تعليم البنات في بريدة وجديده

[اماني غريب]

الاخ نبض القلم شكرا لنقل الموضوع الى حوار هادف ننشد فيه المصلحة للجميع بخصوص ريم جامع وادارتها فالحق يقال تعتبر من خيرة الادارات لدينا او لنقل اقلها سلبية وقد حاولت الالتحاق بها لكن (واوي )لم تكن قوية !!1
سؤالي لماذا اذا انتقلت ريم لادارة ما تنقل بعض الاسماء معها ؟؟ لاتقنعونا بالكفاءات لان البلد مليئ ولكن لم يعطين الفرص التي تتاح للاخريات

جاوبونــــــــــــــــــــــــــي وبصراحـــــــــــــــــــــــة

[المهره]

السلام عليكم ورحمة الله انا مشاركه جديده حبيت اشارك في موضوعكم لانه اعجبني لان فيه صراحه ووضوح وبما اني اشتغلت بالاشراف فتره فيمكن اني افيكم باللي تبون وابرد حرتي باللي طلعت من الاشراف عشانهم لوجود الخوف والذل والخضوع والنفاق والان انا مرتاحه بمدرستي
لذا انا حاضره باي تساؤل !!!!!!!

[المصحح]

سميت نفسي بالمصحح لملاحظة الساحة وتصحيح مايكتب ,صدقوني ما أكتبه هو الحقيقة 0

كثر الكلام عن ريم الجامع وكيفية ترشيحها ومن رشحها ، سأروي لكم الحقيقة0ريم الجامع منقولة من الرياض بنهاية عام 1423 على وظيفة كاتبة بالمرتبة الرابعة خدمتها خمس سنوات لقسم الاحصاء وحيث لا يوجد بالقسم سواها وضعت رئيسة بصفة غير رسمية 0 وبعد مباشرة المساعد حمد العمران بنفس الفترة لاحظ الجميع بالإشراف اهتمامه البالغ بها وفوجيء الجميع بترشيحها مديرة لإدارة الاختيار والتوزيع0

من قام بترشيحها مديرة لإدارة الاختيار والتوزيع ،طبعاً العمران لا يوقع نفسه بالخطأ ( لأن شروط الترشيح ان تكون من الكادر التعليمي ولها خبرة إدارية وتعليمية والمذكورة لا تتوفر لديها هذه الشروط )0

في هذا الوقت بالذات كانت هناك شكوى مرفوعة لنائب وزير التربية والتعليم من 18 مشرفة ( لا داعي لذكر الاسماء) ضد مديرة الإشراف وكالمتبع أحيلت الشكوى إلى المدير العام فأحالها المدير إلى العمران ولكن العمران وجد فرصته (الورقة الرابحة ) فكلم مديرة الإشراف عن الشكوى ومضمونها ثم جعلها تنفذ ما يطلبه منها وإلا المصير معروف0

كانت المشرفة نورة المشيقح قد صدر قرارها مديرة للاختيار والتوزيع وجميع الشروط منطبقة عليها وقامت المذكورة بترتيب واعداد الغرف الخاصة بالعمل ثم تمتعت بإجازة أمومة 0

فكرت مديرة الإشراف كيف تتخلص منها وترشح ريم الجامع ، فقامت باستدعاءها وهي بإجازة الوضع بالاضافة إلى سوء حالتها النفسية لوفاة والدها وتم الضغط عليها حتى كتبت طلب إعفاء، ثم رفعت مديرة الإشراف طلب إعفاء نورة المشيقح وتقرير بترشيح ريم الجامع ، لو كانت لريم الجامع واسطة لنفعتها بالرياض فهي منقولة كاتبة 0 وأكثر من 20 خطاب شكر من العمران لريم الجامع ولو بقي العمرا أكثر لأحتاجت أكثر من ملف لحفظها0 هذه الخطابات، فهل حصلت مديرة الإشراف ربع هذا العدد0

[المصحح]

