الرومنسيه كذب وقع فيه الرجال !

[محبة الجنان]

اقتباس:  المشاركة الأصلية كتبت بواسطة فتاة المستقبل     لا بالعكس هذا شئ محمود ومباح وفيه زيادة الفه ومودة بين الزوجين ,,لان تسذبك بينعكس على تعاملها معك وبالنهايه انت الرابح .. والرسول عليه الصلاة والسلام اباح الكذب في ثلاثة مواضع ومنها الحديث الذي يكون بين الزوجين لزيادة الالالفه بينها ... عاشق لاتفتي من عندك ,,عدل موضوعك لاتستاثم بخلق الله ..

صدقتي أختي فتاةالمستقبل
كنت أريد أن أكتب رد لكن وجدت ردك كافي

.............
لاحظت أغلب مواضيع الأعضاء تركز على جمال الفتيات
و قليل جمالهن أو منعدم
رغم أني مؤمنة أن الإنسان خلقه الله في أحسن تقويم
لكن أحيانا أعذرهم ...
من واقع المعاينة
رغم جهود البعض بتحسين النسل
لكنها جهود لم تثمر غالبا
وقد يكون السبب أن جيناتهم أصليه
لا تقبل التهجين
( ابن البط عوام )

[زين نجد]

عاشق..

كلام الحب والعشق والحنان لا بد منه

أرأيت لو كان عندك وردة واهلمت سقاؤها ماذا ستكون..!

هذا أمر لا بد منه وليس كذباً

عندما تصنع لك طعاماً ألا يجدر بك أن تثني عليها وعلى طبخها وتمدح فيه..!

المرأة بحاجة الى كلمة ثناء واعجاب أكثر من أي شيء..

والمثل يقول:

لا تطعن في ذوق زوجتــك فقد إختـارتك أولاً..!

تقديري لك عاشق،،،

[دِيم]

.
.

كذب الزوج على زوجته حلال ..

.
.

[ابو ريما الخالدي]

الفرس من خيالها ياعاشق

والرومانسية الكل يعرفها

لكن السؤال ياعاشق متى تكون وأين تكون وكيف تكون

وتره مهب الموضوع كله كذب وهياط كما ذكرت

الرجل عندما يعشق يعشق وعندما يحب يحب

وعندما يفكر يدبر

العقل ينتج ويبرمج ويعطي الأوامر فلاتقيس بعين واحده ياعاشق

حتى لاتقع في المحظور فلا تركب الفرس ولا تركب الحنطور

[قـتـالـه]

ياحيي انتم اتسذبوا وبألف حل وستين ظل !
و ياملح الرجل اذا تسذب على قميطا وقال اخسي ولاعيون سميره توفيق !
وراحت لدوامها داعجتن هالكحل وكل سالفتها ذاك اليوم تأثير العيون بحب الرجل !
او تلك الدهيسا بلون عاجي اقرب ماله ريغا مخلوطه بزيت فرامل وجتنا منتفخه ومنزبخه عند روحها انها تمتلك بشرة مارلين مونروا ومن حاكاها قالت مااقدر اطلع للشمس بدون واقي :/
تأثير مدايح الزوج التسذبيه اقوى من السحر لو كنتم تبخصون !

اقتباس:  المشاركة الأصلية كتبت بواسطة دِيم     . . كذب الزوج على زوجته حلال .. . .

ديم ياعين ابوي وين راح راعي رمزيتس ولهنا عليه

[وضوح]

اقتباس:  المشاركة الأصلية كتبت بواسطة زين نجد     عاشق.. كلام الحب والعشق والحنان لا بد منه أرأيت لو كان عندك وردة واهلمت سقاؤها ماذا ستكون..! هذا أمر لا بد منه وليس كذباً عندما تصنع لك طعاماً ألا يجدر بك أن تثني عليها وعلى طبخها وتمدح فيه..! المرأة بحاجة الى كلمة ثناء واعجاب أكثر من أي شيء.. والمثل يقول: لا تطعن في ذوق زوجتــك فقد إختـارتك أولاً..! تقديري لك عاشق،،،

ياهيك رجـــال يــا بلاااااا






تحيتي للكل ..،؛

[دِيم]

اقتباس: ديم ياعين ابوي وين راح راعي رمزيتس ولهنا عليه

الليلة منقلبة .. > تسمع بالإنقلاب .. مليت رومانسية وبراءة ..
خل أقلب شوين غدي العالم تخاف منّي

[قـتـالـه]

اقتباس:  المشاركة الأصلية كتبت بواسطة دِيم     الليلة منقلبة .. > تسمع بالإنقلاب .. مليت رومانسية وبراءة .. خل أقلب شوين غدي العالم تخاف منّي

ياحي وياعين حياني انقلبي عسى ماانقلاب :/
ولقضيتي منقلبه تراي ألفي المنقلببين وحتى المنقلب عليهم < شماليين وصدورهم حياله مايضيقون بأحد

[دِيم]

^^^ والله ياطربتي الصدور الحين ماعادت شمالية ..
عقب هالأشياء اللي تضيّق الصدر ..

حتى صدري اللي يضف كل أحد صار يضيق بقلبن بين ضلوعه ..

.
.

