكفي الأسف بعد الجرح مشاعر وهل يكفي الدواء عن الوقاية بل تصلح الأساس والمشكلة الأولى اي جرح تتحدثين عنة خطبة وليس فيها نصيب هل نُجبرة على زواجها كم من فتاة رفضت شباب هل جنت عليهم واتهمناها بالغرور والنرجسية والتكبُر لا !! المسألة مسألة قبول ورفض فقط لكنة شعر بها وغيرة يُرسل الرفض ولا يُبالي وأنا لا أرى انه يصلح لهذه الفتاة كزوج أبدا هو من قرر وانتهى بإنة لا يصلح لها ولا تصلح لة لذلك أنا أتكلم عن الشاب والمشكلة فقط وليس اقول انه يجب عليه ان يتزوجها لاني ارى لا يناسب [color="blue"] لا يوجد مُشكلة اكثر من إحساسة بمشاعر البنت[/color شكرا دمتم بخير شكرآ لحوارك الراقي .

كل التحايا لك

[الــــــــهرم]

الاخت جندوانا

اقتباس: اخي الهرم لو انا الهرم مااحترت لما يملكه من حسن تصرف ومنطقي بتعامله ... لكنه عندما طلب الآراء فهذا اعده تواضع منه ....

ثقة اعتز بها واشكرك على هذا الثناء الكبير
فأنا اقل منكم بكثير سيدتي

اقتباس: بما ان الناس دخلوك بيتهم وشفت بنتهم ووثقوا فيك اكيد بتقدر نفسية بنتهم وتكون حريص كل الحرص انك ما تجرحهم وهذا إن دل على شيء فإنما يدل على نبل اخلاقك

جميل منك هذا التفهًم والوعي وادراك هذا التصرف ومُعايشتة
وما تفسيرك هذا إلا لحسن اخلاقك وتربيتك

اقتباس: خلك قمة الذوق واعتذر لهم باسلوب راقي بارك الله فيك .. او مو شرط انت خل امك تقولهم ان بنتهم ماعليها وماتنعاف وكل شاب يتمناها بس الولد استخار والخيره فيما كتبه الله ..

الخاطب ابن العم عزيزتي
وفعلآ هو يُفكر بما ترمين الية وانا بدوري اقترحت علية اقتراح كتبتة انفآ

اقتباس: او اضم صوتي لصوتك بس احذر انك تعيب نفسك عشان يقنعون لأنك بكذا بتكون اسأت لنفسك والناس كمان يتخابرون وتنتشر سمعتك انك كذا وكذا بعدين لا جيت تتزوج بتتكسف وإن كان ودك تدور عذر قل جتني سفره مفاجئة ومادري متى ارجع هذا احسن بكثير من انك تسيئ لنفسك

وجهة نظر جميلة لكن هُناك ثقة كبيرة بعقلية اخوها
وإلا مادامك شفته واعجبتك مو لازم الراحه لان الراحه تكون بعد الزواج لان البنات الحين كثار وماليات البيوت بس قليل اللي تصلح للزواج بس هذي فيها مجازفه

وماتحثت به انت كانك تتحدث عن اخي وعدم راحته لخطيبته ...[/quote]

إذا انتي عايشتي الموضوع عن قُرب

عمومآ
اشكرك لك ثقت وثنائُك

ومُداخلتك الاكثر من رائعة

كل التحايا والتقدير

[الــــــــهرم]

اقتباس:  المشاركة الأصلية كتبت بواسطة رومانسي الفلاحة     الحين هي خطيبتك وإلا خطيبة ولد عمك بعدين ولد عمك المنسم ذا وشو لة يجي يعلمك ويطلع الاسرار واة ما انلطم وارسل رسالة وقال خلاص ما ابية يا اخي البنات اليوم صارن اشد من الرجال قوة شف انتم يحول تصيحون وشلون نوصل الخبر وهي تلقاة ظرب ابها المسن مع خوياتة ولا دريت عن الزواج البنات مصيبة قل لولد عمك يقول ما ابيها وبس بعدين شف جرائتها دخلت مرتين انا وهو انا لو يدخل غريب نزلت راسي من الفشل صحيح البنات ما يستحن ابد الله يرحم امهاتنا

انت تناقش الموضوع ولا تتهجم على البنات

[الــــــــهرم]

اقتباس:  المشاركة الأصلية كتبت بواسطة سجى تركي     إقتراح ممتاز

حضورك شرفني يا غالي

[الــــــــهرم]

اقتباس:  المشاركة الأصلية كتبت بواسطة رمانسي     من وجهة نظر ان من الحلووووو ل ان يجعل في الخطيب العيب الذي لاتقبله الفتاة ولا اهلها ويقال ان الرجل وافق واستحسنك بس تبين ان فيه عيب كذا وكذا ونراى انه لاينفع والامر عائد اليك اكيد تبي تشاور ابوها واهلها

هذا ما اقترحتة انا ياغالي

شكرآ لك