شباب من بريدة يلغي مصطلح (العيب) من قاموسهم .. تقريرمن القناة الأولى (بالصوروالفيديو)

[عجوز سمنسي]

[align=center]

اقتباس:  المشاركة الأصلية كتبت بواسطة fataa_ksa     جميل أن يكون لدينا شباب مثل هؤلا .. لكي نكون مستعدين للإستغناء عن البنقالي ورفاقة .. الله يوفقهم .. ويكثر من أمثالهم .. شكرا لك العجوز السمنسي

هلا بفتى المملكة

ياحبي ياكثرهم اللي عندنا من النوعية

شباب متحمس لكنه يحتاج للدعم

مايبي من يثبط معنوياته ويحبط آماله مثل صاحب المحل اللي رفع الاجار عليهم

وربي لو هو بنقالي كان خفض الاجار عليه لكن ما ادري وشلون يفكرون ربعنا وكيف يحسدون عيال ديرتهم

يدبل عليهم الاجار دبل ؟ وربي انه انسان خايس وتافه وحقير مهما كان له من الحق فهو لم يرفع الاجار لانه حق بل رفعه حسدا لهولاء الشباب الطامح

دمت بحبي [/align]

[العشق الأزرق]

والله اننا نفرح حينما نرى أمثال هؤلاء الشباب الطموح الذي يكسب رزقه من عرق جبينه ولم يذهب الى احد المساجد أو المجمعات ويمد يده للناس
الى الامام والله يرعاكم

[التنين]

عار عليك يالواصل ماقلت عظيم

[الصارم محمد]

ماقصرت وهؤلا الشباب الله يرزقهم ويعافيهم لكن وين مطعمهم هذا عشان نشري منهم والله يستر لايصير بس قدام الكاميرا

[دقات قلبي]

والله إنهم مصدر فخر لبريدتنــــــا الغالية ولأهلها

عساهم ع القوة والله يرزقنا وياهم الرزق الحلال

وبعدين عمر شغل الرجـال ماكان عيب إلا إذا كان في حرام

الرسول صلى الله عليه وسلم وهوأطهر من داست قدماه على الأرض كان يرعى الأغنام ــ بأبي هو وأمي

وبصراحة ضايقني رد ... الواصل!!!

ليش ياخوي يعني إذاكان الواحد سعودي يكون عيب أو عار لا والله العيب إنه يكون شاب ذو قدره ,و وهبه الله العقل وأعطاه القوة ....ويجلس عاله على أهله ..والسبب أنه يريد عمل مريح جداً...جداً..جداً
فبحث ولم يجد الراحة إلابالجلوس بلا عمل أو وظيفة..

وبعدين فعلاً ممكن إن مهنتهم هواية ليس من السهل أي أحديتقنها وينجز ماأنجزه هؤلاء الـــرجال

الحين أبي منك ياأخ عجوز سمنسي تجيب لنا إسم المطبخ عشان مانتعامل إلا معاهم>>>>هههه خلاص قررت

أتمنى إنهم ما يحبطو أوتقل عزيمتهم وهمتهم
بسبب أعداء النجاح ((الحسوديـن)) أمثال المؤجر اللذي ضاعف الأجار عليهم
ويمتلكون موقع خاص بهم إن شاء الله....

شكراً...تقبل مروري ..ورأيي

صديقة المنتدى الجديدة .. دقـــــ قلبي ــــــــات

[•°سـرىآ اللـيـل°•]

لايالواصل !!!!!!!!!!! أجل عار حال شباب أغنى دولة بالعالم !!!

ومش عار دشارة شباب أفضل دولة إسلامية بالعالم ؟ وإلا العار بس بالشغل وكسب الحلال ..

أما الضياع والإنحلال عادي لو هم من بلاد الحرمين !!

وبعدين غيرهم وين قاعدين ؟! بالإستراحات ولعب وهدر أوقات على الفاضي..

الله يكثر من أمثالهم الشغل مو عيب أياً كان ..

وبعدين وش أغنى ما أغنى .. رح لأمريكا وشف كيف حياتهم الواحد هو اللي يصبغ بيته ويضبطها ولايحتاج لعمال ..

ناااس يكتفون بأنفسهم ... لكن مشكلتنا أن شبابنا شايفين أنفسهم على لاشيء ..

تجي الأيام وتجيب خير ياأطلق شباب بالعالم ...

أهذب تاهيه’

[قصيميه بقوه]

ماشاء الله شباب يرفع الراس

الله يوفقهم
والاكل شكله لذيذ الله يوفقهم يارب

[بنت البدائع]

نموذج رائع .. ربي يوفقهم ..

شكراً عجوز ..

