تنبيه بشأن مراقبة الرسائل الخاصه

[فور يو]

اقتباس:  المشاركة الأصلية كتبت بواسطة رارا الناصر     هذه العبارة أرى فيها شئ من الخطاء -ركاكة في الأسلوب أو خطاء نحوي- المهم أنك لم توضح بها ما تقصد! .. فياليت توضح لنا هذه الجملة بلغة عربية سليمة .. **للمرة الثانية وأنا أقول إحساسي أن فيه في هذا المنتدى شئ من الواسطة في إختيار المشرفين** و اسمح لي أن أشير إلى أن ماقلته هنا بعيد كل البعد عن حرية الرأي .. وحرية التعبير .. ثم أنك لم تجب عن التسأولات .. التي طرحها العضو نبض القلم .. ختاماً *وآآسف لعودتي بعد أن نويت الرحيل .. لكن أحببت أن أقف على نهاية هذا الموضوع .. فقط لاغير*

لاحظت في هذا الرد النقطتين فقط التي تستخدمها رارا ( نفس اسلوب ) معرف آخر في هذا الموضوع ...!!

لا اتهم احد بشي , فقط هي ملاحظه لاغير ,

في الرد المقتبس اعلاه لم اجد مايستحق سوى الملاحظه والباقي لا يستحق الرد ( يهمل ) ...

[الكبير]

سوو تصويت وشوفو الاغلب


الله يوفقكم

[نـدى الورد]

لا للمراقبة

[بنت الأصول]

اقتباس: لا للمراقبة

نعم للمراقبة ليش او اللي على راسه ريشة !! اكيد بعضهم على راسه دجاجة كاملة

[راعي الاوله]

صراحه انا لي زمان ماجيت للمنتدى. بس جد غريبه هالتفكير... الحين على قوله احد الاعضاء اسمها رسائل خاصهني ..
طيب راح يكون فيه ناس تدخل على رسائل بعض الاعضاء.. طيب هااللي يبي يصير لهم الصلاحيه من راح يدخل على راسايلهم الخاصه ويشيك عليها .. اظن من حقك تحسن الظن بنفسك بس واجب تحسن الظن بالناس بعد الا اذا بدر منهم شي .. وثانيا حتى لو واحد ولا اثنين ولا ميه اساؤا هالخاصيه ماظن هذا يعطي الحق لاي واحد يدخل على خصوصيات الثانين .. اخاف تصير هالحركه وبعدها تمنعون اظهار الايميل بالردود وبعدها بشوي تطلبون الرقم السري للايميل عشان تشيكون عليه يعني يمكن اراسل احد من هاالمنتدى.. اعذورني على التطنز بس ماتوقعت هالاقتراح

اظن حسن النيه وتخفيف الشك شوي والوسوسه راح يفيد .. هذا رايي . بس ياريت اذا جزمتوا خلاص على هالشي تعلموننا انكم سويتيوه عشان نحذف العضويه بالمنتدى وبندعي لكم الله يوفقكم ويوفقنا

[راعي الاوله]

الاخت الذاهبة ,, اختي انتي تقولين من لايجد نفسه الثقه في ادارة المنتدى .... طيب كيف تكون الثقه باتجاه واحد .. كيف اعضاء يثقون بمنتدى لا يثق فيهم الا بشرط واحد وهو الدخول على رسائلهم الخاصه واكرر الخاصه.. حتى حذف الخاصيه ماهو حل للموضوع . ليش تلغى خاصيه من اجل تصرف سيء من واحد ولا عشره..

الشك كالعفن ماأن يبداء بمجرد فكره صغيره في عقل الانسان حتى ينتشر كالسرطان مجبراً العقل على ان يرى اي اداة للتواصل مع الاخر الى أداة شيطانيه .....

الاخ الحلوه .... ماظن حب الخير فيك ورغبتك بحل بعض المشاكل السابقه اللي اساساُ فكره هالهاك جت من وراها راح تخليك تستلم لحل انت عارف انه ليس الطريق الصيحيح لحل المشكله .

لا تحل المشاكل بالتجسس على الاخرين ... ولا تحل المشكله باعطاء الحق لشخص او اثنين الحق بالتصرف على انهم هم قفط من سيمنعون الشر والمشاكل بمجرد قدرتهم على اخذ حق ليس من حقوقهم وهو الدخول على خصوصيات الاخرين ..

انا بس ودي ادري منهو اللي اخترع هالاقتراح اللي احس انه طالع تسلل .

