حايمة كبدي حد اللآنهاااااية ...

[سراج اللوذه]

اقتباس: لا وكلش ولا اللي تجحد ( حمله ).. يعني تجحدين أول الشهور وبعدين تطلع كرشتك وبندري غباااااااااااء وليه تجحد عشااان العين .. ياشين هالتفكير بعد ماتنفع الجحاده بس ودي ادري وش فايدة جحادة الحمل

أليست هذه من الخصوصيات ..التي .. يفترض إن تكتم حتى يشاء الله لها .. أن تتم وتكتمل ؟!
خاصه وأنه ليس من حق الزوجة الاعلان .. إلا برضاء زوجها ..
رزقنا الله وأياك الذرية الصالحة ..
ربما بعدما تتزوجين .. سوف تدركين ... قيمة السكوت عن هذا .. إلى حينه !!

["غرك غلاك"]

ضدها

أنا لي صديق يموووووووت بالجحادة ويسألن عن أشياء خصوصية وغيرها يأخذ من حتى حكاكة الهرج
ولا سألته عن أي شيء يخصه يضيع السالفة ويدخلك الأثل

وهذي تسمى أنانية الجحادة كما عرفها أحد أعضاء الاستراحة عليه ووصف بها

حتى بعضهم لقبه بـ (سين سؤال )
وصارت الهرجــــــــــــة
جاء سين سؤال
راح سين سؤال
الطبخ على سين سؤال
ما شفتوا سين سؤال

[قيدوم]

غرك غلاك

هذا اللي يجيك من هالأشكال

تحيتي ,,

[قيدوم]

[align=center]
مستحيل ماعمري سمعت يقول الرجل لزوجته لاتعلمين
بالعكس دايم الرجال شق قربة مايعرفون الجحادة
ومحيطي العائلي من الرجال ينتقدون الجحادة بأشكاله
وإذا جحدوا ياويلي يكون ظغط من القوة العظمى
ولست أرى الحمل خصوصية أسمح لي
هذا شي ظاهر للآخرين

اقتباس: ربما بعدما تتزوجين .. سوف تدركين ... قيمة السكوت عن هذا .. إلى حينه !!

لاتعليق ..[/align]

[سراج اللوذه]

اقتباس:  المشاركة الأصلية كتبت بواسطة قيدوم     [align=center] لاتعليق ..[/align]

خيره

[قيدوم]

[align=center]
بعيدين قلت الجحودين .. لايقتربون
المكان هنا مشتعل ,,
خخخخ[/align]

[قيدوم]

[align=center]

اقتباس: لكني ايضاً ضد الزعل اذا جحدوا العالم بخصوصياتهم

ومن جاب طاري الزعل حسافة عليهم
الزعل للناس اللي غيرهم
هي صفة قبيحة إن صح التعبير أبغضها وانتقدها وبشدة

شكراً لحظورك ,,

تحيتي ,,[/align]

[مضيعه بريده]

ووو ياالجحاده والله عاده قبيحه

بس كأنك تتكلمي ع حمولتي قسم يحمقووو ن

الحمل يجحد والسفر يجحد والسوق يجحد
اا ليتي اعرف اجحد بس عجزت معرفي بمتدى بريده علمتهم

احس الي يجحد هذا مررريض

[قيدوم]

اقتباس:  المشاركة الأصلية كتبت بواسطة مضيعه بريده     ووو ياالجحاده والله عاده قبيحه بس كأنك تتكلمي ع حمولتي قسم يحمقووو ن الحمل يجحد والسفر يجحد والسوق يجحد اا ليتي اعرف اجحد بس عجزت معرفي بمتدى بريده علمتهم احس الي يجحد هذا مررريض

ولايضيق صدرك ياكثر شاكلتهم هنا وهناك

أهلاً فيك

تحيتي ,,

[ونة خفية]

مالي ومال خصوصيات الآخرين فهي ليست من الواجبات الدينية التي
يتوجب علي العلم بها وبحذافيرها وتكون السبب في دخولي الجنه أو النار
ومعرفتها من جهلها لاتزيد ولاتنقص شيء في ثروتنا المعرفيه
/
كما جحادة عن جحادة تفرق
جحادة في خصوصيات الفرد هذا من كامل حقوقه ولاضير في ذلك
وجحادة طيب الناس ووقفاتها مع ناس وقت شدايدهم هذا هو حريا بالحديث عنه
لأنه الأكثر إيلاماً

ولكِ خالص الشكر عزيزتي

[عاشق الكلمة]

[align=right]

من منطلق
إقضوا حوائجكم بالكتمان ..