أتي المهرة

قلتي انك عملت بالإشراف فهل تعطينا رأيك بمديرة الإشراف التربوي؟ ولماذا رشحت نوال الربدي ؟ مالذي يميزها عن الشرفات ، خاصة أن هناك تقرير من مديرتها السابقة جوهرة الطامي بعدم صلاحية المذكورة كمشرفة؟

الموضوع مهم جداً لأن مديرة الإشراف مرشحة حالياً من قبل المدير العام لمنصب مساعدة للشئون التعليمية ، ومديرة الإشراف رشحت نوال الربدي لتحل محلها وقامت مديرة الإشراف بكتابة خطة تطويرية للإشراف لتقدمها نوال عند المقابلة وهي من شروط الترشيح لتفوز نوال؟

أرجوا الرد لأختبر معلوماتك هل كنتي سابقاً بالإشراف ؟؟

[المهره]

السلام عليكم ورحمة الله وبركاته
اخي المصحح اسال الله ان يجعلك قلما تصحح به الاخطاء وترفع الظلم عن المظلومين وبعد
فقد كنت مشرفة بالاشراف التربوي قبل ان اخرج منه(اهج) والسبب الكذب والخديعه والتملق والنميمه التي تميز بها ذلك الوسط فكلما ذهبت الى احد الاقسام للسلام يثار موضوع من المواضيع التي تؤرق المشرفات وما اكثرها من خروج المشرفات من المدرسه للاشراف او الحضور باكرا او0000وياللاسف اقول رايي وبصراحة لاجد ماقلته بالحرف الواحد قد نقل لمديرة الاشراف (قد وظفت مسؤلات في كل قسم من اجل ذلك)
ثم تتعمد اهانتي في كل وقت عدا قولها لي لاتروحين للاقسام وتقعدين تخربطين شوفي شغلك احسن لك وتجعلني فاكهة لها في كل اجتماع باسلوب اياك اعني واسمعي ياجارة دون جعل هناك فرصة للرد وقد حوربت حتى من داخل قسمي بامور لايعلمها الا الله وبتحريض من المديره نفسه والذي اعترفت به الزميلات فيما بعد
ولم اسلم حتى في مدرستي ولكن مديرتي الحبيبه لاتسمع للكائدين امثالهم فلو رفضت جميع معلمات بريده الندب لاضير اما انا فالويل والثبور
اما عن بنت الربدي فهي طيبة القلب لكن لاتمسك منصب لضعفها وعدم حكمتها
فهي اذن وعين لحصه ولاتتفوه الابمباركة من الام الروحية لها حصه اي انها امعة !!!
فالربديه مشهورة ببوكيهات الورد وقطع الشيكواته الفاخره التي تزين بها اجتماعاتها دون الاهتمام بمضمون الاجتماع الذي دائما يكون عقيما والا بماذا تفسرون تردي مستوى المدارس الابتدائيه وضعفها
هاه صدقت يالمصحح اني كنت بالاشراف !!!!
وبعدين وينك يانبض القلم مشتاقين لكتاباتك

[المهره]

وبعدين تراي مثلك عارفه بعض من اسامي المشرفات اللي اشتكن ويمكن زوجتك او اختك تكون منهن والا وش دراك؟؟؟؟؟ هاه جاوب وبسرعه ههههه

[هموم بريدة]

ريم جامع العتيبي

الوظيفة : كاتبة
كاتبة : دليل على ردأة الاختيار من قبل المسؤلين بالقصيم

استغرب المدح الذي مدحت فيه ريم ليتكم تشوفون تسيب موظفات التدريب والغياب والتوقيع لبعض وكثرة غياب ريم جامع .

والي نافع ريم وقوف العمران بجنباها وكذلك تدريب البنين الذي لاتصدر تعميم او دورة الا بالرجوع لهم .

واسئلوا ولا تقولون ظلمته .

