~ يقول اسم امه عيب .. وانت اسم امك عيب؟ ~

[رفيــع الشــان]

ما هو عيب ذكر اسم الأم
هي عادات وبدات تتلاشى
وها الجملة راح نرددها كثير
المجتمع بدا يتغير يفهم ويتوعى
(معلومة : في مجتمع الشباب ما يقولنه لانه يبدا التعليق عليه
مو تنقيص بقدر الام
لكن يبدون ما ينادونه الا باسم ولد فلانه
علشان كذا يرفضون يقولن الاسم )
الله يطول باعمار والدينا وهم شرف لنا في كل مكان
والام هي حلوة اللبن

[شـــــادن]

.

بغض النظر عن فكرة البرنامج وطرح المذيع للسؤال
وبس كذا ماسك مايك ويوقّف شاب ويسأله عن اسم امه !!
,,
بس بين الأصدقاء يبقى اسم الأم فخر الله لايخلينا
والحمدلله إن اخواني ماعندهم هالأفكار وماعندهم أيّ اشكاليه بالإسم
بس لكل رجل خصوصياته
يمكن إن اصدقاهم ماينعطون وجه

[الصيااد]

كل منطقة ولها اسم مشترك بين افرادها فمثلا منطقة القصيم

اسمها المشترك ( رقية ) قليلا ما تخلوا عائلة من هذا الاسم

[شـــــادن]

اقتباس:  المشاركة الأصلية كتبت بواسطة الصيااد     كل منطقة ولها اسم مشترك بين افرادها فمثلا منطقة القصيم اسمها المشترك ( رقية ) قليلا ما تخلوا عائلة من هذا الاسم

الصياد

لو أنت قايل( نـورة) صدقتك

ع الطاري ذكرتني بعجيّز اسمها رقية وتقول لاتسمونن إلا ريم << ياحياتي مااعجبه اسمه حتى وهي عجوز
الله يسامح اهلها اللي سموها رقية

[الصيااد]

اقتباس:  المشاركة الأصلية كتبت بواسطة شـــــادن     الصياد لو أنت قايل( نـورة) صدقتك ع الطاري ذكرتني بعجيّز اسمها رقية وتقول لاتسمونن إلا ريم << ياحياتي مااعجبه اسمه حتى وهي عجوز الله يسامح اهلها اللي سموها رقية

ومن أين عرفتي رقية ؟!...
هههههههه

[مايا]

'

دايم الصغارين هم اللي مايبون احد يعرف اسماء خواتهم مثل اخوي اللي بالابتدائي
عكس اخواني الكبارين عادي عندهم

[لآتيه]

.

وَ الله ْ أنآ أشوف ْ إن ْ هـ َ العآإدهـ ْ بدت ْ تندثر ْ ..

كآنت ْ بأوجهآ قبل 20 سنه ْ تقريباً أو يمقن ْ أكثر ،

لكن ْ الحين ْ أحس ْ عآإدي ْ ،

اسم ْ أمي ْ وَ بكل ْ فخر ْ [ عآإئشه ْ الدخيلي ْ ] حلوة ْ اللبن ْ

الله ْ لَ يحرمني ْ منهآ

،

شميسآإوي ْ : آلله ْ يشفي ْ أمك ْ شفآإء ً لَ يغآدرهـ سقماً

جعلْ مَ جآهآ تكفير ْ لذنوبه ْ ..



.

[فديكا التميمي]

كله كوم واذا دقت عليه زوجته عند اصدقاه قال هلا ابو فلان
ذي بكوووم لحاله

مجتمعنا ماادري وش يبي ...؟؟!!!
صغائر الامور يكبره والعكس

[shahd2007]

احس انه تغيروا ماعاد يستحون من اسم امهم او اختهم عادي
تفتحوا شوي الشباب وصاروا يفتخرون باسماء امهاتهم
او اسماء الامهات اللحين صارت حلوه اندثرت الاسماء القديمه
الزين اذا بدى يناديك بأسمك وهو بااول الطياره وانت بأأخره شهههههههههد ويينك <<كيف الحال خالي بندر

[قـتـالـه]

