بجد ليش الرجال مو طايقين الحريم والحريم مو طايقات الرجال..شوفوا لكم حل واتفقوا
<< ملاحظة هالشي من جت هالمنتدى
(((((((( نرجع للمووضوع))))))
قبل كل شي ترى فيه زوجات طيبات ينحطون عالجرح يبرى..بس الظاهر ان الشر يعم
وهذا ممكن يكون سبب لكتابة الموضوع..
عموماااااااااا الحالات من 1 الى 5 بالنسبة لي حكمها واحد::
الرجال الي من هالنوعية ..يبي لهم شدة وقوة شخصية ما يصير تراة تلوي ذراعك..
طبعا انا مرأة..ولكن اقولها حقيقة..لا يعجبني هكذا رجال..
مو مطلوب تصير وحش..ولا تقهر زوجتك..ولا تعذبها..وقت الحزم حزم والمزح والمسايرة بالمعقول..
اما تدلع عليك..وتسوي أميرة..عطها موقف و كلمة كاش:: (بالطيب..ما جت..قلها البسي ويالله بيت ابوك..من اولها..مو ترخي الحبل وتتعود عليك..وتصير تبهدل فيك..اصلا ما هي حلوة لا بحقك ولا بحق زوجة تسوي بزوجها كذا) ..خلها تاخذ درس..تعرف تحسب للزوج الف حساب..ولا ترخي الحبل الا اذا صارت عاقلة..وانتبه من حركاتها المستقبلية يمكن تعود لها..ترجع لنفس موقفك وأقوى ..تخليها تنسى ولا تفتحه بعد..
وش هالكلام بصراحة..عيب وش هالتصرفات تفشل..اسكتوا بس لا تقولون لحد
يا صدى الصوت يا أخيي ودي اصدقك ولا تحسبن أقول أن تكذب لا تفهم قصدي غلط لكن معقوله فيه حريم من هانوعيه ممكن ليش لا بس مع احترامي للرجال الي تتكلم عنهم ماعندك احد يجماعه العود من اول ركزه والمفروض والعلاج الأكيد أنه يسهجون حريمهم ويزعلون ولا يتكلمون لمدة يومين ويعطيهن العين الحمراء أزين من المسايس ولا اقول عنف على طول بس فتره وبعدها يرجع طبيعي ويبداء يدلع على شوي شوي وبكذا تبداء الحرمه تعرف نقاط وناسة زوجها وتبتعد كل البعد عن إزعاله لأنها تدري إذا ازعلته طلعن عيونه حمر ويقولون أسئل مجرب ولا تسئل طبيب ههههههههههه الله يعين والحريم مهب واحد والله يكون في عونهم
يعني إذا أنت كريم بتأخذ بخيله
وإذا كنت بخيل بتأخذ كريمه
وإذا أنت رومنسي بتأخذ جلفه
وإذا أنت جلف بتأخذ رومنسيه
وإذا أنت مالك شخصيه بتأخذ زوجه قويه شخصيته والعكس
وإذا أنت شين بتأخذ جميله
وإذا أنت جميل بتأخذ شينه
وإذا أنت قصير بتأخذ طويله
وإذا طويل بتأخذ قصيره
وإذا أنت سنع بتأخذ رفلا
وإذا أنت أرفل بتأخذ سنعه
وإذا أنت حار بتأخذ مهينه وبارده والعكس
وعليك الحسبه
نسيت شي إذا أنت راعي نكفه وتشرط تراك بتأخذ أردى أنواع الحريم
والكسبان هو القنوع والقنوعه
وترىإذا الرجال اللي يقدر يلقى وحده تقدر تراه أمه داعيه له
ويعتبر من الشواذ
وتعليقا على قصصك
الرجال اللي زوجته تنام ولا تصحى له
كثر خيره هو اللي عوده يوم إعتادت جاء يشكي
لو من البدايه لهم نظام معين ماراح تجي فجاءه وتغيره
بس هو الله يصلح حاله خلاه على راحته يوم إعتادت جاء يشكي
أما اللي تبي تسافر لدوله ماراحن له صديقاته <<<<<<<<< واضح إنه صغيرة عمر وعقل
وأما هذي الحاله لو أنا مكان زوجه كان حطيت إيدي على قلبي
قل لرفيقك هذا زوجتك مو ماتحس فيك أو إنه صدق راعية مشاوير وماتقدر
بس هي حاطه براسه تبي سواق ومن باب الضغط عليه وعلشان يلبي طلبه
تكثر عليه ودني وجبني ولا تنام وبروح لأهلي
<<<<<<<< بس لاحظت إنه واثقه إنه طايح عليه ولا يستغني وعلشان كذا هددته بهالشئ