[هموم بريدة]

نوال الربدي فعلا امعة بشهادة جميع من تعامل معها ولا تنفع لعمل اداري

لكن الشرهه على مديرنا الي مايعرف يختار ومايسمع الا كلام حصوص وبس والمشكلة انه تورطه وهي تطلع منه .

ياليت المدير هالمره يتمعن في اختيار مديرة الاشراف ودنا نقضي من براثن حصه المهنا وفاطمة الرديني .

[المصحح]

أنا لست بعيد عن سكن العمران وأصلي الفجر معه 000 مسكين أي ترقية هذه 000 أسمعه يحرك سيارته بعد صلاة الفجر000 وكل وقتة صار مشاوير 000 رايح وجاي للزلفي000 العمران توط بالزمام والعمار مثل ماتورطت امريكا بالعراق000 يحسب تعليم البنات مثل البنين 000 عساه يكون درس ويعرف أن الله يمهل ولا يهمل0

[المصحح]

أخي نبض القلم ما تريد أن تعرف من حقائق عن تعليم البنات سأكتبها وإذا أردت الدليل موجود0

[متطورة]

أخي نبض القلم :
اقولك أخ وأنا موقنة أنك أخت , بسبب سعة اطلاعك على الامور الاشرافية النسائية الدقيقة والتي لا يعلمها إلا من كان فيها ,
اشكرك على موافقتك لملاحظاتي عن إدارة التدربيب وقولك : (( أوافقك الرأي حول كل ما ذكرتيه .. الا قولك :
( 3// بسبب تنقلاتها الادارية الناجحة كثر ت حولها التهم الباطلة حسدا من الحاقدين للناجحين ).).
وأقول : اقصد أنها إدارية ناجحة وقيادية مرنة , وإن لم تمكث في أعمالها إلا فترة بسيطة . فالاداري القيادي الناجح الذي يترك بصمته العملية بعده .

أختي شقردية :
أنا من رأيي أن مديرة التدريب أثبتت جدارتها برئاسة لجنةالاختبارات مع أنها لم تقوم بالتدريس , وقد شاركتها زميلاتي باللجان وكان تعاملها وإدارتها للمجموعة التي أعلى منها خبرة بهذا المجال لم تؤثر عليها .

أختي أم بندر :
مثلك سمعت أن إدارة شؤون المعلمات وشؤون الطالبات ستكون نسائية هذا ماقاله المدير العام , وكذلك هناك إدارات وقسام أخرى ستفتتح , ويبحثون عن مديرات متميزات بالواسطة أقصد بالكفاءة لترشح لها !!!!

أختي الخزامى :
جميعا اعجبنا اتجاه الموضوع للنقد الهادف البناء . (( و ياليت نمسك هالجادة ولا نتركها حتى نصل للطريق الصحيح ونحل مشاكلنا بتجنب اخطاءنا ))

اماني غريب :
من أنت ؟؟ كلامك مرآة لخاطري ؟؟ وافكارك قريبة مني ؟؟ تعقيبك يوافقني كثيرا ؟؟ وإن خالفتك في نقطة أو نقطتين ,

أخواتي هموم بريدة
المهرة
المصحح
بنت هلي

هل سيتغير الحال بذكر هذه الاخبار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اماني غريب]

أختي متطوره تسائلت من أنا ؟ اخيتي اماني مثلك يامتطوره تسعى للتطوير المفيد البناء صمتت سنين ولكن منتدى بريده ابى الا ان يسمع منا واخرجنا من دائرة صمتنا والتي مع الاسف ضيعت تعليم بريدة واصبح مسرحا لكل من هب ودب ( مع احترامنا للكوادر ) بالله عليك سؤالي عن ريم جامع اليس في محله وان لم تصدقوني اسألوا وستجدون فعلا ان هناك طاقم مميز من الهاربات من التدريس معها في كل اداره .

متطوره ماهي النقاط التي لم تعجبك في مداخلاتي

[مشتاااق]

الأخفاق يسبب الخفقان !!