[جلوي العتيبي]

نبض القلم للأسف أنت تفسر كلامنا كما تريد وتبني على ماترغب

عندما أتكلم عن الحلول التي جربت وعمل بها فانا بالطبع أتكلم عن الممكن والوارد اما غير الممكن والذي لانقبله فليس شرطاً أن أستثنيه من الرد فالجميع يفهم ذلك من السياق

ومع ذلك قام الاخ ابوفهد بتوضيح أن هذه الإقتراحات محل تجربه وانها لم تهمش .

عندما يتكلم الزعيم فهو يتكلم بناءاًعلى مايراه ووفقاً لقناعته الشخصيه لما طرح من أراء

لكن القرار بتركيب هذا الهاك كان قرار جماعي من الإداره وأيضاً وفق قناعه مشتركه


تعودنا الشفافيه والصدق فيما نقول

الحوار يعود بمداخلاتك لطريق مغلق ..

هل نجد مشاركه باحثه عن حل منطقي من نبض القلم !!؟؟


أعتقد أن متابعة الأراء الهادفه أهم اخي نبض القلم فمع إحترامي الكبير لك نحن نهدر وقت كبير في كلام مكرر.

[كـامـو]

السلام عليكم

أرجوا من الادارة وقف المهازل الحاصلة هنا

فما يحدث من بعض الاعضاء و بعض المشرفين شي يحز بالنفس


و أتمنى منكم أصدار قرار أخير بشأن الهاك

أو حذف الرسايل الخاصة كما هو حاصل في بعض المنتديات الاخرى


أختي الذاهبه @ أخي فوريو

أتمنى منكم بأن تعيدوا حساباتكم

فبأسلوبكم هذا تتغير نظرتنا فيكم


-

[الملتاعه]

[align=center]نبض القلم

أملك من الكلام الشي الكثير لرد عليك لاكن

إحترامي وتقديري لإدارة ومشرفي وأعضاء منتدى بريده يمنعني من الرد عليك

وتبغى الصراحه شخص مثل تفكيرك العقيم مايستاهل إني أسمح لنفسي

أسطر كلمه وحده لك لأن كلماتي أرفع من كلماتك

وأنصحك خذ كوووووورس بــ ( فن النقاش والحوار ) بينفعك عشان ماتخسر من تعاشر[/align]

[نبض القلـم]

اقتباس:  المشاركة الأصلية كتبت بواسطة for you     لاحظت في هذا الرد النقطتين فقط التي تستخدمها رارا ( نفس اسلوب ) معرف آخر في هذا الموضوع ...!! لا اتهم احد بشي , فقط هي ملاحظه لاغير , في الرد المقتبس اعلاه لم اجد مايستحق سوى الملاحظه والباقي لا يستحق الرد ( يهمل ) ...

هالحين يا فور يو أنا قاعد احتريك تفكر بجواب للـ ( النقاط ) الي أنا ذكرتها والاسئلة الي سألتكم عنها .. تروح تشوف بدل النقاط ( نقط ) !!!!!!!!!!


ليه طيب ؟؟

أيهن أوضح بالله ؟؟؟ نقاط مكبرها لكم وملونها بعد وعايد وزايد فيها بس ما بعد مليت !!!! والا نقط جن عرضيا بمداخلة عضوة جديدة ؟؟؟؟؟؟

تدري ؟؟ ياخي خل هرجي أنا ,, بس جاوب على هرجها هي !!!!!

أما التلميحة الي تلمح لها فهي يا ما وياما تتخسركم أعضاء !!!

يعني كل من وافقن على رايي بتتهمونه انه انا بمعرف ثاني ؟؟؟

يا ترى فيه أحادية رأي أكثر من تسذاتا ؟؟؟

وبعدين تعال نحسبها بالعقل والمنطق مع بعض :

لو أنا لي معرف ثاني رغم اني مكرر في أكثر من موضع اني ما احتاج ولله الحمد قوة دعم بي بركة بلحالي الحمد لله !! لكن أبجاريك بادعائك الي من جنبه !! فلو لي معرف ثاني وشوله أجيبه بهالموضوع الي بلغت الدماء فيه للركب ؟؟ لا واهدد اني أبترك المنتدى !!!

يعني ليه ما اخليه لي مدخل طوارئ بحيث اني ادخل به اذا الغي معرفي الاصلي بهالشيل والحط ؟؟؟

وبعدين وش فايدته إذا ترك المنتدى يا فهيم ؟؟؟؟؟

الشي الثاني ان الي متابعني بموضوع التعليم يدري اني ما اعرف طريقة الاقتباسات القصيرة زي الي بمداخلة رارا ,,ولاحد عطان وجه وعلمن !!!

