أقسمت بالله وتورخت اليمين .. لأزّيد السمرا على البيضا اسهمين

[عزف الحقيقة]

اقتباس:  المشاركة الأصلية كتبت بواسطة oldman     ياليت كل واحد ماياخذ إللا من خطه الأنفس تتغير وتظهر أخلاقهم (القريبين أو البعيدين)اللي تربوا عليها وتطفح الحثاريب اللي جواتهم وان طفحت وظهرت خلهم يرمونها على من هم ينتمون لهم وكل قوم أدرى بدواعيسهم (أهل مكه أدرى بشعابها)ويستطيعون التعامل بيناتهم. *** هذي الأبيات لأعرابيه أخذت جرو ذيب صغير وربته حتى إذا مابلغ مبلغ الذئاب عدى على شويهتها فافترسها فقالت : عقرت شويهتي وفجعت قلبي**وانت لثديها ولدّ ربيبُ غذيت بدرها ونشأت فينا**فمن أنباك أن اباك ذيبُ إذا كان الطباع سوءٍ**فلا ادب يفيد ولا اديب . وابن آدم زوجوه بنتهم بريال ومع شين النفس بدا يعايرها بأن مهرها بقيمة قوطي ببسي . النفس فيها خبايا ماتطلع إللا بشين النفس ومادام النفس مشتاقه مايطلع منها إللا الزين . خلوكم على ما انتم عليه وش حليلكم لاشانت انفسكم على بعض كلها مقلى مع الجبهه ويتضرر الجلد ولا يتضرر القلب والخطوط تتشابك . ومثل ماقال تيمور لنك

+1

............

[الرحـّـال]

آخــــر
من يقتنع أهل نجد وخصوصاً من شرِب من الترعة قصدي الخزان

ياناس ياعالم
لا تُسلموا عقولكم لغيركم . وتردّدِوا عبارات من تأثر بالأغلال حتى
حسِبها من أركان الإسلام أو أرادها كذلك !

الناس تزاوجت وخلّفت ومشى حالها زي الفل والله مادريوا عن
أهل نجد وأهلنا هُنا هم وتنظيرهم وما يردّد ويُقال عن أحداث
حصلت ماهي إلا حالات فردية لا تكاد تُشكل نسبة تذكر إذا
ماقُورنت بأعداد من تجاوز تحكّم الأقرباء بمصير أبنائه وبناته.

نعم
هُناك من لايُريد إما لمصالح سيبقي عليها أو لتخوّف لا مُبرر
له ولكن الحقيقة إن الكثير من المُجتمع السعودي بجميع فئاته
وشرائحه تحرر من هذه الأغلال وأتخذ قراره ولم يحصل إلا كل خير .
و
(من وجهة نظري الخاصة)
إن جيل القفول في طريقه للإنقراض بفعل تعرية الزمن وسيتمتع
الجيل الجديد بما يجب أن يقرّره بناء على قناعاته وليس ما يُفرض
عليه .

[ألمــاس]

قريب لي تزوج خضيريه وربي ماحد حظر زواجه!!
واضغطواا عليه هله لماا طلقها والبنيه ياحراام تحبه ومتعلقه فيه
المشكله اهو اختارها وبالنهايه طلقهاا !!

ليتنا مثل الغربيين ماكو قيود بالزواج

عني ماني متزوجه لما تنقرض القيوود واتزوج اجنبـي

[آشغلتموها]

دبلوماسيه
روحي ادعي بمكان ثاني
يعني ماشاء الله الدعاوي ماتقبل الا بهالموضوع
خابره مواضيع السمنسي كلها ادعيه
روحي ادعي معه

[ابو عراده]

اقتباس:  المشاركة الأصلية كتبت بواسطة آشغلتموها     دبلوماسيه روحي ادعي بمكان ثاني يعني ماشاء الله الدعاوي ماتقبل الا بهالموضوع خابره مواضيع السمنسي كلها ادعيه روحي ادعي معه

ههههههههههه ياحليله ..قرين قتاله مشخص و مسوي معرف وبدأ ينابي .
تكفين ياقتاله غيري رقم الباسووورد عنه ولانشوفه هنا مرة ثانيه .
لاتشرهين عليهن يالديبلوماسيه ترى المسكون مصيبته مصيبه ومايبي ذكر الله ولايبي قرآن ولايبي حديث .
هو رقص وغناء وطق ينبسطون عليه ...تف تف اللهم سكنهم بمساكنهم .

[قـتـالـه]

اقتباس:  المشاركة الأصلية كتبت بواسطة ابو عراده     ههههههههههه ياحليله ..قرين قتاله مشخص و مسوي معرف وبدأ ينابي . تكفين ياقتاله غيري رقم الباسووورد عنه ولانشوفه هنا مرة ثانيه .