والخوف يصدر زئير الفئران !!




.. أشم رائحة الحجيلان !!









مشتاااق

[نبض القلم]

بنت هلي / طيب وش دخل التواجر بالتدريب التربوي؟؟؟ أحس انه خطمة ( طلعت أوت )!!!


الخزامى / شكرا على ذكر معلومة مؤهل ريم جامع ..


أم بندر / وش صار عليك ؟؟ عساك حسبتي حسبتك زين حتى تشبكين الأربعين يوم بالاجازة ؟؟؟ انتبهي زين وتأكدي لا يضيع لك عشرين يوم داخل الاجازة؟؟؟؟؟؟؟؟

شوفي عاد يومية عشرين يوم كم كيس صامولي تجيب؟؟؟؟؟!!!!!

أما استفسارك فأغلب ظني انه صحيح حسب ما سمعت .. والله يعين عليهن بس !!! يعني رجال وما هضمناهم المعاملات يالله تمشي وأنت واقف على راس الرجال تسلم وتستلم بين هالاقسام !! وشلون لا صارن حريمن بحرم الله ؟؟؟ والله من زين الامور !!!!!

أجل تتنشبين بحلوقهن ؟؟ والله ما ادري من بينشب بحلق الثاني وينشف ريقه ؟؟؟ الله المستعان ..



أماني غريب /

أنا معك البلد مليء بالكفاءات والكوادر الجيدة ... لكن تلك الكفاءات واقعة في ظل المطر ( حسب التعبير الجغرافي ) _ الزعاق على غفلة _ !!!

كيف ؟؟ أنا أفسر :

بعضهن ما يظهرن أرواحهن لأنهن ما يحبن الظهور ويعملن بصمت واخلاص ..
بعضهن يخافن من المسؤولية حتى لو عندهن استطاعة فلو رشحن يرفضن ..
بعضهن شغلهن ممتاز وما عليه كلام لكن شخصياتهن غير قيادية فالادارة ما تصلح لهن ..
بعضهن تتمنى ليل ونهار وعنها القدرة بس ما اتيحت له الفرصة أو ما عنده ( واو ) ..
بعضهن كل شيء عنده تمام لكن العلاقة مع لجنة الترشيحات مهيب مضبوطة ..
بعضهن لها ( ماضي أو حساب ما صفي مع أحد الروس الكبيرة ) فتركن عنوة في معرض المحنطات في الرئاسة !!
بعضهن تحب السواليف الي ماله داعي وقيل وقال وكثرة السؤال فما تجوز لأحد ,, يعني نقالة حكي وهذر بلا قيمة رغم ان كل شغله مضبوط .. وهذي تخرّب على روحه !!
بعضهن عنده مثالية أكثر من اللازم ( يعني ما تغفل عن شيء وتبي كل شيء تمام التمام ) والي كذا ما تعرف تسلّك المسالك لنفسه مثل غيره فتحال كذلك لمعرض المحنطات !!

أما الي وصلوا فكثير منهم ( وليس كلهم ) وصلوا بفيتامين واو , أو بالترزز والطهبلة , أو الحظ جاد لهم وباع لهم وشرى لهم !!!
أما الباقين .. فوا عزي لحالي وحالهم!!! ( هالمثل من أمي جايبه دايم تردده لكني قلته لكم بتصرف )!!!


أما إن كان استفسارك : ليش ريم تأخذ معه جوقة الموظفات كل ما انتقلت فالجواب الشخصي اني انا يا نبض القلم لو كنت في ادارة وانتقلت لغيره وأعطيت صلاحية بنقل من أريد معي لاخترت خيرة الموظفين الذين أعرفهم وهذا شيء طبيعي جدا .. لأني أريد أن اثبت نجاحي في الادارة الجديدة لذا يهمني نوعية العاملين معي ولو وصل الامر لانتقائهم بنفسي فردا فردا ..
يعني ما احس ان الامر فيه غرابة أو ما يلفت أو يشعر بشيء غريب يا أماني غريب !!