[الكيماوي]

طلب الرزق والمعيشه ليس عيباً أبداً والف تحية للنشامى الطباخين .

ولكن العيب على حكومة دولتها أغنى دوله في العالم وشبابها يعملون في المطابخ وفي مغاسل السيارات .

[الرحـّـال]

[align=center]

كل الشكر والإحترام لمنصور الضبيعي

ذلك الاعلامي الذي يستحق منا كل الشكر والتقدير فهو بحق رجل
يعمل لأجل بريدة وتشجيع شباب بريدة من خلال تقاريرة عن مدينة بريدة
وأبنائها

وشكرا
لهؤلاء الشباب الذين بنوا لبنات الشموخ دون النظر إلى سفاسف الأمور
والأعذار المثبطه للشباب

شكرا لك
عجوز سمنسي .. وشكرا للغالي قرناس[/align]

[مهب الريح]

ماشاء الله تبارك الله .. ـآ

بإذن الله سيكون عليهم الزبائن . بغية التشجيع على هذه الروح التي قهرت كل الظروف .. // ـآ

شكرا يالعجوز
شكرا قرناس
شكرا منصور الضبيعي


محبكم

[مان بيتزا]

[align=center]


أخي الواصل : ( العمل الحلال ما عمره كان عار مهما كان ،، العار هو انك تقعد بالبيت او تفلها بالشوارع والاستراحات بدون عمل ،، الرجل خلق ليكد ويجتهد ويثبت مقدرته على العمل ..


ويقول صلى الله عليه وسلم : " لأن يَأخذَ أَحَدُكُمْ حبلَهُ فَيأْتِي بِحُزْمةِ الْحَطَبِ على ظهرِهِ فَيبِيعها فَيكُفَّ اللّهُ بِها وجههُ خيرٌ لَه من أن يسأل الناس أعطوه أو منعوه"
ويقول عمر رضي الله عنه : ( أرى الفتى فيعجبني ، فإذا قيل لا حرفة له سقط من عيني )
والإنسان أخي الكريم لا يولد وفي فمه ملعقة من ذهب بل عليه ان يسعى في طلب رزقه ويتدرج خطوة خطوة
حتى يبلغ أعلى المناصب .. !! فمعظم أغنياء العالم لم يولدوا أغنياء بل بمجهودهم وتفكيرهم الايجابي وصلوا

الى ماهم عليه ..!! فهل ينتظر شبابنا بأن تمطر عليهم السماء ذهبا وفضه حتى يغنيهم عن العمل!!
الله يعطيك العافية أخوي (عجوز سمنسي )على الموضوع الجميل .


ولكم تحياتي[/align]

[الرأي الأول]

تقرير اكثر من رائع

يمثل شريحة من الشباب الواعي


ولو شبابنا يترك الكسل ويتجه للعمل الخاص

فوالله ان يتبدل حاله ويتغير بكثير من التطور

ويترك الرواتب الزهيده عند الحكومه او في القطاع الخاص

[I• Brâve heârt •I]

8
8
8

والله من زين النثاااااااااااااااااااري

وااااااااااااااااااااربيه ... يومـ شفت يديه اشتهيت مقلووووووووووبه


الله يعطيهمـ الصحه والعافية ويوفقهمـ ويرزقهمـ على قدر نياتهمـ ويفتحلهمـ اوسع اوسع ابواب الرزق يارب ..

واسجل احتجاجي معكمـ ياجماعه على رد اخونا العزيز ( الواصل )
واللي اتوقع انه استعجل بالرد بهذا الشكل
وبالعكس اللي يسوونه قمة الفخر وقدرهمـ عند الناس بالعلالي ,, ورح اسال وشف

تحياتي للكل وخصوصي خصوصي للعجوز وقرناس

[أبو حكيم]

دائماً مايتحفنا زميلنا الفاضل منصور الضبيعي بتقارير رائعة حقاً ............ اسجل إعجابي بأبن بريدة العزيز



في الحقيقة يجدر بنا أن نشد من أزر كل شاب اختار الكسب الحلال بعرق جبينه ......... ويجب على المسؤول الأول بالمنطقة أن يقف مع هؤلاء الشباب لتسهيل أمورهم وتشجيعهم على مواصلة العمل وتذليل الصعاب خاصة مع المؤجر ..... " 40 " الف بدل "20" إنه الجشع عندما يعمي الأنسان


شكراً لك عزيزي ..... عجوز سمنسي .... وقرناس فأنتم نقلتمونا إلى البرنامج وعشنا معكم مشكلة أبناء بريدة ,,,, أسأل الله أن يرزقهم ويوفقهم ويبارك فيهم ..... يارب


أشكركم جزيل الشكر ,,,,,,,,,,,,