والله مشكله ان صرت بصف الرجال زعلن الحريم والعكس صحيح لكن اقول ليس هناك رجل او امراءه كامل ابدا ولكن الحريم بهن عيب التقليد الاعمى اما الرجل فيه عناد ووده ما يكسر كلامه .............ولكن الذكي منهما الذي يصير ما يريده بدون زعل الطرف الثاني............. تقبل مروري يا صدى
ياشيخ العلة تكمن فيك أنت أيها الرجال .,
للأسف نحن في زمان (( أسود or أبيض )) يازوج يقتل زوجته يازوج يعبدها .,
نريد أن نلون حياتنا باللون الرصاصي لنعيش حياة وسطية بعيده كل البعد عن التطرف .,
هذا كله بماكسبت إيديكم ,, بني قومي تعودوا على الإنصياع خلف مشاعرهم فإذا أحبوا أسرفوا وإذا كرهوا أجحفوا .,
نرى زوجة تحب زوجها وبالمقابل لايقدرها كإنسانة لها كرامتها وقدرها في الحياة ومع ذلك تضل صامته تتجرع هذا العذاب بل أنها تبتسم من زود الدلاخة .,
وأيضاً الرجل قد يحب زوجته وحينما ترى هذا الشيء واضح عليه تتصرف ببجاحة و تستغله إستغلال سيء لتحقيق رغباتها .,
ولاتهتم لبناء أسرة مسلمة يجب أن تتأسس على تفاهم وأخلاص وصدق وليس إستغلال وحكم غاب .,
لذلك نصيحة أوجهها للجميع هنا من شاب وفتاة لاتوضحوا حبكم الشديد للطرف الآخر فنحن في زمان دجال لايعير للصدق أي إهتمام بل يستحقره .,
نعم ليوضح كل واحد للأخر أنه مهم في حياته ولايستغني عنه ولكن بالمقابل يوضح أن الجميع هكذا فلاغنى للمرأة عن الرجل ولاغنى للرجل عن المرأة .,
ولايعني هذا أن يكون الزوج حكاية زوجته في كل مجلس لاتتكلم إلا به ولا تهذي إلا به وكأنه من يكون لإن هذا التصرف سبب لحقران الزوج لزوجته والعكس أيضاً .,
أحبك , أغليك , أقدرك , أحترمك , وعلى عيني وراسي لكن لاتتعدى حدودك معي ., وإلا سيتبدل الكلام لكلام آخر .,
هكذا سيسلم الجميع من حركات الإستغلال العاطفي .,
أهذب تاهيه’
الواحد بالمجالس لازم يفضفض ياحبذا يلقى حل منا ولا منا من اصحاب الخبره
يا أخيي بدينا نخاف من الزواج وعيال هالوقت لا من بنات ولا من عيال والله ما تسرحهم والا مع غنم ما يعتمد عليهم
أجل تبيني أتزوج وحده تنام من نص الصبح ولا تقوم إلا أخر الليل بالله عليك هذي تصلح زوجة إذا بيتها وامها ما خدمتهم ولا تعودت بكرى إذا صارت بيت رجله بتنام بعد أستغرب كيف البنات كذ عايشات والسبب يقولن اهلنا مو بحاجة لنا فييه شغالات طيب انعبوا بليستس ما تقدرين أمك تقوم من فجر الله تشتغل وتجهز غدا أبوتس طيب أقل شي إذا قرب يذن الظهر قومي صلحي شي صلحي السماط إغسلي الخضرة أقل شي إقعدي مع ابوتس وهو يتغدى ما تقدرين أبوك وما تقرين إخوانتس يا صمتي أنت عند اهلك بالقصيم الخوف الي مو عند أمه وإذا جاء من الدوام ولقاها مبلبطه نيمه بالقصيم أقل شي تورح تلفيك أميمك بس إذا أنت مغترب ما لك إلا أبو يمن وربي مو عيشة أبتل عزوبي أحسن
أجل بنت عمرها 20 وطالع ما تعرف تطبخ وتقول ما لي خلق المطبخ وش لتس خلقه نت وجوالات وهمق فاضي
ايه خليها على ربك الدعوى مدحدره ماني متفاجأ إذا تزوجت الكاتم والملقمة أبولمهن وأجيبهن للشقه وأتستس هالكويتم وألدزم هالقهيوة ونوكلها لاتموت جووع الشكوى الله ولا أكل من يماني متعودين نخدم أرواحنا
العرض العادي