المهرة /

أهلا بك وبجديد مداخلاتك .. شرفتي الموضوع..


المصحح أو بنت الجنان /

تقول في ردك ( سميت نفسي بالمصحح لملاحظة الساحة وتصحيح مايكتب ,صدقوني ما أكتبه هو الحقيقة )....

ما شاء الله تبارك الله .. أجل سميت نفسك المصحح حتى تصحح أخطاء الموضوع!!!!؟؟؟؟؟؟!!!!! لا وتفرض علينا بالقوة قبول ردودك و ( تصديقها ) فقط لأن اسمك المصحح ؟؟؟؟؟؟؟؟؟؟؟؟؟!!!!!

طيب المصحح ما يبي له ( مراجع ) وراه و ( مدقق ) ؟؟؟؟؟؟؟
خخخخخخخخخخخخخخخخخخخخخخخخ

متى كان الاسم المستعار حجة ودليلا لاثبات أمر أو نفيه يا أخي ؟؟؟

على هذا سأترك اسمي نبض القلم كما تركت أنت اسم بنت الجنان , وأسمي نفسي ( الدليل الواضح ) أو ( البيان الساطع ) ... والا وش رايك باسم إيراني حتى يجمع مع الدليل والحجة شوية ترويع : ( آية الله صدقنجاني ) !!!!!!!!!!!!!

خخخخخخخخخخخخخخخخخخخخخخخخخخخخخخخخ



نجي للجد :

ريم جامع منقولة للقصيم بمسمى كاتبة ( وهي مؤهلة بكالريوس ) .. وش العجيب بهذي؟؟

زوجة صديقي معه مؤهل بكالريوس تخصص مكتبات .. نقلت للقصيم قبل منهج المكتبات وبحلوا به لأن التخصص كان جديد عليهم !! وضفوا المسيكينة أمينة مكتبة على المستوى الرابع أو الثالث ما اذكر بالضبط ورفيقي مسكر جواله ما اقدر أتأكد منه أي مستوى !!
وللحين ما عدلوا مستواه رغم انه جامعية وصارت تدرس مكتبة مع كونة أمينة رغم كثرة مطالباتهم وشكاويهم بس عمك أصمخ وكلن يحول المعاملة على الثاني لحد ما يقولون مهوب من صلاحياتنا نعدل واقضب الباب من غير مطرود !!!!!

هذا الرد على افتراض انه كاتبة .. لكن الحقيقة ( مجهولة ) !!

أما كون ملف ريم كله شهادات فـ ( من حصل شيء يستاهلة ) !! مادامت قايمة بشغلة بشهادة الجميع فهي تستاهل..

أما قولك ( كانت هناك شكوى مرفوعة لنائب وزير التربية والتعليم من 18 مشرفة ( لا داعي لذكر الاسماء) ضد مديرة الإشراف وكالمتبع أحيلت الشكوى إلى المدير العام فأحالها المدير إلى العمران ولكن العمران وجد فرصته (الورقة الرابحة ) فكلم مديرة الإشراف عن الشكوى ومضمونها ثم جعلها تنفذ ما يطلبه منها وإلا المصير معروف0 كانت المشرفة نورة المشيقح قد صدر قرارها مديرة للاختيار والتوزيع وجميع الشروط منطبقة عليها وقامت المذكورة بترتيب واعداد الغرف الخاصة بالعمل ثم تمتعت بإجازة أمومة 0 فكرت مديرة الإشراف كيف تتخلص منها وترشح ريم الجامع ، فقامت باستدعاءها وهي بإجازة الوضع بالاضافة إلى سوء حالتها النفسية لوفاة والدها وتم الضغط عليها حتى كتبت طلب إعفاء، ثم رفعت مديرة الإشراف طلب إعفاء نورة المشيقح وتقرير بترشيح ريم الجامع ) ..

