مرحبا بارتفاع المعيشه اذا كانت تفعل كذا !!!!!

[ابوسليمان22]

من قال لك ان الناس امورهم الماديه زينه .كل اللي تشوف مع الناس من سيارات واراضي وبيوت اقساط باقساط.

انا مثلا لي 12 سنه موظف وراتبي زين لكن ليس عندي ارض للبناء وساكن بأجار .

ما اقدر اشري ارض لأن الأراضي غاليه .والاجارات غاليه والمواد الغذائية غاليه والسيارات غاليـــــــه .....الخ.

لأن التجار بكل مجال آخذين راحتهم بكل شي .يبيعون السلع بدبل السعر (الله لا يغنيهم)

ومع ذلك تصدق اني لم ادخل بالأسهم حتى الإكتتابات لم اكتتب.

فكيف سوف تكون حالي لو اني فعلت مثل بعض الناس الذين اخذوا اقساط بالمئات ودخلوا بالاسهم.

[جلوي العتيبي]

بالفعل اخي عاشق ديرتي هو واقع مشاهد وملموس

ربما هي مواكبة الموضه وتطورات العصر

حتى أن بعضهم تأخذه الشكليات والكماليات على حساب الأولويات والأساسيات وكلها ديون وقروض

الضغط المادي هو أكثر مايثقل كاهل الأسر وأكثر مايسبب الضغوطات النفسيه على أرباب الأسر

وليست الشكليات دوماً تعكس الواقع

ربما تقاليد وعادات مجتمعنا تجعل ركوب السياره القديمه عيب !!! رغم قبولها في مجتمعات قريبه منا ( في مدن أخرى )

شكراً اخي عاشق

[الذاهبة]

وليدي غسان يبي له رانج سوداء ..

جبت له من محل الألعاب همر حمراء قلت له ياوليدي مشي حالك ..

إلين الله يفرجه ..

و بنتي ريفال تبي ساعة ماس ..

جبت لها ساعة سواتش .. و تحمد ربه

دايم أنصحهم يا عيالي اتركوا المهايط ..

هايطنا قبلكم و تكبدناها خساير موجعه ..

هذا ابوكم شيب راسه و هو لسه ما عمّر لي Byte ..

و انا طاحت اسنوني و ماركبت اللكزس اللي واعدني فيها أيام خطوبتي ..

يابابا عبدالله .. نبي قروش ..

متنا .. هلكنا ..

شعبك دجيج .. الله يحفظك ..

إلحق عليه قبل يصير دجاج ..

هه !

[أ. صالح النويصر]

وجهة نظري المتواضعة وباختصار اخي عاشق ديرتي بريدة
لن ترى نكسة ارتفاع المعيشة قبل خمس سنوات من الان فنحن الان نستهلك ماذخرناه سابقا ومتى مانفذ سترى ماكنت متعجب منه

[عبدالله الحلوه]

عاشق ديرتي بريدة


اعتقد ان الأمور مترابطه مع بعضها البعض وخسارة الأسهم لها تأثير كبير على ماتراه

فماحدث بسوق الأسهم دفع اصحاب رؤس الأموال إلى التفكير بطريق آخر كان العقار والأستثمار فيه افضل الخيارات مما تسبب بعدة امور منها ارتفاع اسعار الأراضي وكذلك اسعار المواد بسبب اتجاههم إلى بناء العديد من المشاريع العقاريه

ايضا لاننسى بعض المؤثرات الأخرى كزيادة دفعات البنك العقاري والتسيهلات البنكيه لراغبي شراء المساكن وبناءها مما تسبب بضغط كبير على سوق مواد البناء بشكل عام

تردي الأوضاع بسوق الأسهم جعل الكثير من مرتاديه يخرجون منه ويستغلون اموالهم بطرق اخرى سواء استثماريه او استهلاكيه بشكل مباشر او غير مباشر مما رسم هذه الصوره



تحياتي ,,,

[هين هين]

عاشق ديرتي بريدة

كلامك صحيح

مع التسهيلات التي تقدمها البنوك للأقراض
وشركات التقسيط المنتشرة اخيرآ
اصبح اغلب الشعب غرقان بالديون
وسوف ترى اثارها السلبيه في المستقبل القريب
اغلب الموظفين الأن يحصل على ربع الراتب فقط بسبب الديون
عايشين بالعسل
سياره جديده بالتقسيط
بيت جديد وبالتقسيط
اثاث جديد وبالتقسيط
تسهيلات التقسيط طغت على كل شي
حتى الأجهزه الكهربائيه بالتقسيط المريح
الاتلاحظ ان الناس تغيرت تصرفاتهم بسبب الديون والخسائر
تغيرت نفسياتهم دقق في وجوه من حولك من الأقارب والزملأء
ترى العجب.....
لاحول ولا قوة الابالله

الله يفرج كربة كل من عليه ديون

تحياتي للجميع


ا

[عاشق ديرتي بريده]

اقتباس:  المشاركة الأصلية كتبت بواسطة هين هين     عاشق ديرتي بريدة كلامك صحيح مع التسهيلات التي تقدمها البنوك للأقراض وشركات التقسيط المنتشرة اخيرآ اصبح اغلب الشعب غرقان بالديون وسوف ترى اثارها السلبيه في المستقبل القريب اغلب الموظفين الأن يحصل على ربع الراتب فقط بسبب الديون عايشين بالعسل سياره جديده بالتقسيط بيت جديد وبالتقسيط اثاث جديد وبالتقسيط تسهيلات التقسيط طغت على كل شي حتى الأجهزه الكهربائيه بالتقسيط المريح الاتلاحظ ان الناس تغيرت تصرفاتهم بسبب الديون والخسائر تغيرت نفسياتهم دقق في وجوه من حولك من الأقارب والزملأء ترى العجب..... لاحول ولا قوة الابالله الله يفرج كربة كل من عليه ديون تحياتي للجميع ا

هلا اخوي هين شاكر على ردك وقبل هذا شاكر على فهمك للموضوع
وهـ يادافع البلاء توي القى تعليق احس انه فاهم الموضوع صح
هين تكفى اذا رد على الموضوع الراي الاول اشرحله مليت وانا اشرحله من الظهر
شكل عبدالله الحلوه مقفل مخ الراي وهو مادري !!!