يعني مايصير الواحد عقليته راقيه وينقال عنه مثقف الا
ان قال اسم أمه وخواته وزوجته بالمجالس !
وش موجب ذكر اسماء الحريم بقعدات الرجال ؟
يطيح من عيني الرجل اذا اطرى مرته بغير أم فلان
بمجلس رجال لو هم اخوانه ولايكثر طواريها
ياكرهي للملطان اللي يجيبون طاري خواتهم ايقالنا فري
الا والله رخوم ومالهم مسمت
خير يالرجال اللي هنا كلن بدا يصفلنا من هالاسامي
جودكم علينا من وراء معرفات تطيبون خواطر السحا
والا انتم تدرون انه عيب وماله داعي :|
الله يجيبك يالامعط راعي المواجيب والسنع
لاخرب مذهبك لامدانس بلاك بيري ولا ايفون
دنفسوا بكل شين الا عاداتنا وطبيعتنا ممنوع الاقتراب منها
ياملطان الرجال ومضيعات الدرب من السحا :|

[رفيــع الشــان]

اقتباس:  المشاركة الأصلية كتبت بواسطة قـتـالـه     يعني مايصير الواحد عقليته راقيه وينقال عنه مثقف الا ان قال اسم أمه وخواته وزوجته بالمجالس ! وش موجب ذكر اسماء الحريم بقعدات الرجال ؟ يطيح من عيني الرجل اذا اطرى مرته بغير أم فلان بمجلس رجال لو هم اخوانه ولايكثر طواريها ياكرهي للملطان اللي يجيبون طاري خواتهم ايقالنا فري الا والله رخوم ومالهم مسمت

اعجبني كلامك
لا افراط ولا تفريط
ما اعتبر اسمها عيب لكن ما فيه داعي لكثرة ذكره
باقي ردك تفاهمي مع الاعضاء ما لي قدرة عليهم :d

[قـتـالـه]

اقتباس:  المشاركة الأصلية كتبت بواسطة رفيــع الشــان     [/center] باقي ردك تفاهمي مع الاعضاء ما لي قدرة عليهم

اتفاهم مع معرفات املطيه ؟
لو هم فري صدتز كان مانسمع بوابين المدارس
ينادون البنات باسماء عوايلهن همن تطلعلك
بنت كبر الاصبع بصف ثاني شنطتها اكبر منها
ومع ذلك مايطرى اسمها ولا عند البواب

[رفيــع الشــان]

اقتباس:  المشاركة الأصلية كتبت بواسطة قـتـالـه     اتفاهم مع معرفات املطيه ؟ لو هم فري صدتز كان مانسمع بوابين المدارس ينادون البنات باسماء عوايلهن همن تطلعلك بنت كبر الاصبع بصف ثاني شنطتها اكبر منها ومع ذلك مايطرى اسمها ولا عند البواب

[/center]

املطية ؟؟؟ يبيلها مترجم
اغرب موضوع هذا
ليش ننادي باسم العايلة مو اسم البنت ؟؟
خاصة ان الصوت داخل المدرسة مو برا

شطحة : المشكلة اذا كانت البنت متعوده على انه يجي ابوه وبيوم ما جاء , جاء اخوه ونادا باسم العايلة تجلس البنت ساعة على بال ما تلاقيه
الخلاصة : لو منادين باسم البنت كان ماصارت المشكلة <<< والله صاحي وانا اكتب هههههههه

[عزف الحقيقة]

لا أعتقد أن هناك اليوم من يستنكر هذا الشي

أو يعيبه .. لكن بدون ابتذال ولكل مقام مقال

فاذا كان هناك داعي لذكر الاسم فلا مانع

اما اني اعلن الاسم بدون داعي فحتى اسم

اخوي له خصوصيته اذا لم يكن هناك حاجة مقنعة

لذكر اسمه

[مهندس الكلمات]

الله بكل صراحه
أنا أشوف اسم الام شي عادي
بس الناس خلوه عيب
لذلك
أناعن نفسي ماعندي مانع لو يذكر اسم امي أمام ناس ما أعرفهم
بالمستشفى مثلا
لكن
أمام زملائي بالعمل أعتبره عيب ونص
لان الاخلبيه يعتبرونه عيب