نبي إثباتات ... ومنهن المشرفات الـ 18 ؟؟ ووش مضمون الشكوى؟؟؟ وكيف تم الضغط على نورة المشيقح ؟؟

والسؤال الأهم :

هل كنت على خط الهاتف والعمران يكلم حصة المهنا ويتوعدها إن لم تنفذ كلامه وأوامره بالمصير المعروف؟؟؟؟؟؟؟؟؟؟؟؟؟

أم أن حصة المهنا أسرت لك بسرها الخطير وهذا محال ؟؟ أم العمران أخبرك بهذا بنفسه في أحد اجتماعات الحارة ( لأنكم جيران )؟؟؟؟

على فكره .. أحس انك شاقي أكثر من العمران نفسه لأنك تقوم معه من يوم يشغل سيارته الفجر يروح للزلفي ولأن الشعور المتناقض مازال واضحا في أسلوبك بالحديث عنه ( مررة تقول بغيظ مغلف بالشفقة أو الاحتقار : مسكين ,, كل حياته مشاوير , ومرة تقول بتشفي : حتى يعرف ان الله يمهل ولا يهمل )!!!!!!!

نرجع للخيارات بعد فاصل التحليل النفسي :

والا عياله علموا عيالك ؟؟؟ والا ......... ؟؟ لا لا ..ما اعتقد توصل مهما كان انك تتصنت على جيرانك !!!!
هذي الاخيرة أستبعدها من الخيارات .. وأنتظر تحديد الاجابة !!

( لك تتصل بصديق أو تستعين بالجمهور ) !!!


الأخت المهرة :

لا تتعجلي بالرد على المصحح أو بنت الجنان , لأنها مشرفة إدارية كشفت شخصيتها بوضوح شديد عندما طرحت من حيث لا تدري ( معطيات ) كثيرة تدل عليها !!

1/ استبشرت بالعمران وجعلته ملاذا للشكوى في البداية لعلها تظفر بغنيمة ..

2/ غيرت كلامها في التحقيق ( القضية) وهي تمني نفسها بإمساك العصا من المنتصف ( تكسب جميع الاطراف ) وهذا جعلها تخسر الجميع فلا بلح الشام حصلت ولا عنب اليمن !!!!

3/ كان العمران يستشيرها ويقول ( ان لم تعجبكم المساعدة سنعفيها) .. شوفوا بأي صفة تسأل؟؟

4/ وعدها بمنصب قيادي ( يعني قريبة مررة من القياديات ولها خبرة سنين معرّقة )!!

5/ ما حصلت شيء من العمران فنقمت عليه , وما حصلت شيء من حصة المهنا بعد تغيير كلامها في التحقيق فشالت شراع على الاثنين !!

6 / ضايق صدره ومنتكّة من ترشيح حصة المهنا لنوال الربدي لأنها مشاوفة بالمنصب ..

7 / مطلعة على تقرير مديرة نوال الربدي السابقة الذي يقول أنها لا تصلح للاشراف ..

8/ على علم بأن حصة المهنا معدة خطة تطويرية تساعد بها نوال الربدي عند المقابلة ..

من ممكن برايكم يعرف 7 و 8 ؟؟؟

تعالوا نعد مع بعض المشرفات الاداريات الي ممكن يشاوفن بهالمنصب حتى تاصلون للي وصلت له !!! والا تدرون عدوا لحالكم أبختبر قدراتكم على جمع المعطيات والاستنتاج والتحليل ( حشا .. ماجد عبدالله في القناة الرياضية )!!!

لكن أبعطيكم إشارة ممكن تساعدكم :

فيه صراع بالاشراف على الاستحواذ على المناصب القيادية بين الخطين 220 و 110 ...

يالله : تذكروا الاسماء .. واحصروا الاعداد .. وشوفوا بنت الجنان أو المصحح من تطلع ؟؟؟



يا ناس قلت لكم كم مرررة : لا تتركون آثار وراكم تدل عليكم .. بس ما تاخذون العلم .. وش اسوي لكم؟؟
مضطر أكشفكم... وانتم السبب الله يهديكم !!!!