بدأ الناس يجحدون
لكن
كأنهم امتدوا ومغطوا السالفة حبتين
حتى نوع العشاء صار مجحود ..

كنت في السابق ماأعرف الجحادة
لكن حاليا كأن المجتمع بدأ يؤثر على طبعي بهذه الناحية
أجل
أقرب الناس لك والزملاء ماندري عن زواجهم إلا من الناس ..

المهم
اللي يلقى علاج يعلمني
سواء لي أبتعلم الجحادة
وإلا للناس نداويهم ..

اقتباس: هذا غير اللي تقطع بزوجه الليل والنهار مايدوينا. .مايجيبنا ..مايشريلنا ... بخيل ..ومن هالهرج ...... وهي عنده يادهنه لاتنكتين

آخ منكن يامعشر النساء ..

[/align]

[فديكا التميمي]

ياحليلتس توي ادري انتس بنت خخخخخخ المهم والله ياانا اشتب لاسمعت احد جاحد
والمشكله بعضهم يجحدون اشياء عارفينهن الله لايعوق وش الفايده ماادري..
اللي يجحد السفر <<تقل مايسافر غيرهم
اللي يجحد االحمل<<تقل اول وحده تحمل وبعدين بالعكس يجحدونه لاولدت يقولون متى حملت علشان تولد..
اللي يجحد العرس لحد ماتصل البطاقه مايمدي الواحد يستعد<<ومن التسذب يقولون ماامدانا نعلم توه مخطوبه خخخخخ
<<<مايعرفون يجحدون ابد تقول مرت جيراننا انتم ان ماهرجت اثاميكم اهرجت ............. <<مانب قايله..

[فديكا التميمي]

لانسيت اقولكم وحده تغير ت بشرته جذريا عن قبل وكل من إساله قالت مازينت شي
بس اشرب عصير برتقال الصبح خخخخخخخخخخ
انا ماادري وراه اذا انتفعت الوحده ماتنفع غيره...

[قيدوم]

اقتباس:  المشاركة الأصلية كتبت بواسطة فديكا بريده     لانسيت اقولكم وحده تغير ت بشرته جذريا عن قبل وكل من إساله قالت مازينت شي بس اشرب عصير برتقال الصبح خخخخخخخخخخ انا ماادري وراه اذا انتفعت الوحده ماتنفع غيره...

والله ياخيتي من ضيق العين والحسد ,,

شكراً لمرورك

تحيتي ,,

[ونة خفية]

اقتباس: اللي يجحد االحمل<<تقل اول وحده تحمل وبعدين بالعكس يجحدونه لاولدت يقولون متى حملت علشان تولد..

فديكا بالعكس أنا مع الجحادة بالحمل
لأن الناس بهالوقت اشتغلت ببعضها وصارت حسوديه بزود
خلال الأشهر الماضيه فقدت عائلة شقيقي مولوده
والسبب كان ظاهر للعيان أم البنت حملت بثلاث مواليد خلال ثلاث سنوات متتاليه
الحمل الثالث كان طبيعي إلا أن علمت وحده بوقت متأخر نوعا ما
وهي في ستة اشهر ونصف والوحده لم تخفي شعوره الدنيء شهقت بقوه
وعلى طول تجيها ألام المخاض واصيبت بنزف حاد وولدت بالبنت وكانت حالة البنت وأمها سيئه جدا ووضعت الرضيعه في قزازة الخدج لمده 11 يوم
بعد ماتعلقت العائله بها وبعد ماسمينها احلا الأسامي (بشاير)
توفيت والحمدلله على كل حال ,,