[اختصرتك بدمعه]

ههههههه....

والله ياالحرييييم بيدعن علييييك ...
خلهمم يسذبوون بالرومنسيه وهي وقفت عليييه ....

[نبض قلب]

يارب الصبر

معليش نبغى كذب وتمثيل اهم شي نعيش لحظات روعه

المشكله اللي مايعرف يمثل ,, فالقسوه والجفاء متأصله اباَ عن جد 00

[التنين الصيني]

وسع صدرك ....

عسانا نسلم .... وحنا نتسذب

عاد لو ما نقول .... والله ان تشوف نفسك " حسني مبارك " خخخ

[قـتـالـه]

اقتباس:  المشاركة الأصلية كتبت بواسطة دِيم     ^^^ والله ياطربتي الصدور الحين ماعادت شمالية .. عقب هالأشياء اللي تضيّق الصدر .. حتى صدري اللي يضف كل أحد صار يضيق بقلبن بين ضلوعه .. . .

كل مالاح لي راس الحزم شديت حزام وسطي وقلت وصلت !
ودتس وقت الفنايع تصيرين حول وسيع صدر يلفي همومتس ويضيق عليهن الرباط
ياعين حيي لاتطرين الكدر وضيق الضلوع تراها عدوى ..!
شوفي عيال الفراعنه متماسكين الشوش ومازالوا ينكتون :/
المصريه اللي ترغي بحجري امس صارقين رجلها يوم شافتني الصبح تقولي
صباح الفل على الوحده ونص واقمل صباح وصلحووووا
^
شفتي اللي ماجابوا خبرضيق الحنايا ؟

[دِيم]

اقتباس:  المشاركة الأصلية كتبت بواسطة قـتـالـه     كل مالاح لي راس الحزم شديت حزام وسطي وقلت وصلت ! ودتس وقت الفنايع تصيرين حول وسيع صدر يلفي همومتس ويضيق عليهن الرباط ياعين حيي لاتطرين الكدر وضيق الضلوع تراها عدوى ..! شوفي عيال الفراعنه متماسكين الشوش ومازالوا ينكتون :/ المصريه اللي ترغي بحجري امس صارقين رجلها يوم شافتني الصبح تقولي صباح الفل على الوحده ونص واقمل صباح وصلحووووا ^ شفتي اللي ماجابوا خبرضيق الحنايا ؟

,لاتطرين الرجم تكفين
خبيث هاك المحل .. الله من عبرتن وعبرة هليتها .. على هالسمر

,
يختي حنآ شعب الضيق عنده وراثي ..
وإلا هالرجوم وش جمعهن على روس الضلعان .. غير هل العباير , والهجهجة عن الخلق ..
,
المصارية يجيتس الواحد يجعر وسط بيته ماحد ينقد عليه .. والمرة تصايح وسط عيالها وكلهم يطبطبون عليها ..
حنا دمعة الرجال .. عيب وشق جيب إن تعلقت بالرموش تسيف لا تحدرت على خده اللي حرقته الشمس ..


,
هذا غير الوحدة اللي تذبحتس وسط الناس تقل ما أنتي منهم

,
تباً لمجتمع لا يستطيع فيه المرء أن يهمس به بمكنونات صدره فكيف الصراخ بها ..



.
.

[قـتـالـه]

اقتباس:  المشاركة الأصلية كتبت بواسطة دِيم     ,لاتطرين الرجم تكفين خبيث هاك المحل .. الله من عبرتن وعبرة هليتها .. على هالسمر , يختي حنآ شعب الضيق عنده وراثي .. وإلا هالرجوم وش جمعهن على روس الضلعان .. غير هل العباير , والهجهجة عن الخلق .. , المصارية يجيتس الواحد يجعر وسط بيته ماحد ينقد عليه .. والمرة تصايح وسط عيالها وكلهم يطبطبون عليها .. حنا دمعة الرجال .. عيب وشق جيب إن تعلقت بالرموش تسيف لا تحدرت على خده اللي حرقته الشمس .. , هذا غير الوحدة اللي تذبحتس وسط الناس تقل ما أنتي منهم , تباً لمجتمع لا يستطيع فيه المرء أن يهمس به بمكنونات صدره فكيف الصراخ بها .. . .

آآعنبوا حيتس وش قلتي !
كنتس دخلتي يدك وسط جوفي وعصرتي قلبي واطلقتيه
شوفي ياعين حيي وميتي انتي .. حنا هنا مانصيح بلانا عارفين وش عقب هالصياح!
تشمت حريم حولتس اولهن خواتتس ورجال تطيحين من عيونهم ويبدون مايسندون لتس سالفه لانتس صرتي بنظرهم بزر
اذا هزك طرف حزن ومضامه ادخلي اقرب مكان شياطين واقفلي الباب وانزفي دمع لين تحسين انك استفرغتي كل الالم وبعدها ادعجي العين كحل واطلعي لهم العني كنفات الطيب بهم !
اتركي الحزن لوسائد النساء وضفائر الارامل !
من جر دمعتوه حفرت بخده جاده اسمها جادة الحزن والمهانه ..!
لاتبكين الا من خشية عزيز بسابع سما والا ذولا مايستاهلون .. اوحيتي ؟