تتبرع تعلمن واطلع من هالموضوع يافور يو ؟؟؟ <<<< اظنها مقايضة زينة وعرض مغري .. وش رايك؟؟


فور يو :

ياليت تتأكد قبل تتوهق المرة الثانية .. لأني لو كان معرف رارا لي كان قلت لكم وما بحلقي عظم !!!
بس زي ما قلت انا ما احتاج لقوات دعم .. لحالي وعساك تنطحني بعد !!!

ولو فكرت بطريقتك ومشيت وراء ظنوني كان قلت ان الذاهبة والملتاعة وبنوتة حلوة عضوة وحدة !!! لأنهن نفس الاسلوب ونفس الافكار والتوجهات .. وكل وحدة منهن تدافع عن الثانية !!!

بس أنا ما أعتمد الا الحقائق والادلة المادية الملموسة .. ما امشي ورى ظنوني !! وحتى لو ظنيت ما اكتب هالي ظنيته ان كانه ما يرتكي على حقائق ثابته !!!

فهمت؟؟؟

[نبض القلـم]

اقتباس:  المشاركة الأصلية كتبت بواسطة الزعيم     نبض القلم للأسف أنت تفسر كلامنا كما تريد وتبني على ماترغب لا ما عليش .. مهوب صحيح .. أنا أفسر كلامكم مثل ما انتم تكتبونه .. وما ابني الا على الي تقولونه .. ما جبت شي من عندي .. والله العظيم ما جبت هرج من مخباتي .. عندما أتكلم عن الحلول التي جربت وعمل بها فانا بالطبع أتكلم عن الممكن والوارد اما غير الممكن والذي لانقبله فليس شرطاً أن أستثنيه من الرد فالجميع يفهم ذلك من السياق مادام معنى الاستثناء يفهم من السياق ولا يصرح به بالكلام .. ليه حاطينه من ظمن أساليب اللغة ؟؟ ورة ما يلغونه من كتاب القواعد .. وينهون التعامل به على صعيد الكلام بعد ؟؟؟ حتى ما يجي احد ويتهمنا بسوء الفهم اذا قلنا له كلامك متناقض ويحولنا على سياق الموضوع الي ماجاب طاري للاستثناء !! وبعدين وشلون تكونون جهة وحدة لاتخاذ القرار أنت والرمادي .. وبنفس الوقت هو يشوف ان حلنا ممكن وقابل للنجاح وانه مدرج للتجريب ,, بينما أنت تشوفه مستحيل وغير ممكن انكم تجربونه !!! ومع ذلك قام الاخ ابوفهد بتوضيح أن هذه الإقتراحات محل تجربه وانها لم تهمش . طيب مادامت محل تجربة ولم تهمش ليه ما تطلعوننا على أسباب عدم الأخذ بها وتفعيلها؟؟؟ عندما يتكلم الزعيم فهو يتكلم بناءاًعلى مايراه ووفقاً لقناعته الشخصيه لما طرح من أراء لكن القرار بتركيب هذا الهاك كان قرار جماعي من الإداره وأيضاً وفق قناعه مشتركه قناعة مشتركة >>>> منهم أطرافها ؟؟؟ وهل لمبدأ الشورى وحقوق الاعضاء شراكة في تشكيل هذه القناعة ؟؟؟ وأين موقع المعترضين من الاعراب في مسألة هالقناعة المشتركة ؟؟ وتكفى لا تقول لي : سألناكم وأخذنا وعطينا معكم ! أنا داري .. بس وش أثر هرجنا ووش قيمته ؟؟ لأن معنى الشورى هو طرح الموضوع لأخذ الآراء .. ثم دراستها جميعا .. ثم الأخذ بالممكن والمرضي للجميع منها .. وإذا تم اقرار قرار فلا بد من توضيح ( أسباب ) إقراره .. وتبيان ( أسباب ) عدم الاخذ بغيره من الآراء !! حتى لا يشعر الاعضاء انكم تبخسونهم حقهم أو تمارسون معهم نوعا من التعتيم والضبابية !! أبو فهد زعل علي وراي أقول انكم تزغلطوننا وان هذي مهب شورى !! طيب وش الزغلطة يا ابو فهد الله يخليك لعين ترجيك .. وشي الزغلطة لاصرنا نقول لكم هذي آرائنا وحلولنا وتقولون انه مقبولة وقابلة للنجاح .. ثم تلغونها بغمضة عين وتقولون بنركب الهاك لأنه أزين !!!! بدون ما تعلموننا ليه بالضبط ألغيتوها وتقنعوننا بأسباب عدم تطبيقها !!!!!! تكفوووون لا تزعلون علي .. وخوذوا حق وعطون حق ..تراه مجرد مناقشة من واحد وده يقتنع !! تعودنا الشفافيه والصدق فيما نقول هذا الله اطلبه وأطالب به لا اكثر ولا اقل .. الحوار يعود بمداخلاتك لطريق مغلق .. وراه طيب ؟؟ هل لأن أسئلتي تودي لطريق ثاني ؟؟ غير الطريق الي تبونه ؟؟ طيب ليه ما نجرب كل الطرق ونشوف .. يمكن تلقون طريق أحسن !! هل نجد مشاركه باحثه عن حل منطقي من نبض القلم !!؟؟ شف يالزعيم .. الحل المنطقي قلناه .. بس أنتم ما تبونه .. على الاقل اقنعون انه غلط حتى اسكت !! موب بس تقولون ما ينفع وبس !! أعتقد أن متابعة الأراء الهادفه أهم اخي نبض القلم فمع إحترامي الكبير لك نحن نهدر وقت كبير في كلام مكرر. تسنك هنا بديت تمل وتحمق علي !! يا اخي يالزعيم ترى المشكلة اننا مقرين كلنا انه مكرر .. بس وين الاقناع ؟؟ هذا الي أطلب باختصار !!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!

