مهما تروح وتبتعد ماقدر أنساك
صورتك في داخل عيوني سكنها
أعيش كل الوقت مع طيف ذكراك
ياروحي اللي ما تبريت منها
تنور حياتي لا تقابلت وياك
وتذبل وردي لابتعدت عنها
يا كثر ما أحبك وياكثر مهواك
محبتي لك ما يقدر ثمنها
حبيبي من يقـــول ان البعاد يسلــي الأحباب ...
ومن ذا الي يقول بعادنا ينهي مواجعــنا ..
أنا وشلون أبنسى وأنت بين الجفن والاهداب ...
أنا وشلون أكابر وأبتعد والجرح يجمعنا..
شوف تأثيرك من الجرح الوثيج احتباس الدّمّ في وسط العروق
وانحدار الدّمع كالسّيل الدفيج من شوامخ سحبها رعد وبروق
في قتام الوقت ضيّعت الطّريج ما ظهر في ليلي المعتم شروق
موجكم طامي وانا بلجّه غريج في بحورٍ موجها غزر العموق
من بشاكي بك ونا منّك عويج لى ظلم قاضيك ضاعت لي احقوق
ما يعاتب قلب لمحبّ الشفيج غير من لا ذاق طعم الحب ذوق
يا رفيج الخير قل لي يا رفيج كن معايه دايمٍ صافي صدوق
شوفكم يشعل وسط جوفي حريج ومن يطيق النّار واشعال الحروق
لو جبال (اعسير) حملي ما تطيج اصبحت بركان مطحونه دقوق
تحيي الأشواق نفحات الأريج نابض الذكرى يجدّد لي طروق
صوبكم قلبي ابدقّاته خفيج مع هوى النّسمات مشطون خفوق
من قبض لخطام بالكفّ العويج مثل من يمّن لامانات السّروق
لو ظمّيه حدّها حرّ الوهيج توّها ع مورد المسقى دنوق
بسكرات الموت حيّه ما تفيج لدّها المنهاج لو كانت سبوق
حرّ شامي ما ينال الاّ الخفيج شاف ربد الصّيد والشّارد عتوق
((وداعيه))
ماودي ارحل بس صارت النيه
بودعك والمدامع منك تبكيني
بالموقف الي به الكلمات عفويه
بودعك والمشاعر بك تعزيني
في دفنة الحب وقلوب الهوى حيه
سالم من الدمع به شي معنيني
واحلى اليال كما الصفحات مرويه
والي من الهم فيني منك يكفيني
حل الفراق وليال الحب منسيه
باخذ معي صورتك يمكن تسليني
وقصايد الحب في شارعك مرميه
وانقش حروف اسمك في قلبي وبيديني
واكتب قصيد ه واسميها الوداعيه..
العرض العادي