أما انتي يالمهرة : فانتبهي وتوقعي لرجيلاتك قبل تطبين لك طبة مهببة , لأن شكلك متحمسة شوي وأخاف حماسك الزايد يحوس مريرك بالرئاسة وهم من حينهم يهبلون بليا يتقعدون لك !!.. تراهم بيشيلون عليك حتى لو سميتي روح المهرة .. يعني ( شفري بعض المعلومات ولا تجيبين كل الي بالطبلون ولا تتركين آثار لك وخاصة ان بعض الحريم الا عطين منصب ما يرحمن .. فانتبهي لروحك والي يدل على شخصيتك أو يكشف ماضيك بالتحديد لا تذكرينه .. نصيحة من اخوك ..



هموم بريدة :

يا اختي بكيف ريم جامع .. إن شاء الله عنّه ما داومت .. خليه تغيب لما تقول بس دام القسم مضبوط والشغل ماشي والكل يمدحه ويثني عليه!!!!!!

هذا لو افترضنا صحة كثرة الغياب والتسيب .. حنا يهمنا الشغل يكون صح بغض النظر عن الامور الاخرى ..

وبلفظ آخر أقول لك :

كم من الاقسام وكم من المديرات وكم من الموظفات ما يغيبن الا بطلعة الروح ( مهوب كله حرص على العمل بل حرص على الريال حتى ما يخصم ) !!! ومع ذلك شغلهم وأقسامهم الله بالخير !!!

لنا النتائج يا اختي وما اعتقد انه يعاب على ريم الاستفادة من الاقسام الاخرى والاستنارة بخطط تعليم البنين بما يخدم منسوبات الميدان .. عادي جدا .. وين الغلط؟؟


أما نوال الربدي فادخل على الله .. لااظلمها .. الذي اسمعه من قريباتي انها حبوبة وتعاملها راقي ومحترمة جدا .. لا تخطئ في حق أحد ولا تتعمد الظلم والاساءة ..

أما الورد والشيكولاتة الفاخرة فهي من فخفخة (الربادى ) المعروفين بها .. يعني يحبون الجخّة والشكليات شويتين ..

عاد الناس حول هالأمر فريقين :

أحد يعيب هالشيء ويعتبره تزلف وتقرب للكبارية ما لابو أمه داعي !! .. وأحد يعده من برستيج المنصب وضرورات الاجتماعات للروس الكبيرة !!!

أما كونها إمعة ولا تتخذ أي قرار الا بمباركة حصة المهنا فلا أدري عن هذه التفاصيل ولا عن كيفية الحكم الدقيق عليها !!
يعني لازم لها أحد داخل اجتماعاتهم دايم , يعني منهم وفيهم حتى يحكم حكم دقيق ..

يمكن المصحح يجيب لنا الخبر اليقين بحكم قربه!!

[نبض القلم]

متطورة وأماني :

ابقيا على الخط ... فمداخلاتكما من عمق الميدان .. وحديثكما ينضح بمعاني التفاني ..



مشتاق :

[align=center] من أنت يا ذا الصوت الرنان ؟؟


اظهر نفسك لتكون من الشجعان !!


والا فصوتك _ كما رأيك _ أزيز فئران !!![/align]


أخيرا :

[align=center] يا متهم الحجيلان

كم لهذا الموضوع من ضحايا ..

وسيبقى .. مادام صاحبه ينهج نهج الروقان !!

ولا يبالي ( بنقده الصريح ) بالثيران !![/align] أخي الكريم :

ليس من منهجي الاساءة لأحد .. ولكن ( أنا كالمرآة ألقى كل وجه بمثاله ) !!!!!!!!

و ( من اعتدى عليكم فاعتدوا عليه بمثل ما اعتدى عليكم ) !!

تحياتي .. واعتذاراتي ..