تخفي هواها من حياها عن الناس
تخشى عيون الناس تجرح هواها
قالت هلا وتبسمت وأشرق الماس
وتعلقت روحي بعالي سماها
وقمت أتلفت وأشغل الفكر هوجاس
قالت هلا لي أو لغيري هلاها
الله عليها شوفها فيه نوماس
تشفي عليل النفس بسمة شفاها
فيها رسوم الملح والزين بقياس
من كل لون ولون ربي عطاها
العين نجلا ومطرق القد مياس
والشعر ناري لي تثنت كساها
وإحساسها في الحب ما مثله إحساس
إحساسها يصحى ويرقد معاها
معها نسيت الهم والحزن والياس
وما عاد في دنياي شي سواها
ألقي خيالك في خيالي
وأضمه
وأشوف زولك بين
رمشي وعينى
يمرنى طاريك
عجل وألمه
من لهفتى تسبق عيونى
يدينى
مثل العبير يفوح عطرك
وأشمه
في لحظة تسوى بقايا
سنينى
أحتاج لك حاجة وريدى لدمه
ترد لى روح تروح وتجينى
طاح المطر في شعبة مصاب والريع
نبي لنا ياراعي الجيب مقناص
تكفى تراي مولعن بالمطاليع
زودن على الولعه تولعت بالشاص
جيبن جديد و لايعرف التقاطيع
ماهو من اللي كل ما دست له غاص
جيبن سرى مثل البروق اللواميع
واري الثمن ولا نبي فيه مخلاص
طيبك غشاني والوفى في مباديك
واضح مثل بدر السماء في مداره
أكذب على نفسي إذا قلت ما أغليك
وأكذب عليك إن قلت مالك وقاره
لقيت فيك الطيب من غرس أهاليك
ولقيت في موقفك حس وأصاله