[رحّــال]

اخوي عاشق ديرتي
كلامك صحيح والكل يلاحظ الشئ اللي ذكرته
يعني الشخص راتبه 4000 ريال ويصرف بالشهر مايقارب 7000 كيف ؟؟؟؟؟
هذا طبعا من فضل رب العالمين علينا فمع جشع التجار وارتفاع الأسعار في كل شيء إلا أن الله يسهل الأمور ويرزق المسلم من حيث لا يحتسب فالحمد لله على نعمه .....

[الفاتح]

من أمن العقوبة اساء الادب
مشكلتنا انه ليس هناك من يحميك

لجان حكماية المستهلك قاعدة تناظر سبيستون مو فاضين لك

وبعضهم شيبان دايخة يتابعون سميرة توفيق وهي تقول ( ياهلي صبو القهوة زيدوها هيل ) ومتسدحين من الفرحة يحسبونها تعنيهم اذا غمزت

ياشيخ تذكرون البياجر وسالفتها ؟ والله فضيحة بالعالم البيجر يوصل سعره الى 6000 الاف ريال وهو يحط باذان البقر اذا جاء وقت الحلب

اقول لكم الله ياحبايبي وعقبال ارتفاعات ثانية قادمة

على فكرة ترى في الدول الاخرى اذا ارتفعت سلعة بسبب ارتفاعات السوق العالمي تجبر الدولة على دعم هذه السلعة لتوفيرها بسعر مناسب لشعوبها

حنا لا يزود عليها بعد علشان يلعنون خامسنا التجار ولا احد يقولهم شي

لكم الله ياشعبي العزيز

[الرأي الأول]

اعجبنى كاتب مقال فى جريدة الرياض

ذكر انه بصدد الطلب من امانه الرياض الموافقه على بناء بيت من الطين

وذلك بسبب ان لايكون هناك مبرر لارتفاع مواد البناء لارقام فلكيه 0000000000 !!!

الغلاء موجود وماتراه ماهو عكس ماتتصور

اذا اردت العلم الصحيح عليك بسوال التجار انفسهم

تحياتى لك

[عاشق ديرتي بريده]

اقتباس:  المشاركة الأصلية كتبت بواسطة الراى الاول     اعجبنى كاتب مقال فى جريدة الرياض ذكر انه بصدد الطلب من امانه الرياض الموافقه على بناء بيت من الطين وذلك بسبب ان لايكون هناك مبرر لارتفاع مواد البناء لارقام فلكيه 0000000000 !!! الغلاء موجود وماتراه ماهو عكس ماتتصور اذا اردت العلم الصحيح عليك بسوال التجار انفسهم تحياتى لك

لاتعليق
مازال الفهم مقفل !!!

[الكبري]

[align=center]
عاشق ،

الملاحظة في السوق وغيرها من الأماكن التي يصرف فيها المال غير دقيقة ،

كثير من الناس خسروا لكن ليس كلهم ،

من تراهم يشترون من لم يخسروا أو من استعانوا بالتقسيط وهم كثر ،

الثقافة المصرفية الجديدة ادخلت نوع من الترف الزائف ،

قبل سنوات قليلة كان أفضل شاب سيارته ددسن ببضعة آلاف بلا تقسيط وتجده مقتنع ،

الآن السيارة التي مع الشاب وقيمتها تتعدى الخمسين ألف يعتبرها عادية جداَ ولم يقتنع ،

الفارق أن الناس اتجهت للمظاهر الكاذبة ،

نتطور فقط في صرف المال ،

تحياتي [/align]

[@ ابتسام @]

اللي تشوفه من شراء بيوت واستراحات وسيارات كله تقسيط في تقسيط يعني الواحد بيدخل قبره وهو يسدد للبنوك مهب غنى وتجاره والا انه يقول انا خسران وهو وراه ميلان ... هذا اللي تاكد منه الا القليل النادر من الناس

[التـويـجـري]

اقتباس: اشوى لقيت احد مثلي يشوف اللي اشوفه

يجماعه هذا اللي كان شاغل تفكيري ورب البيت

بس بعد تفكير عميق استنتجت شي
الناس كانت قعيطيه شوي جلده يمسكون الريال
بعد خساره الاسهم مابقى الى شي قليل . صاروا يفكرون يقولون كل هالسنين حارمين انفسنا وطارن

يارجل متع عمرك بالقليل هذا .
هذا استنتاجي
كل شي ارتفع ومازال فيه ناس تشتري .
الناس صارت ترمم وتعمر وتسوي اشياء ماكنا شايفينه اول

عموما اللهم لك الحمد والشكر على كل حال

وان شكرتم لازيدنكم

اللهم ادمها من نعمه واحفظها من الزوال .

[التـويـجـري]

وعلى فكره سؤال الوليد بن طلال

هل هناك اضرار من انهيار سوق الاسهم
اجاب هناك اضرار لمده 4 شهور تقريبا وعاد الحال كما عليه
بيجي واحد يقول كيف عرف

يقول مبيعات بنده العزيزه تاثرت لمده اربع شهور بعدها عاد الحال افضل من اول

تحياتي لكاتب الموضوع صدق شي يحير

اللهم لك الحمد والشكر