تناظرني بعين طبعك من كثر معرفاتك بدن يتناظرن عند احمد النجم ههه
اشغلتموها اتذكرها نشيطه مبطي وهجدت وادري منهي
هذي وحده نفس طبيعتي وتوجهاتي الله يكثرهن
لاتدقمه الله يدقم شانك .. اقربي عيني اشغلتموها < قلب لتس


* أولدمان ردك يهبل وطوالي على القلب لي رده عليه
بعد دوام قليط .. وصباح الجميع سووكر بني بكوب توركيش كوفي

[ابو عراده]

اقتباس:  المشاركة الأصلية كتبت بواسطة قـتـالـه     تناظرني بعين طبعك من كثر معرفاتك بدن يتناظرن عند احمد النجم ههه اشغلتموها اتذكرها نشيطه مبطي وهجدت وادري منهي هذي وحده نفس طبيعتي وتوجهاتي الله يكثرهن لاتدقمه الله يدقم شانك .. اقربي عيني اشغلتموها < قلب لتس

اتنيلي ياشيخه على عينك . مبروم على مبروم مابيلفش ( على قولة حبايبي المصريين )
يوم شفت هالصوره تذكرتك علطول ..مادري ليش ؟؟
يبي يجي يوم نترحم على قتاله .. ايه الدوام لله كانت تدهر بمنتدى بريده واليوم تحت الثرى .

[#هشتاقة]

شف وانا اختك
لو يخفس برج بريدة مع الحضاري وتتفجر فيه الينابيع والمياه ويصير بحيرة وتطلع أم عزيز -الي كان ولده عزيز يتتن فوق النفود - من بيتهم وبشنطة مايوه قطعتين عشان تطقهن وتنسدح عند البحيرة وتصقعه الشمس لين تصير كمكه ... مافيه أمل تسمح لعزيز - الي صار يتتن من بكت أخته رقيه بحكم إنه مدرسة وعنده دخل ثابت وماهيب راعية تطير دراهم مثل عزيز - مستحيل تخليه يعرس على وحده من غير مايكون الفولت حقه مايسبب ضربة شوط لعزيز

مجتمعك مجتمع معجون في العادات والتقاليد المُقدمة على الدين !
الإنفتاح على الآخر عبر الابتعاث لا يستطيع اقتلاع بعض العادات وأصعبها الزواج من غير القبيلة أو الخط !
الكويت تسبقنا كثيرا في مسألة التغيير الفكري والانفتاح ومازالت متمسكة بالتصنيفات
وما اعتقد أن هذا الموضوع له أهمية عظيمة في تنمية ونهضة المجتمع أو العكس !

[أحتآجه وأجهل مكآنه]

الخطوط موجوده !
الآهم الافيآش تكون ثنآئيه .. مآنريد ثلآثي يآعيني ويمشي الوآحد
بعض الحب يكون أقوى من التقآليد والعآدت ..
ومن كآن حبه أقوى حضي مآيريد
لكن !
الدنيآ مآتوقف على على أحد .. وكثر الدق يفك اللحم والتغير مستمر اليوم أو بكرآ

[pepsi]

دهنا في مكبتنا

[" TWIX "]

مب صاحي طارق يبي يلغي تميزنا وخصوصيتنا ..
إذا راحت الخطوط بالله نفتخر بأيش .. بالخطوط السعودية اللي توكل ركابها لحم حمير ..

[عنفوآن أنثى]

[quote=" twix ";9773353][right][font=simplified arabic][size=4]مب صاحي طارق يبي يلغي تميزنا وخصوصيتنا .. [/size][/font]
[font=simplified arabic][size=4]إذا راحت الخطوط بالله نفتخر بأيش .. بالخطوط السعودية اللي توكل ركابها لحم حمير .. [/size][/font][/right][/quote]

[size="4"]

من أين اتيت بهذا التميز
كلنا ابناء ادم
وكلنا ابناء تسعه
وان اكرمكم عند الله اتقاكم
هذا هو التميز ولا تخلط الامور
وحتى التقوى يجب معها التواضع لأن اي نعمه هي من الله

[/size]

[shahd2007]

إللي يحب وحده من غير خطه أو وحده تحب واحد من غير خطها لاتضيق صدورهم .
الظروف راح تجمعكم بس انتم تمسكوا وناضلوا لأجل حبكم ,



معذبين انفسهم كل واحد يمسك خطه لايصير التماس باي وقت يعنى ضاقت تحب من غير خطك

تبلشون الشيبان يجون يركضون للمحاكم ويطلقون ويزعلون ماتسوى والله ماتسوى
اصل الحب كله كذب 💔😔

[نـدى الـورد]

انتي مصدقه ياشهد اي حب يجمع قلبين

بيتوج ب الزواج؟

الشاب لايمكن يتزوج وحده يحبها

وانا اعني الحب الذي له امتداد لموجه

[shahd2007]

اقتباس:  المشاركة الأصلية كتبت بواسطة نـدى الـورد     انتي مصدقه ياشهد اي حب يجمع قلبين بيتوج ب الزواج؟ الشاب لايمكن يتزوج وحده يحبها وانا اعني الحب الذي له امتداد لموجه

الحب ينتهي بعد الزواج :/
هذا اللي حبهم توج بالزواج وغالبا اللي من نفس العائله
ام حب غير خطك والله ان يوصل الدم للركب ومايتم الزواج 💔


يعني الحب اللي نسمعه ونقراء قصايده كلهم ماتزوجوا ولو تزوجها كان ماسمعناقصصهم ❤