[نبض القلـم]

عفوا يالملتاعة ..

بس خلاص .. تكفين اثبتي على هالوزنية !!!!

[نـدى الـورد]

يا اخواني الاعزاء ..


على رسلكم...


الموضوع لايستحق هذا الاسلوب ... ونثر الكلمات الغير مرغوب بها


التي من الممكن ان تفرق بين الصفوف


لكل حكومه في اي مكان انضمتها التي تميزها عن غيرها


ونحن تحت بنود مملكه بريده ولهم احقيه في فرض مايريدون


وانا برأيي ....كثر خيرهم بأبلاغنا عما يفعلونه


ولا اعتقد ان هناك برسايلنا الخاصه اشياء


مهمه نخشى الاطلاع عليها


فا اتمنى ان تكونوا اكثر ليونه واستجابه


لشيء يكون مهم للمصلحه العامه



والله يوفق الجميع
.
























.

[نبض القلـم]

اقتباس:  المشاركة الأصلية كتبت بواسطة &سكون الليل&     يا اخواني الاعزاء .. على رسلكم... الموضوع لايستحق هذا الاسلوب ... ونثر الكلمات الغير مرغوب بها التي من الممكن ان تفرق بين الصفوف لكل حكومه في اي مكان انضمتها التي تميزها عن غيرها هذا واقع فعلا ومشاهد .. فهناك الحكومات الديموقراطية .. وهناك الحكومات المستبدة .. وفرق شاسع بين شعوب الاولى وشعوب الثانية التي تنجب الانتفاضات والثورات لاستعادة الحقوق !! ونحن تحت بنود مملكه بريده ولهم احقيه في فرض مايريدون هذي الي تتكلمين عنها وتوصفينها ماهيب مملكة يا سكون الليل .. هذي إقطاعية !!! وبعدين ما قلتي لنا : هل ادارة هالمنتدى راضين عن وصفك هذا ؟؟؟ يعني هل هم فعلا يعتقدون ان من حقهم فرض ما يريدون حتى بدون موافقة الأعضاء كلهم ؟؟؟ وانا برأيي ....كثر خيرهم بأبلاغنا عما يفعلونه كثر خيرهم كثر خيرهم .. ما قلناشي .. بس يقنعوننا !! ولا اعتقد ان هناك برسايلنا الخاصه اشياء مهمه نخشى الاطلاع عليها طيب يا سكون الليل .. قسم المشرفين ليه ما يفتح لنا نشوف وش يدور فيه ؟؟؟ هذا مقابل هذا !! بس لا أحد يجي يقول لي فيه فرق بين الاثنين .. لأني أتكلم عن نواحي التوافق الي هي ( الخصوصية ) !!!! فا اتمنى ان تكونوا اكثر ليونه واستجابه لشيء يكون مهم للمصلحه العامه تمنيت انك توجهين نفس الكلمات لأصحاب القرار .. لأن الحلول الي طرحناها تتحقق فيها المصلحة العامة من دون أن يغضب أي طرف .. وهذا هو المطلوب .. والله يوفق الجميع . .

أحييك يا سكون الليل .. مداخلتك تحمل قدرا كبيرا من الأدب واحترام وجهة نظر الطرف الآخر ..
أي أنك لم تكوني كبعض من دخلوا هنا فقط لتسفيه آرائنا وفرض قرار الهاك علينا بالقوة وبدون اقناع ...

[جوااااااااد]

اقتباس: وانا برأيي ....كثر خيرهم بأبلاغنا عما يفعلونه

يا سكون الليل ...

المنتدى للجميع وليس لشخوص محددين

او

انا غلطان يا اعضاء المنتدى الاعزاء